دەمیرتاش لەزیندانەوە بانگەشە دەكات و ئەمڕۆش داوای ئازاد كردنی دەكرێت

  2018-05-15 10:17      209 جار بینراوە        کۆمێنت
سەڵاحەدین دەمیرتاش

سەڵاحەدین دەمیرتاش، كاندیدی (ھەدەپە) بۆ ھەڵبژاردنی سەرۆكایەتیی توركیا ئامادەیی بۆ دەستپێكردنی بانگەشەی ھەڵبژاردنەكەی لە زیندانەوە دووپاتدەكاتەوە.
 دەمیرتاش لە چاوپێكەوتنێكیدا بۆ ئاژانسی ھەواڵی فرانس پرێس كە لە رێی پارێزەرەكەیەوە وەڵامی داوەتەوە، رایگەیاندووە: نادادپەروەرییەكی زۆر لە بانگەشەی ھەڵبژاردنی سەرۆكایەتیی توركیادا ھەیە، چونكە لە كاتێكدا ئەردۆغان و كاندیدەكانی تر بە ئازادی بانگەشەی ھەڵبژاردن دەكەن، دەمیرتاش بە ناچاری لە زیندانەوە بانگەشە دەكات، بەڵام لەگەڵ ئەوەشدا تەئكیدی كردووەتەوە كە ھەموو ھەوڵێك دەدات بۆ ئەوەی بانگەشەی ھەڵبژاردنەكەی لە زیندانەوە بەشێوەیەكی باش بەڕێوەبچێت.
 لەلایەكی دیكەوە بڕیارە ئەمڕۆ سێشەممە 15-5-2018، پارێزەرانی سەڵاحەدین دەمیرتاش هاوسەرۆكی پێشوو و بەربژێری هەدەپە بۆ سەرۆكایەتی كۆماری توركیا داواكاری ئاراستەی 19ـەمین دادگای سزا قورسەكانی ئەنقەرە دەكەن، بۆ ئازادكردنی ناوبراو و دەستپێكردن بە چالاكییەكانی بانگەشەی هەڵبژاردن وەك چوارەم بەربژێری سەرەكیی لەتوركیا.
لەداواكارییەكەیاندا پارێزەرانی دەمیرتاش ئاماژەیان بەوەكردووە، كە ناوبراو پێشتر بەربژێری سەرۆكایەتی كۆماری توركیا بووەو نزیكەی چوار ملیۆن دەنگی بەدەستهێناوە و هاوسەرۆكی پارتێكی سیاسیە كە خاوەن شەش ملیۆن دەنگە.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو