كۆرۆنا لەئەڵمانیا
مێركل لە كەرەنتینە دەرچوو

  2020-04-05 19:34      96 جار بینراوە        کۆمێنت
ئەنگێلا مێركل

ئەنگێلا مێركل دوای 14 ڕۆژ لە خۆكەرەنتینەكردن گەڕایەوە كۆشكی ڕاوێژكاری"بیلفو"و دەستیكردەوە بەكارەكانی و لەپەیامێكی ڕادیۆیی هەفتانەی خۆشیدا ئەمڕۆ 5ی نیسان ڕایگەیاند دوای چواردە ڕۆژ دەستیكردەوە بەكارەكانی و باسی لەوەكرد لەماوەی ئەو دوو هەفتەیەدا هیچ كەسی نەبینیوە نە لەسەر ئاستی حكومەی نە كەسوكار و هاوڕێ، وتیشی هەمووی لەڕێگەی تەلەفۆن و سكایپەوە كارەكانی ئەنجام داوەو داواشیكرد خەڵكی پابەند بن بە ڕێنماییەكانەوە.
مێركل لەماوەی ئەو دووهەفتەیەدا سێ پشكنینی بۆ كراو دەركەوت ڤایرۆسی كۆرۆنای هەڵنەگرتووە.

*بەپێێ ڕاپرسیەكی ئاژانسی هەواڵی ئەڵمانی لە سەدا 72%ی ئەڵمانەكان لە حكومەت و ڕۆڵی ئەنگێلامێركل ڕازین لەگرتنە بەری ڕێكارەكانی دژ بە كۆرۆنا

* لە بەرلین ڕۆژی هەینی بڵاوە بەژمارەیەك نوێژكەر كرا كە لەدەوری مزگەوتێك بۆ كوبوونەوە گرد ببونەوەو  پۆلیس هەوڵی بلاوكردنی داو دواتر بەڕاوێژ ماوەی نێوانیان دیاریكردوو  كۆتایی بە مەراسیمی هەینی هێنراو ئاگاداریان كردن لەدووبارەبوونەوەی .
 
 توشبوانی ئەڵمانیا ڕوو لەزیادبوونن
بەپێی دوا ئامارەكان  تائێوارەی دوێنێ ژمارەی توشبوان بەپشت بەستن بەداتاكانی پەیمانگای ڕوبەرت كوخی ئەڵمانی  لەئەڵمانیا  85,778 هەزاری تێپەڕاندو  ژمارەی گیان لەدەستدانیش گەیشتە 1 هەزار و سەدو پەنجاو چواركەس، بەڵام بەپێی داتاكانی شپیگل ژمارەی توشبوان گەشتۆتە 97 هەزارو پەنجاو دوو كەس و گیان لەدەستدانیش  1 هەزارو چوارسەدو حەفتاو چواركەس  كەس، بەڵام بەپێی داتاكانی پەیمانگای جۆن هوكبنزی ئەمریكی توشبوان لە ئەڵمانیا گەشتۆتە 91 هەزارو سەدو پەنجاو نۆ كەس و هەزارو دوسەدو حەفتاو پێنج كەسیش گیانیان لەدەستداوە لەهەموو حاڵەتەكاندا ڕێژی توشبون لەبەرز بونەوەدایە.

ئەمریكا  دەست بەسەر 200 هەزار ماسكی پۆلیسی ئەڵمانیادا دەگرێت
ئەمریكا ئاراستەی فرۆكەیەكی بەرەو ئەمریكا گۆڕی كە 200 هەزار ماسكی تایبەتی باركردبوو بڕیاربوو بگاتە ئەڵمانیا"دۆنالد ترامپ"یش ئەو تۆمەتانە ڕەتدەكاتەوە.
دوای ئەوەی كە وەزیری ناوخۆی هەرێمی بەرلین ئاشكرایكرد بارێكی ماسكی جۆری "ئیف.ئیف،بی 2" كە تایبەتە بەخۆپاراستنی هێزەكانی پۆلیسی ئەڵمانی كە بڕیاربوو بگاتە بەرلینی پایتەختی ئەڵمانیا، بەڵام لەسەر داوای ئەمریكا لەبانكۆك دەستی بەسەردا گیراوەو ئاراستەی فرۆكەكە بەرەو ئەمریكا گۆڕدراوە. دوای ئەم لێدوانەی وەزیری ناوخۆ دەسەڵاتدارە ئەمنیەكانی بەرلین دەستیان بەلێكۆڵینەوەكرد سەبارەت بەدیار نەمانی 200 هەزار ماسك كەئەمریكا لە تایوان دەستی بەسەرداگرتووەو تایبەت بووە بەپۆلیسی ئەڵمانیا.
دێر شپیگلی ئەڵمانی لەم بارەیەوە نوسیوبووی وەزیری ناوخۆی هەرێمی بەرلین"گایزل" پێیوایە ئەمریكا چەتەی سەردەمەو ئەو كردەوەو شێوازە شێوازی ڕۆژئاوای وەحشەتگەرای ئەمریكایە، ئەوەی سەیرە پۆلیسی بەرلین ڕاستیكردەوە ئەوان داوایان لەكۆمپانیایەكی بازرگای ئەڵمانی كردووە 400 هەزار ماسكی جۆری "ئیف.ئیف،بی 2"یان بۆ دابینبكات و پارەكەشی ڕەوانەكراوە، بەپێی ئەم ڕونكردنەوەیە ئەو داوایە لەڕێگەی كۆمپانیایەكی بازرگانی ئەڵمانیەوە لەكۆمپانایەكی ئەمریكی كراوە لەچین.
ئەمریكاش لای خۆیەوە ئاماژەی بەوەدا واشنتۆن بەشێوەیەكی یاسایی كۆمپانیای "3 M" ی ئەمریكی لەچین  ناچاركردووە  زۆرترین ماسكی جۆری "ئین.95" لەو جۆرەی كە لە نەخۆشخانەكاندا بەكاردێت بۆ دابین بكات، هەمانكات میدیاكانی ئەڵمانیا باس لەوە دەكەن ئەگەری ئەوەی هەیە پۆلیسی ئەڵمانی ئەو داوایەی لەكۆمپانیای "3 M" ی ئەمریكی كردبێ لەوڵاتی چین، بەڵام ئیدارەی ئەمریكی دەڵێ كۆمپانیای "3 M"ی ئەمریكی لەوڵاتی چینە هیچ داوایەكی لەو جۆرەی ئەڵمانیای لەبەردەستدانیەو تۆمەتەكانی ئەڵمانیا ڕەتدەكەنەوە.
دۆنالد ترامپ بەیانی ئەمڕۆ 5 ی نیسان ڕەتیكردەوە وتی  پێچەوانەكەی ڕاستەو لەسەرەتادا ئەڵمانیا وتیان لە كۆمپانیایەكی ئەمریكیان كریوەو پێمانوابوو كۆمپانیای "3 M" بێ، بەڵام هەمان كۆمپانیا ئەمڕۆ بە ئاژانسی هەواڵی ئەڵمانی ڕاگەیاند داوای لە جۆرەیان لەلایەن ئەڵمانیاوە پێ نەگەیشتووە كەواتە ئەو تۆمەتانە ڕاست نیە.

ڤایرۆسی كۆرنا لەدژی بیانیەكان 
لەشاری "فولمستورف"ی نزیك هامبۆرگی باكوری ئەڵمانیا لەڕێگەی پۆستەوە ڤایرۆسی كۆرۆنا بۆ كۆچبەرێك ڕەوانە دەكرێت و پۆلیسی هەرێمەكەش دۆسیەی لێكۆڵینەوەی بۆ دەكاتەوە.
لەڕوداوێكی سەیرو بێ وێنەدا كەپڕە لەرق و توڕەیی بەرامبەر بەكۆچبەران لەڕێگەی پۆستەوە ترس و دڵەڕاوكێی ڤایرۆسی كۆرۆنا دەخرێتە دڵی كۆچبەرێكەوە، لەم بارەیەوە ڕۆژنامەی "هامبۆرگە مۆرگن پلاتس"ی ئەڵمانی بڵاویكردەوە لەڕووداوێكی سەیرو سەمەرەدا كەسێك بەناوی"كایا" كە بۆ پاراستنی ناوەكەی خۆی گۆڕیوە وەك ڕۆژنامەكە دەڵێ سندوقی پۆستەكەی دەكاتەوەو دەبینێ نامەیەكی بۆ هاتووە دوای ئەوەی كە نامەكە دەكاتەوە ئەو ڤایرۆسەی پێدەگات و دەبێتە قوربانی دەستی نەژادپەرستی وەك لەڕاپۆرتەكەدا هاتووە، نوسەری نامەكە نەناسراوە نادیارە  وەك لەناوەڕۆكەكەیدا هاتووە بە ڤایرۆسی كۆرۆنا بارگاویەو نەخۆشەو وەك تیادا هاتووە چەندین نامەی وای ناردووەو تەڕیكردووە بە تف و دایخستوون و ناردوونی لەنامەكەدا نوسراوە نوسەری نامەكە هیچی نیە تا لەكیسی بچێت تەنیا ئەوەی دەوێت بەر لە مردنی  مناڵەكانی و كەسوكاری، ئەڵمانیایەكی خاڵی لەكۆچبەران و بێگانە ببینن. دوای خوێندنەوەی نامەكەش ئەو كۆچبەرە پۆلیسی لێ ئاگاداردەكات و سكاڵای خۆی تۆمار دەكات. پۆلیسیش ئاگاداری دەكات لەماڵ بمێنێتەوەو نەچێتە دەرەوە.

لەئەڵمانیا كەسێك خەڵكی بۆ خۆپیشاندان لەدژی ڕێكارەكانی دژی كۆرۆنا هان ئەدات و پۆلیس دەستگیری دەكات
دوای ئەوەی كەسێكی ئەڵمانی لەڕێگەی پێگە ئەلكترۆنیەكانەوە داوای خۆپیشاندانیكرد لەدژی ڕێكارەكانی دژی كۆرۆنا كە هەرێمی بادن ڤۆرتمبورگی ئەڵمانیا بەسەر هاوڵاتیانی خۆیدا سەپاندویەتی بەمەبەستی ڕێگەگرتن لە بلاوبونەوەی ڤایرۆسی كۆرۆنا، لەلایەن خەڵكییەوە پۆلیسی لێئاگاداركراو ئەو كەسە لەشاری مانهایم  دەستگیركرا.
وتەبێژی پۆلیسی هەرێمەكە دوێنێ شەممە4 ی نیسان ڕایگەیاند ئەو كەسە خەڵكی هانداوە بۆ تاوان و لەدژی ئەو ڕێكارانە بووە كە بۆ خۆپاراستن لە كۆرۆنا گیراوەتەبەرو هانی خەڵكیداوە بۆ خۆپیشاندان ، ئەو كەسە تەمەنی 32 ساڵەو داوای لەخەڵكی كردووە مندالەكانیان لە خۆپیشاندانەكاندا بكەنە قەڵغان و بەشداری پێبكەن تا پۆلیس نەتوانێ بڵاوەیان پێبكات.
شیهاب عوسمان- ئەڵمانیا:
س" دۆیچە ڤیللە. ئاژاسنی هەواڵی ئەڵمانی

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو