بەرشەلۆنە جامەكەی بردەوەو میسی-ش باشترین بوو

  2018-08-13 11:55      304 جار بینراوە        کۆمێنت

لەیاریەكەی دوێنێ شەوی جامی سوپەری ئیسپانیا  دوای ئەوەی لە یاریگەی شاری تەنجە لە مەغریب ئەنجامدرا، یانەی بەرشەلۆنە بە 2 ـ 1 گۆڵ لە سیڤیلییە-ی بردەوەو توانی جامی سوپەری ئیسپانیا بەدەستبهێنێت.
سەرەتا پابلۆ سارابیا لە خولەكی 9ی یارییەكەدا، سیڤیلییە ی بە گۆڵێك پێشخست، بەڵام لە خولەكی 42 دا جیرارد پیكێ گۆڵی یەكسانبوونی بۆ بەرشەلۆنە تۆماركرد.
لە گێمی دووەمدا، عوسمان دێمبێڵی لە خولەكی 78 دا بە لێدانێكی بەهێز لە دەرەوەی هێڵی سزاوە گۆڵی دووەم و بردنەوەی بۆ بەرشەلۆنە تۆماركرد.
لیۆنێل میسی، ئاستێكی بەرزی لە یارییەكەدا تۆمار كرد، وەك كاپتنی بەرشەلۆنە جامەكەی بەرزكردەوەو ئاهەنگی سەركەوتنیان گێڕا.
دوای تەواوبوونی یارییەكەش ئێرنستۆ ڤالڤێردی راهێنەری یانەی بەرشەلۆنە لەسەر ئەو یاریە و رۆشتنی ئینێستا وتی: یاریەكی قورس بوو بە تایبەت دوای ئەوەی لەخولەكەكانی سەرەتاوە دواكەوتین.
ئەوەشی راگەیاند: دیمبلی دەتوانێت كاری باشترو گەورەتر لەگەڵ تیپەكە بكات ئەو جگە لەوەی گۆڵێكی جوانی تۆمار كردو هاوكارێكی باشی هێڵی بەرگریشی دەكرد.
ڤالڤێردی دوپاتی كردەوە یەك ئینێستا هەیە ئەویش ئێستا لەژاپۆنەو هیچ یاریزانێكیش شوێنی ئەو ناگرێتەوە.  
ڤالڤێردی ئەوەشی خستەڕوو بەهیچ شێوەیەك بیر لەگرێبەستی نوێ ناكەمەوە ئەوەی بیری لێدەكەمەوە ئەوەیە تەركیزی تەواو لەگەڵ ئەم تیپەی ئێستا بكەین و بابزانین چی روودەدات، وتیشی، من زۆر خۆشحاڵم كە ئەم وەرزەمان بەم شێوەیە دەست پێكرد، سیڤیلییە تیپێكی بەهێز بوو یاریەكەش یاریەكی قورس بوو بەڵام توانیمان بەسەركەوتوانە كۆتایی پێبهێنین.  
ئەوەشی خستە روو: هۆكاری دورخستنەوەی مالكۆم لەم یاریە بریارێكی تاكە كەسی خۆم بوو، من دەترسام لەوەی كە هەمان حاڵەت بەسەر ریاڵ دا هات بۆ بەشداری پێكردنی چیرچیڤ بەسەر ئێمەشدا بهاتایە بۆیە بریارم دا مالكۆم بەشداری پێنەكەم.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو