بەخواردنی سیر، كێشت دابەزێنە

  2018-08-16 12:53      517 جار بینراوە        کۆمێنت
سیر یەكێك لە خواردنە سوود بەخشەكان

بەكارهێنانی سیر لەچێشتخانەی زۆربەی ماڵەكانی جیهاندا بۆتە خۆراكێكی باو و وەك یەكێك لە خواردنە سەرەكی و تەندروستییە بە سودەكانی  مرۆڤ
وەك پێكهاتەی سەرەكی لەدروستكردنی چێشدا بەكاردەهێنرێت ،ئەمەش بەهۆی دەوڵەمەندبوونی سیر بە كۆمەڵێك مادەو پێكهاتەی جیاجیا لەگەڵ ئەوەشدا تا ئێستا بەشێك لە سوودەكانی دیكەی ئاشكرا نەكراوە .
لە دوایین لێكۆڵینەوەیاندا، لێكۆڵەرەوانی بواری تەندروستی خۆراك دەریانخستووە  كە سیر سوودێكی  زۆری هەیە بۆ دابەزاندنی كێش.
لێكۆڵینەوەكە ئاشكراشیكردووە كە سیر سوودێكی زۆری هەیە بۆ دەردانی رێژەیەكی باش لەچەوری لەش، بەتایبەت ئەگەر وەرزشكردنی لەگەڵدابێت .
لەگەڵ ئەوەشدا شارەزایانی بواری خواردن ئامۆژگاریمان دەكەن بەهیچ شێوەیەك  سیر لە ئامێری مایكرۆ گەرم نەكرێتەوە، چونكە سوودە  تەندروستییەكانی لەدەستدەدات.
لێرەدا 6 لەباشترین سودەكانی سیر دەخەینە روو:-
1-دەبێتە هۆی دابەزاندنی رێژەی شەكر لەخوێندا، ئەمەش سوودی زۆرێكی دەبێت بۆ توشبووانی نەخۆشی شەكرە.
2-پاككردنەوەی لەش لە كۆمەڵێك ماددەی زیانبەخش .
3-دەبێتە هۆی دابەزینی فشاری خوێن، هەروەها خواردنی سیر بەشێوەیەكی دەوری دەبێتە هۆی كەمبوونەوەی مەترسی نەخۆشیەكانی دڵ.
4-دەبێتە هۆی كەمبوونەوەی كۆلیسترۆڵی زیانبەخش بە رێژەی 10 -15%.
5-دەبێتە هۆی كەمبوونەوەی مەترسییەكانی خوێن مەیاندن.
6-دەوڵەمەندە بە پێكهاتەی كبریت ، كە رێگری دەكات لە دروستبوونی خانەی شێرپەنجە.

ئا: شێنێ عەبدوڵڵا

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو