لەكەمپێكی پەنابەراندا 130 كەس تووشی كۆرۆنا بوون

  2020-05-18 23:46      155 جار بینراوە        کۆمێنت

ڕۆژنامەی"بیڵد"ی ئەڵمانی ئەمڕۆ دووشەممە 18ی ئایاری 2020 بڵاویكردەوە لە كەمپێكی پەنابەرانی شاری "سانت ئوگوستین"ی هەرێمی نۆرد ڕاین ڤێستڤالنی ئەڵمانیادا كە 170 پەنابەری تیا دەژی 130 كەسیان تووشی كۆرۆنا بوون.
وتەبێژی ئیدارەی شاری كۆڵن ڕایگەیاند دوای ئەنجامدانی پشكنین دەركەوتووە ئەو پەنابەرانە هەڵگری ئەو ڤایرۆسەن ئەوەشی وت: ڕەوشی كەمپەكانی تریش پێناچێت باش بێت بۆیە ڕێوشوێنی توندمان گرتۆتەبەرو ئەوانەی توشبوون لەگەڵ ئەوانەی توشنەبوون جیامان كردونەتەوەو هەم لەڕووی لێكەوتەی ڕۆژانە هەم شوێنەكانیشیان جیاكراوەتەوە نان خواردنیان لەناو ژورەكانی خۆیاندایەو بەكۆمەڵ وەك جاران نان ناخۆن ئەمە جگە لەوەی هەندێكیان گواستراونەتەوە بۆ كەمپی تر.
رۆژنامەكە بڵاویكردۆتەوە ئەمە یەكەمینجار نیە لەكەمپی پەنابەراندا پەنابەران بە كۆرۆنا توش ببن، بەڵكو پێشتر لەهەمان هەرێم ژمارەیەكی تر بەو ڤایرۆسە توشبوون، ئەمە جگە لەوەی دەركەوت لە شوێنی كوشتارگەیەكی ئاژەڵدا زیاتر لە دووسەد كرێكار تووشی ئەم پەتایە بوون و ئەمڕۆش دووشەممە لەشاری ئۆسنەبروكی باكوری ئەڵمانیا 92 كرێكار لەكوشتارگەیەكی ئاژەڵدا توشی هەمان پەتابوون و لەئێستاشدا دەیان كوشتارگە لەئەڵمانیا دەرگاكانی داخران و لەكار وەستێندران.
لەبەر ڕۆشنایی پێشهاتەكانی كۆرۆناو ئەگەری شەپۆلێكیتر بڕیارە چوارشەممەی داهاتوو ئەنجومەنی وەزیرانی ئەڵمانیا لەبەر ڕۆشنایی"نیگەرانیەكانی ئەنگێلامێركل"دا كۆببێتەوەو پاراستنی گیانی كرێكارانیش بەشێك دەبێت لە ئەجندەی كۆبونەوەكە.
شیهاب عوسمان- ئەڵمانیا

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو