چەند ڕێنماییەك بۆ خۆپاراستن لەتوشبوون بەڤایرۆسی كۆرۆنا

  2020-02-26 13:42      360 جار بینراوە        کۆمێنت

• ڕێنماییەكانی خۆپاراستن لەتوشبوون بەڤایرۆس بەگشتی و ڤایرۆسی كۆڤید  19(COVID-19)ناسراو بە كۆرۆنای نوێ..
1- سستمی ھاتن و ڕۆشتنی بەیانیان و نیوەروان تەنھا بە چاو یان دەموو چاو یان ئار ئێف ئای دی كارد بێت  ( Eye Detector or Face Detector or RFID Card ) واتە سستمی پەنجە مۆر ( Finger Print ) بەھیچ شێوەیەك بەكار نەیەت لەھیچ شوێنێك.
2- ئەو كۆلێج و بەڕێوەبەرایەتیانەی دەفتەری ئیمزایان ھەیە پێویستە قەڵەمی لەسەر دانەنرێت و ھەركەس قەڵەمی خۆی بەكابێنێت بۆ ئیمزا.
3- دووركەوتنەوە لەكەسانی تووشبوو بەئەنفلۆنزا و پەتای هەڵامەت .
4-بایەخدان بەپاك و خاوێنی ناو تەوالێتەكانی بینای كۆلێج و پەیمانگاكان وە هەرواها داخیلێكان و زوو زوو بەباشی پاك بكرێنەوە بە تایبەتی دەسكی دەرگا و مەغسەلەكان .
5-بەكارهێنانی دەستكێش لەكاتی چوونەژوورەوە بۆ كافتریا و تاقیگەكان و هەتا بكرێت كەمترین دەست لێدانت هەبێت بۆ دەسكی دەرگا و محاجەرە و قەراغی دیوار و ئەو شوێنانەی زۆر دەستی بەردەكەوێت، پاش گەڕانەوە بۆ ماڵەوە پێویستە دەستكێشەكەت فرێدەی لەشوێنی تایبەت بە خۆی (سەلەی خۆڵ).
6-هەتا بتوانیت مەچۆرە دەرەوە و دووربكەوەرەوە لە سەردانی شوێنە قەرەباڵغ و گشتییەكانی وەك (بازاڕ و مۆڵ و نەخۆشخانە و كافێ و چێشتخانە و یانە وەرزشییەكان) لەكاتی زەروریشدا پێویستە گرنگی بە بەكارهێنانی ماسك(دەمامك) و دەستكێش بدەیت و ئەگەر ماسكی N95 دەست كەوت باشترە و تایبەتە بەم ڤایرۆسە نوێیە.
7-لەكاتی سڵاوكردندا تەنیا وشە بەكاربهێنە و نزیكی یەكتر مەكەونەوە و دووركەونەوە لەماچكردن و باوەشگرتنەوە و دەستگرتنە مل و تەوقەكردن، ئەگەری گواستنەوەی ڤایرۆس زیاد دەكەن.
8-بەكار‌هێنانی دەستەسڕ لەكاتی كۆكە و پژمیندا پاشان شۆردنی وە بەكارنەهێنانەوەی بۆ جاری دووهەم وە فرێدانی لەشوێنی تایبەت بەخۆی (سەلەی خۆڵ).
9- دەستەكانت بە ئاو و سابوون و با زیاتر لە 20 چركە سابوونەكە بە دەستەكانتەوە بمێنێتەوە، ئەگەر لەو كاتەدا سابوون نەبوو دەتوانین پاكژكەرەوەكان وەك كهول (Ethanol 60-70%) بەكار بهێنرێ.
10- دووربكەوەرەوە لە لەدەستدان لە دەم و لووت و چاوت كاتێك دەستەكانت خاوێن نین.
11-لەماڵەوە بمێنەرەوە لەكاتی نەخۆشیدا.
12- بەكارهێنانی كەرەستەی تایبەتی خۆت وەك خاولی و بەتانی و كەرەستەكانی تر.
13- نەخواردنی نانی دەرەوە و سەر عەرەبانەكان و نەچوونە كافتریا و دووركەوتنەوە لەنێرگەلەكێشان و خواردنی سەردانەپۆشراو.
14- كوڵاندنی گۆشت و بەرووبومە گۆشتێەكان بە شێوەیەكی تەواو بۆ سەروو 70 پلەی سیلیزی.
15- بەرز كەردنەوەی سیستمی بەرگری لەش بەخواردنی ئەو خۆراكانەی كە تەندروستن و بەسودن وەكو ئەو خۆراكانەی كە رێژەیەكی زۆر لە ڤیتامینەكان ئ دژە ئۆكساینەكانی تێدایە وەكو میوە و سەوزەواتەكان بە گشتی.
16- بەردەوام تەڕكردنی دەم و لووت و هێشتنەوەی بە شێداری و زووزوو غەرغەرەكردنی ئاو بە دەم و لووتت.
17-لەكاتی بوونی ئەم نیشانانەدا باشترە سەردانی دكتۆر بكەیت و بە ئاسایی وەری نەگریت(كۆكە و پژمە، تای ناو بەنا و بەرز، ئازاری گەروو و لەرزین، ئازاری ماسوولكەو پەلەكان، سەرئێشە، هەناسەتەنگی..)
18-با هەواگۆڕكێ لە ژورەكانی كۆلێژ و تاقیگە و هەروها باشە ناوخۆیەكان هەبێت و زووزوو پەنجەرەو و دەرگاكان بكەرەوە، ڤایرۆس لە شوێنی كراوەدا نامێنێتەوە.
   بەڕێوەبەرایەتی تەندروستی و سەلامەتی

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو