هێرشێكى داعش تێکشکێندرا

  2020-05-10 10:35      210 جار بینراوە        کۆمێنت

فەرماندەیی ئۆپەراسیۆنەکانی حەشدی شەعبی لەئەنبار رایگەیاند: شەوی رابردو چەکدارانی داعش هێرشیانکردوەتە سەر یەکەیەکی هێزەکانیان لەناوچەی عەکاشاتی پارێزگای ئەنبار کە دەکەوێتە نزیک سنوری عێراق-سوریا، هێرشەکەش لەلایەن هێزەکانی حەشدی شەعبی وەڵامدراوەتەوە.
فەرماندەیی ئۆپەراسیۆنەکانی حەشدی شەعبی لەئەنبار لەراگەیەنراوێکدا رایگەیاند: لیوای 18ی هێزەکانی حەشدی شەعبی بەرەنگاری ژمارەیەک چەکداری داعش بونەتەوە کە بە ئاڕاستەی ناوچەی عەکاشات لەپارێزگای ئەنبار هاتون، دوای روبەڕوبونەوەش لەنێوان هەردولادا و برینداربونی سێ چەکداریان، هێزەکەی داعش بەرەو قوڵایی بیابانەکان پاشەکشەیان کردوە.
ئاماژەی بەوەشکردوە، هێزەکانی حەشدی شەعبی و دەزگا ئەمنییەکانی دیکەی عێراق ئامادەیی تەواویان هەیە بۆ بەرپەرچدانەوەی هەر هێرشێکی چەکداری کە ئاسایش و ئارامی پارێزگای ئەنبار بکاتە ئامانج.
5ی ئەم مانگە چەکدارانی داعش لەسنوری پارێزگای سەڵاحەدین بارەگایەکی هێزەکانی حەشدی شەعبیان کردە و لەئەنجامدا زیاتر لە 40 ئەندامی هێزەکانی حەشدی شەعبی کوژران و برینداربون، ئەوەش وەک زەنگی مەترسی سەرهەڵدانەوەی داعش لەعێراق باسکرا و داواکرا لایەنەکان سەرنج بخەنەسەر بەرەنگاربونەوەی ئەو رێکخراوە.

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو