ئەڵمانیا... وەزیری دارایی کۆتایی بەژیانی خۆی دەهێنێت

  2020-03-29 17:05      958 جار بینراوە        کۆمێنت

میدیاکانی ئەڵمانیا بەیانی ئەمڕۆ 29 ی ئاداری 2020 هەواڵی مردنی توماس شیفەر وەزیری دارایی هەرێمی فیدرالی هیسنی ئەڵمانیای بڵاوکردەوە.
داواکاری گشتی و سەرۆکایەتی پۆلیس پێیانوایە مردنی تۆماس شیفەر خۆکوژی بووەو میدیاکانیش ئاشکرایانکرد، لاشەی ئەم وەزیرە تەمەن 54 ساڵە لەسەر هێڵی شەمەندەفەری خێرا لەشاری "ڤیسبادن"ی پایتەختی هەرێمی "هیسن" لەخوارووی رۆژئاوای ئەڵمانیا دۆزراوەتەوە.
مردنی شیفر کە سەر بەحزبەکەی ئەنگێلامێرکڵە نێوەندی سیاسی و شەقامی ئەڵمانیای تووشی شۆک کرد. 
رۆژنامەی فرانکفۆرتەر ئەلگماینەی ئەڵمانی ئاشکرایکردووە، توماس شیفر نامەیەکی ماڵئاوایی بۆ هاوسەرەکەیی و کچ و کوڕەکەی بەجێ هێشتووە.
هەر سەبارەت بەم کەیسە پۆلیسی هەرێمی هیسن پشتڕاستیکردەوە، لەسەر هێڵی شەمەندەفەری خێرای نزیک هوخهیام لەڤیسبادنی پایتەختی هەرێمەکە ئەو لاشەیە دۆزراوەتەوەو دوای لێکۆڵینەوە دەرکەوتووە لاشەی توماس شیفری وەزیری دارایی هەرێمەکەیەو خۆی كوشتووە.
توماس شیفر کەسایەتییەکی سیاسی دیارو بەتوانای ئەڵمانیا بوو، چەندین پلەو پۆستی حزبی و حکومی سەرکەوتووانە بەڕێوەبردووەو خاوەن ئەزموونێکی گەورەو شارەزایەکی دیاری بواری ئابووری و کەسایەتییەکی سیاسی چالاک بووە.

شیهاب عوسمان... ئەڵمانیا

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو