عێراق.. هۆشداری دەدرێت لەزیادبوونی ژمارەی تووشبوان بەكۆرۆنا

  2020-05-15 18:46      63 جار بینراوە        کۆمێنت

وەزیری تەندروستی عێراق هۆشداریدا لەبەرزبوونەوەی ژمارەی تووشبوان بەكۆرۆناو رایگەیاند ئەگەر ژمارەی تووشبووان زیاتر ببێت هۆتێلەكانیش پڕ دەبن لە تووشبووانی كۆرۆنا.
حەسەن تەمیمی وەزیری تەندروستی عێراق ڕایگەیاند، ژمارەی تووشبووانی كۆرۆنا ڕوو لە بەرزبوونەوەیە و ئەگەر هاووڵاتیان پابەندی ڕێكارەكانی خۆپارێزی نەبن، نەخۆشخانەكانی عێراق لەوە زیاتر توانای وەرگرتنی تووشبووانی كۆرۆنایان نامێنێت، دەشڵێت، بەهۆی نەبوونی قەرەوێڵەوە دوو بۆ سێ‌ تووشبووی كۆرۆنا لە ژوورێكدان لە نەخۆشخانەكان.
داواشی كرد هاووڵاتیانی عێراق لە مەترسی ڕەوشەكە تێبگەن و ئەگەر پابەندی ڕێنماییەكانی تەندروستی نەبن، هۆتێلەكانیش توانای وەرگرتنی تووشبووانی كۆرۆنایان نامێنێت و دۆخەكە خراپتر دەبێت.
میدیا عێراقییەكان لەزاری بەرپرسانی تەندروستی بەغدا بڵاویانكردۆتەوە كە دۆخە لەبەغدای پایتەخت زۆر مەترسیدارەو پێویستی بەقەدەغەی هاتووچۆو كەرەنتینەی بەشێك لەناوچەكان هەیە.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو