په‌یامی مه‌ڵبه‌ندی دهۆك به‌بۆنه‌ی راپه‌ڕینه‌وه‌

  2020-03-12 15:47      120 جار بینراوە        کۆمێنت
ئاراس محه‌مه‌د ئاغا به‌رپرسێ مه‌ڵبه‌ندێ 4ێ رێكخستنا دهوكێ

ب هه‌لكه‌فتا 29هه‌مین ساڵڤه‌گه‌را ده‌ستپێكرنا سه‌رهلدانا پیروز یا خه‌لكێ بشه‌ره‌فێ ده‌ڤه‌را بادینان ل دژی زوڵم و زوردارییا رژێما به‌عسا گور ب گور، پیروزباهیه‌كا گه‌رم و شۆره‌ش گێرانه‌ ئاراسته‌ی گه‌لێ كورد دكه‌م بتایبه‌تی خه‌لكێ ده‌ڤه‌را بادینان ده‌روازا شوره‌شا نوویا گه‌لێ مه‌ و مالباتێن شه‌هیدان و پێشمه‌رگه‌هێن قه‌هره‌مان و رێكخستنێن دێرین، كو رۆله‌كێ به‌رچاف هه‌بوو دهه‌لكرنا چریسكا سه‌رهلدانێدا.
د رۆژه‌ك وه‌ك ئه‌ڤرودا، 12/3/1991، ل هه‌ردوو باژێرێن ئاكرێ و به‌رده‌ره‌ش، سه‌رهلدان لدژی رژێما به‌عس ده‌ستپێكر و دماوه‌كێ كێمدا خه‌لكێ بشه‌رفێ ڤان دوو باژێران شیان هه‌ردوو باژێرێن خو ژ بن ده‌ستێ داموده‌زگه‌هێن سته‌مكارێن ڕژێما به‌عس ئازاد بكه‌ن و ببنه‌ هانده‌ر و پشته‌كا بهێز بۆ شار و شاروچكێن دیێن ده‌ڤه‌را بادینان، هه‌ر وه‌سا سه‌رهلدانا خه‌لكێ مه‌ ل زاخو و ئامێدیێ و دهوكێ و سێمێلێ و هه‌می شار و شاروچكێن دیێن ده‌ڤه‌را بادینان بیروز دكه‌ین و سوپاسییا ئیك ب ئێك خه‌لكێ بادینان دكین ئه‌ڤێن سه‌رهلدان كرین و ئازادی بۆ مه‌ به‌رقه‌رار كرین.
خه‌لكێ‌ كوردستانێ‌ بگشتی و ده‌ڤه‌را بادینان دخواست ب سه‌رهه‌لدانێ‌ ژیانه‌كا نوو و ب روومه‌ت ده‌ست پیبكه‌ت، ئێكه‌تی نیشتیمانی كوردستان ژی كو فاكته‌رێ‌ هه‌ری بهێزێ‌ سه‌رهه‌لدانا جه‌ماوه‌ری بوو، دهه‌مان ده‌مدا نوونه‌راتییا سه‌متا دیموكراتیخوازی و نویخازیێ دكر، له‌وڕا هه‌ر زوو خه‌لكێ‌ ده‌ڤه‌را بادینان ل دورێن ئێكه‌تیێ‌ خرڤه‌بوون و ب هێزا قورتالكه‌ر و نه‌ته‌وه‌پارێز و شوره‌شگێرا خۆ قه‌بوولكر.
پشتی ده‌ربازبوونا 29 سالێن سه‌رهه‌لدانێ‌، دیسان ئێكه‌تی نیشتیمانی و د ره‌وشه‌ك ئالوز و هه‌ستیارا كوردستانێ‌ و ده‌ڤه‌رێدا، خۆ نوو دكه‌ت، و هه‌ر مایه‌ ئه‌و هێزا باوه‌رپێكه‌را جه‌ماوه‌ری، نه‌ك تنێ‌ ل هه‌رێما كوردستانێ‌، به‌لكو لسه‌رانسه‌ری كوردستانێ‌، و هه‌لویستێن وێ‌ یێن پشته‌ڤان بۆ ته‌ڤگه‌را ئازادیخوازا گه‌لێ‌ كورد ل ڕۆژئاڤا و باكۆر باشترین گروڤ و به‌لگه‌نه‌ بۆ سه‌لماندنا وێ‌ ڕاستیێ‌.
بسه‌ركه‌فتنا چواره‌م كۆنگرێ‌ ئێكه‌تیێ‌ ژی پێنگاڤه‌كا سه‌رده‌مانه‌یا خۆ نووكرنێ‌ یه‌ بۆ سه‌ره‌ده‌ریێ‌ دگه‌ل ره‌وش و ئاسته‌نگ و گرفتێن ڤی سه‌رده‌می، و ل ده‌ڤه‌را بادینان ژی ئێكه‌تی بشێوه‌یه‌كێ‌ سه‌رده‌مانه‌تر و ب هێز و تێنه‌كا گه‌ش و گه‌رمتر دێ‌ درێژیێ‌ ده‌ته‌ كار و ئه‌رك و خه‌باتا خۆ.
بڤێ‌ هه‌لكه‌فتێ‌ ئێكه‌تی نیشتیمانی سوزێ‌ دده‌ته‌ جه‌ماوه‌رێ‌ ده‌ڤه‌را بادینان كو ڤێ‌ قۆناغێ‌ بسه‌ركه‌فتیانه‌ ده‌رباز بكه‌ین، و پێداگیریێ‌ لسه‌ر مافێن گه‌لێ‌ كوردستانێ‌ یێن ده‌ستوری دعیراقێدا و بسه‌رخستنا دوزا كوردی ب رێكێن ئاشتیانه‌ لهه‌موو پارچێن كوردستانێ‌ بكه‌ین.
ئازادیا راده‌ربرین و مافێن هاولاتیبوون و دابینكرنا ژیانه‌كا باشتر و خۆشگوزه‌ران بۆ هه‌ر تاكه‌كی ببیته‌ ئه‌رك و ئارمانجا هه‌ره‌ سه‌ره‌كییا ئێكه‌تی نیشتیمانی كوردستان دقۆناغێن داهاتیدا.
نه‌مری و سه‌روه‌ری بۆ شه‌هیدێن بزاڤا رزگاریخوازا كوردستانێ‌ و شه‌هیدێن سه‌رهه‌لدانا پیرۆز
سه‌رفه‌رازی بۆ كه‌س و كار و مالباتێن شه‌هیدێن رێیا ئازادی و رزگاریێ‌

ئاراس محه‌مه‌د ئاغا
به‌رپرسێ مه‌ڵبه‌ندێ 4ێ رێكخستنا دهوكێ

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو