بافڵ تاڵەبانی: (الإنصات المركزی) بە رۆژانەكەی سەرۆك مام جەلال ناسرابوو

  2020-03-11 16:59      95 جار بینراوە        کۆمێنت

بافڵ تاڵەبانی ھاوسەرۆكی یەكێتیی نیشتمانیی كوردستان پیرۆزبایی یادی بیست و شەشەمین ساڵرۆژی دەرچوونی ( الإنصات المركزی ) دەكات و رایدەگەیەنێت هیوادارین كاروانەكەتان بەردەوام بێت ، وەك ھەمیشە لە خزمەت گەیاندنی ھەواڵ و راستیی رووداوەكانی كوردستان و دەنگی كورد بێت.

دەقی پیرۆزبایی نامەكە:
بەڕێزان سەرنووسەر و میدیاكارانی ( الإنصات المركزی )
بەبۆنەی بیست و شەشەمین ساڵرۆژی دەرچوونی ھەواڵنامە شیكارییەكەتانەوە گەرمترین پیرۆزبایتان لێدەكەم .
( الإنصات المركزی) وەك یەكەمین ھەواڵنامەی شیكاریی كە بەزمانی عەرەبی دەردەچێت سەكۆیەكی گرنگی گەیاندنی ھەواڵ و وتارو پەیامی كوردییە بە دەستەبژێری عەرەبی و بەپَچەوانەشەوە گەیاندنی دوایین گۆرانكاری و شیكار و توێژینەوەی هەرێمی جیهانی بۆ شەقامی كوردی و لە كۆكردنەوەی ھەواڵ و زانیاری و رووداوەكانی رۆژ لەھەرێم و عێراق و جیھان رۆڵی باش دەگێرن و خزمەتی باش بە توێژەران و بژاردەی سیاسی و میدیایی دەگەیەنن .
لەھەمان كاتدا بیرمان ناچێت كە لە بەرگرنگی و خوێندنەوەی بەردەوامی بە رۆژانەكەی سەرۆك مام جەلال ناسرابوو و لەئێستاشدا لەسەرهەمان رێچكە گرنگیپێدانی ئەو ئەركی خۆتان برەو پێئەدەن .
هیوادارین كاروانەكەتان بەردەوام بێت ، وەك ھەمیشە لە خزمەت گەیاندنی ھەواڵ و راستیی رووداوەكانی كوردستان و دەنگی كورد بێت لە پاڵ گەیاندنی ھەواڵەكانی تری ناوچەكە و روانینە جیا جیاكان بەخوێنەرەكانی لەھەر جێگەیەك بن .
دەستی ماندوبونتان دەگوشین و سەركەوتنی زیاترتان ئاواتمانە.

براتان
بافڵ تاڵەبانی
ھاوسەرۆكی یەكێتیی نیشتمانیی كوردستان

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو