چەند كەسێك لەسەر سوتانی كۆگای سندوقەكانی كۆمسیۆن دەستگیركران

  2018-06-11 23:00      161 جار بینراوە        کۆمێنت
چەند كەسێك لەسەر سوتانی كۆگای سندوقەكانی كۆمسیۆن دەستگیركران

ئەنجومەنی باڵای دادوەری عیراق دەستگیركردنی چوار كەسی لەسەر سوتانی كۆگای سندوقەكانی كۆمسیۆن راگەیاند.

عەبدولستار بەیرەقدار وتەبێژی ئەنجومەنی باڵای دادوەری عیراق لەبەیاننامەیەكدا رایگەیاند: دادگای لێكۆڵینەوەی رەسافە چوار تۆمەتبار بەتاوانی سوتانی كۆگای سندوقەكانی كۆمسیۆن لەرەسافە دەستگیركردوە كە سیانیان كارمەندی پۆلیسن و ئەوی دیكەشیان كارمەندی كۆمسیۆنی باڵای هەڵبژاردنەكانە. 

بەیرەقدا دەشڵێت: بەوبۆنەیەوە ئەنجومەنی باڵای دادوەری هۆشداری بە هەموو ئەو كەسانە دەدات و ئاگاداریان دەكاتەوە كە بیانەوێت یاری بە بەڵگەنامە تایبەتەكانی هەڵبژاردنەوە بكەن توندترین سزا بەرامبەریان دەگیرێتەبەر.

 دوێنی 10ی حوزەیرانی 2018، ئاگرێكی گەورە لە كۆگایەكی هەڵگرتنی سندوقەكانی دەنگدان لە بەری رەسافەی بەغدا پایتەخت كەوتوەتەوەو بەو هۆیەشەوە سەرجەم سندوقەكانی ناو كۆگاكە سوتاون.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو