ئێران هۆشداریدایە هەر هێرشێکی ئەمریكا بەرامبەر بەكەشتییە نەوت هەڵگرەكان

  2020-05-18 15:40      134 جار بینراوە        کۆمێنت

دەسەڵاتدارانی ئێران هۆشداریاندایە ئەمریكا لەئەگەری كردنە ئامانجی ئەو كەشتییە ئێرانییانەی كە نەوت بۆ ڤەنزوێلا دەگوازنەوە.
عەباس موسەوی وتەبێژی وەزارەتی دەرەوەی ئێران رایگەیاند وەڵامی هەر جوڵەیەكی ئەمریكا دەدەنەوە، ئەگەر كەشتییە ئێرانییەكانی گواستنەوەی سووتەمەنی بەرەو ڤەنزوێلا بكەنە ئامانج. 
موسەوی راشیگەیاند ئەم كارە لە چوارچێوەی بازرگانییەكی فەرمی و یاسایی دەكەن، ئەگەر بەئامانجیان بگرێت، ئەوە وەڵامی دەدرێتەوە.
لەلایەكی دیكەوە وەزارەتی دەرەوەی ئێران نامەیەكی ئاراستەی نەتەوە یەكگرتووەكان كردو تێیدا هۆشداریداوە لەهەر جوڵەیەكی ئەمریكا دژی كەشتییە نەوت هەڵگرەكان و ناردنی هێزی دەریایشی لەلایەن ئەمریكاوە بەچەتەی دەریایی ناوبردووەو بە مەترسییەكی گەورە بۆ ئاشتی و ئاسایشی نێودەوڵەتی ناوبردووە.
پێنج كەشتی نەوتی ئێرانی بەرەو ڤەنزوێلا بەڕێكەوتوون و سووتەمەنییان هەڵگرتووە.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو