حاكم قادر بۆ مامۆستایان: بۆ پەروەردەو فێركردن بێ درێغ بن، ئێمەش پشتیوانتانین

  2018-05-15 18:03      192 جار بینراوە        کۆمێنت
حاكم قادر حەمەجان بەشداری مەراسیمی یادی دامەزراندنی یەكێتی مامۆستایانی كوردستانى كرد

پاشنیوەڕۆی ئەمڕۆ بەبۆنەی تێپەڕبوونی (56) ساڵ بەسەر دامەزراندنی یەكێتی مامۆستایانی كوردستان، حاكم قادر حەمەجان ئەندامی مەكتەبی سیاسی و سەرپەرشتیاری هەردوو مەڵبەندی ڕێكخستنی سلێمانی و چەمچەماڵی یەكێتی نیشتمانی كوردستان، هاوڕێ لەگەڵ سەرۆك و ژمارەیەك لەئەندامانی كۆمەڵەی خوێندكارانی كوردستان، لە بارەگای سەرەكی ڕێكخراوەكە لەشاری سلێمانی، بەشداری مەراسیمی یادی دامەزراندنی یەكێتی مامۆستایانی كرد.
 لەدیدارێكدا بەئامادەبوونی مامۆستایان سەرۆك و ئەندامانی دەستەی بەڕێوەبردنی ڕێكخراوەكە، حاكم قادر وێڕای دووپاتكردنەوەی پشتیوانی و پشتگیری داخوازییەكانیان، ئومێدی خواست هەروەك چۆن لەڕابردوودا داكۆكیكاری مافە ڕەواكانی مامۆستایان و لەپێناو سەرخستن و برەودان بە پرۆسەی خوێندن وپێشخستنی پەروەردە خەباتی شاخ و شارتان ئاوێتە كرد، بۆ ئایندەش لەو ڕێگایە لامەدەن و بەمەبەستی گەشەدان بەبواری زانست و پەروەردەو فێركردن بێ درێغ بن و ئێمەش پشتیوانتانین.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو