شوان كەریم كابان

گفتوگۆی نابەرابەر

  2020-06-19 11:46      175 جار بینراوە        کۆمێنت

دانیشتنی یەكەمی گفتوگۆی ستراتیژی نێوان ئەمریكاو عیراق كۆتایی هات بەبەشداری ژمارەیەك خەڵكی شارەزا لەهەردوولاو لەوبارەیەشەوە خەڵكانی پسپۆڕو شارەزاو سیاسەتمەدارو رەخنەگر قسەی زۆریان لەسەر ئەم سەرەتایەو پەیوەندی هەردوو وڵات كردو قسەی تریش زۆر زۆرە بكرێت، بەندەش رایەكی لەقەدەر عەقڵی خۆم هەیە دەری دەبڕم هیواموایە مەبەست بپێكم.
من ناچمە نێو وردەكاری و شیكردنەوەو هێنانەوەی بەڵگە، بەڵكو یەك تاكە نموونە دەهێنمەوە كە دەربڕی رای خۆمە لەبارەی ئەو گفتوگۆیە كە ناونراوە ستراتیجی و جیاوازی لەگەڵ ئەو گفتوگۆیەی لەسەردەمی سەرۆكایەتی سەرۆك مام جەلالدا كرا.
مفاوەزاتی ١٩٨٤ی نێوان شۆڕش و حكومەتی عیراق فرسەتمان بۆ رێكەوت دوو سێ مانگ لەسورداش جێگیر بووین، لەوێ چەند هەڤاڵێك بووین كە زۆر دۆست و هاوڕێی یەك بووین، دووانمان زۆر سەریان دەكردە سەر یەك و دەستبازیشیان دەكرد كە كاك (س  و كاك ق) بوون و هەمووشمان  گەنج بووین، شەوێكیان كاتی خەو بوو زۆربەمان پاڵكەوتبووین، كاك ق دانیشتبوو، كاك س داوای لێكرد گڵۆپەكان بكوژێنێتەوە تاكو بخەوین، چونكە درەنگی كردبوو، ق وتی ناخەوم وناشی كوژێنمەوە، چیش ئەكەی بیكە. دوو سێ جار س داواكەی دووبارەكردەوەو (ق) یش رای خۆی نەگۆڕی و س وتی بیكوژێنەرەوە ئەگینا هەستم  بەلوت پێت ئەكوژێنمەوە، بوو بەپێكەنین و ق وتی: چی ئەكەی بیكە، (س) یش بەگوڕو تینەوە هەستاو - ق- ی لەهەردوو گوێچكەیەوە بەرزكردەوەو بەلوت گڵۆپەكانی پێ كوژانەوەو بەدەم پێكەنین و هەڵاوە خەوتین.
بەیانی لەسەر سفرەی نان خواردن ق گوتی: س بەوەڵاهی ئێستاش گوێ و لوتم دێشێ، وەرە پیاوی چاك بە با بەشایەتی برادەرن ریكەوتنێك بكەین، س یش وتی زۆرباشە، قەڵەم كاغەز هێنرا، ق وتی خاڵی یەكەم: كەسمان دەستبازی ناكەین، خاڵی دووەم : نە ق لە س ئەدات نە س لە ق ئەدات. س هاواری كرد گوتی: ئەوە چییە ، تۆ چۆن ئەتوانی لەمن بەی ، ئەبێ تەنها بگوترێ س لە ق نەدات. ئیتر هەموو خاڵەكانی تر بەهەمان شێوە بوو، یانی باڵا دەستی -س-ینی تیا بەر جەستە بوو هیچ بۆ ق نەمایەوە. لەڕاستیشدا گفتوگۆو رێكەوتنی نێوان ئەمریكاو عیراق كە لەنێوان دوو هێزی نابەرابەردایە لەهەموو روویەكەوە، هەر وەك رێكەوتنەكەی هەردوو هاوڕێمان، س و ق دەبێ.

 

وتاری زیاتر


داعش لەفیلمێكی نوێدا! ‬ شوان كەریم كابان
2021-01-12 17:41      43 جار بینراوە

رەوایی و ناڕەوایی!‬ شوان كەریم كابان
2021-01-09 17:20      45 جار بینراوە

چارەسەر بدۆزنەوە!‬ شوان كەریم كابان
2021-01-02 21:23      45 جار بینراوە

ساڵێكی تری پڕ نەهامەتی!‬ شوان كەریم كابان
2020-12-26 15:49      47 جار بینراوە



مەترسییەكی خۆ مەڵاس داو‬ شوان كەریم كابان
2020-12-14 22:26      69 جار بینراوە


گیرۆدەی دەستی سیاسەتی خۆی!‬ شوان كەریم كابان
2020-11-23 20:05      71 جار بینراوە

ئێمه‌ له‌ عیراقدا چین؟‬ شوان كەریم كابان
2020-11-21 16:23      53 جار بینراوە

سڵاو لەیادو یادەوەریتان‬ شوان كەریم كابان
2020-11-20 22:30      53 جار بینراوە



ترامپ چی چنییەوە؟ ‬ شوان كەریم كابان
2020-11-09 15:42      71 جار بینراوە


دڵتان دانەمێنێ! ‬ شوان كەریم كابان
2020-11-07 16:19      61 جار بینراوە

ئه‌و نوێژه‌ی نه‌كرا‬ شوان كەریم كابان
2020-10-30 10:26      71 جار بینراوە

ئەمە ئەمریكایە؟ ‬ شوان كەریم كابان
2020-10-27 20:44      63 جار بینراوە

پێمان سەیر نەبێ سووتێنرا!‬ شوان كەریم كابان
2020-10-24 17:56      58 جار بینراوە

وەلانانی گەورەكان!‬ شوان كەریم كابان
2020-10-19 21:44      69 جار بینراوە

خێری سیاسەتكردن! ‬ شوان كەریم كابان
2020-10-10 18:09      71 جار بینراوە









نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو