خوێ سیستەمی بەرگری جەستەی مرۆڤ لاواز دەكات

  2020-04-23 13:55      167 جار بینراوە        کۆمێنت

لێكۆڵینەوەیەكی هاوچەرخ ئاشكرایكردووە، كە زیادەڕەویكردن لەبەكارهێنانی خوێ سیستەمی بەرگری جەستە لاواز دەكات و وادەكات جەستەیان لەبەرەنگاربوونەوەی هەوكردنە بەكتیرییەكان لاواز بێت.
بەگوێرەی رۆژنامەی (دەیلی مەیڵ)ی بەریتانی، توێژەرانی نەخۆشخانەی زانكۆی بۆن سەرەتا لێكۆڵینەوەیان لەسەر مشكی تاقیگەیی كردووە بەجۆرێك خواردنی پڕخوێیان پێداوان، لەئەنجامدا دەركەوتووە مشكەكان بەدەست نەخۆشی بەكتیرییەوە دەناڵێنن.
دوای تاقیكردنەوە لەسەر مشكی تاقیگەیی توێژەرەكان دەستیان بە تاقیكردنەوەی لەسەر مرۆڤ كردووە، بەجۆرێك گرووپێك خۆبەخش ژەمە خۆراكێكیان پێدراوە، كە رۆژانە شەش گرام خوێی زیاتر تێكراوە، كە یەكسان بووە بە دوو ژەم لە خواردنی خێرا، لەئەنجامدا دەركەوت ئەو كەسانە تووشی كەمی بەرگری جەستە بوون.
رۆژنامەكە ئاماژەی بۆ هۆشدارییەكی پێشووی ریكخراوی تەندروستی جیهانی كردووە، كە مرۆڤ رۆژانە نابێت لە 0.17 ئۆنسە خوێ زیاتر بەكاربهێنێت، ئەوەش دەكاتە یەك كەوچكی بچووك لەخوێ، هەروەك چۆن لێكۆڵینەوە ئەڵمانییەكانیش هەمان شتیان سەلماندوویانە، كە رۆژانە خواردنی زیاتر لەیەك كەوچكی بچووكی خوێ تەندروستی مرۆڤ دەخاتە مەترسییەوە.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو