چەندین سوودی گرنگی چەوری‌ ماسی‌

  2018-08-26 12:40      283 جار بینراوە        کۆمێنت
سوودی گرنگی چەوری‌ ماسی‌

توێژینەوەیەكی نوێ لەئەمریكا دەریدەخات، خواردنی ماسی دەبێتەهۆی زیادكرنی نزیكەی دووساڵ لەتەمەنی مرۆڤ.
ئەو كەسە بەتەمەنانەی كە رێژەیەكی باش لەپرۆتینی "ئۆمێگا سێ- كە پێكهاتەی سەرەكی چەوری ماسیی و خۆراكە ئاوییەكانە" لەخوێنیاندا هەیە، مەترسی مردنی پێش وەخت بەرێژەی 25% تیایاندا كەم دەكات.
زانایانی ئەمریكی ئەوەشیان ئاشكرا كرد كە بوونی ئەم پرۆتینە لەخوێنی گەنجەكاندا مەترسی مردن بەهۆی نەخۆشییەكانی دڵەوە بەڕێژەی یەك لەسەر سێ كەم دەكاتەوە بەبەروارد لەگەڵ ئەو گەنجانەی كە پڕۆتینەكە كەمترە لەخوێنیاندا.
"پڕۆفیسۆر دارویش موزافەریان" لەبەشی تەندروستی گشتی زانكۆی هارڤارد لەئەمریكا رایگەیاند، ئەمە یەكەمین توێژینەوەیە كە ڕێژەی بەكارهێنانی خۆراكی ماسی دەبەستێتەوە بەڕێژەی مردن و ووتی:"هەرچەندە خۆراكی ماسی لەمێژە بەخۆراكێكی سوودبەخش و تەندروست ئەژمار كراوە، بەڵام كەمترین توێژینەوە ئەنجامدراوە دەربارەی رێژەی ئۆمێگا سێ-ی خوێن و كۆی رێژەی مردن لەپێگەیشتووە بەتەمەنەكاندا".
هەروەها وتیشی:"توێژینەوەكە گرنگی رێژەی پێوست لەئۆمێگا سێ بۆ تەندروستی سوڕی خوێن پیشان دەدات و هەروەها سوودی ئەم پڕۆتینە بەدرێژبوونی تەمەنەوە دەبەستێتەوە".
خواردنی ماسی، ڕێژەی پێویست لەپرۆتینی ئۆمێگا سێ دابین دەكات، كە ماددەیەكی سەرەكییە بۆ گەشەی مێشك و هەروەها پێشبینی كەمكردنەوەی هەڵئاوسانی مێشك و كۆئەندامی سوڕی خوێن و خانەكانی دیكەی لێدەكرێت.
بۆیە توێژەران ئاماژە بەپێویستی خواردنی ماسی دەدەن بەلایەنی كەمەوە هەفتەی دووجار كە پێكدێت لەخواردنی بەشێكی تەواو كە دەكاتە نزیكەی 140 گرام.
لەشی مرۆڤ لەتوانایدا نییە ترشە ڕۆنی ئۆمێگا سێ دروست بكات، بۆیە باشتیرن سەرچاوەی خۆراك بۆ ئەم پڕۆتینە بریتییە لەماسی.
ئەوە جۆرە ماسییانەی كە ڕێژەیەكی زۆر لەم پڕۆتینەیان تێدایە، ماسی تونا و سالمۆن و ماكەرێل و هێرینگ و ساردینس هەروەها ماسی ئەنكۆڤیەس.

 

بابەتی زیاتر

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو