د.ئەرسەلان بایز

كێ ئەم هەرێمە ئەكوژێ؟!

  2020-08-02 17:17      156 جار بینراوە        کۆمێنت

لەماوەی سەد ساڵی رابردوودا، بزووتنەوەی رزگاریخوازی خەڵكی كوردستان بە چەندین هەورازو نشێوو شكست و هەڵسانەوەدا تێپەڕیوە، بەبێ ئەوەی سوودمان لە هەموو ئەو ئەزموونانە وەرگرتبێت، وەك بڵێی لە بازنەیەكی داخراو بخولێینەوەو هیچ دەرەتانێكی دەرچوونمان نەبێت. بە پێچەوانەی گەلەكەمان، لەو سەد ساڵەی رابردوودا دەیان گەل و نەتەوە سەربەخۆیی خۆیان بەدەستهێناو بوون بە دەوڵەت.
لە بیستەكانی سەدەی رابردوودا، دوای تەواوبوونی یەكەمین جەنگی جیهانی، چەندین نەتەوەی وەكو میسرو هەنگاری و عەرەب… هتد، دوای شكست و هەڵوەشانەوەی ئیمپراتۆریەتی عوسمانی، رزگار بوون و سەربەخۆیی خۆیان راگەیاند، تەنانەت دەوارنشینەكانی كەنداوی عەرەبیش چەند میرنشین و ئەمارەتێكیان بۆ خۆیان بنیاتنا. كەچی بەداخەوە شۆڕشەكەی شێخ مەحمودی نەمر، دوای ماوەیەكی كورت شكستیخوارد. جا نازانم بەهۆی سیاسەتی هەڵەی (شێخ) بوو، یان ناتەبایی نەتەوەی كورد، یان هەروەكو شاعیری مەزن و نەمری كورد (شێركۆ بێكەس) لە وەڵامی باوكێك بۆ كوڕەكەی دەڵێ:
-بابە بۆچی ئەسپەكەی (شێخ)
سەرنەكەوتە سەر ترۆپكی
پاشەڕۆژو شاخی هەتاو؟
-كوڕم…ئینگلیز
ئینگلیز…خستی
منیش دەپرسم: ئەی بۆچی ئینگلیز دەوارنشینەكانی كەنداوی نەخست..؟!
دوای یەك ساڵیش چرای ئاڵای كۆماری مەهاباد كوژایەوە، كەچی ژمارەیەكی تر لە گەلانی رۆژهەڵاتی ناوەڕاست و ئەوروپا لە داگیركاریی فاشییەكان رزگاربوون. بۆچی ئێمەش نەمانتوانی پارێزگاریی لە كۆمار بكەین…؟ ئایا بۆچی پێشەوا قازی خۆی رادەستی سوپای (شا) كرد..؟!
دیسان (شێركۆ بێكەس) هەر لە زمانی باوكەكە بە كوڕەكەی دەڵێ:
-ئەی بابە بۆ..
چرای ئاڵای
ناو بەفرانباری مەهاباد
لە تەمەنێكی زۆر كورتدا
دڵی وەستا…؟
-كوڕم…! فووی ڕوس
گۆڕینەوەی خوێنی كوردستان بە نەوت.
ماوەی بیست‌ونۆ ساڵیشە كوردستانی باشوور خاوەنی هەرێمێكی نیمچە سەربەخۆیە، كەچی هەموو تاكێكی كورد كاتێ شەوان سەر دەنێتە سەر سەرین، دەترسن بەیانی لەگەڵ هەڵسانیان لە خەو، حزبەكان پەلاماری یەكتریان دابێت و دۆو دۆشاویان تێكەڵاو كردبێت. ئەمڕۆ تۆڕە كۆمەڵایەتییەكان بۆتە مەیدانی كێبڕكێی تیرو تەشەرو چاندنی تۆوی دوژمنكاری لە نێوان یەكتردا.
(بەندە) سەرم سوڕماوە، ئەگەر جاران ئینگلیزو ڕوس؛ كوردیان فرۆشتبێت، ئەگەر ئەوان غەدریان لە كورد كردبێت، ئەوا ئەمڕۆ پشتیوانییەكی نێودەوڵەتیی باشمان هەیە، ئەی كەواتە دەبێ ئەمجارە كێ غەدرمان لێ بكات و خوانەخواستە ئەم ئەزموونەشمان بە دەردی ئەوانیتر ببات.
دیسان شێركۆی مەزن، دەڵێ:
-ئەی بابە..! ئەم (مانگ)ەی ئێستا
كێ ئەیكوژێ؟!
-كوڕم…! كورد خۆی
هەر خۆی و خۆی

وتاری زیاتر

پیف، لەو پێشمەرگەیە‬ د.ئەرسەلان بایز
2020-09-26 17:27      101 جار بینراوە



خۆزگە لەشوێنی ئەو بام‬ د.ئەرسەلان بایز
2020-09-13 16:19      109 جار بینراوە

گریان لەسەر كەلاوەكان‬ د.ئەرسەلان بایز
2020-09-12 17:05      61 جار بینراوە

لاسك، ئەمیرەی بەرگەڵوو‬ د.ئەرسەلان بایز
2020-09-06 15:26      100 جار بینراوە

لەخۆمان بپرسین بۆ؟!‬ د.ئەرسەلان بایز
2020-09-03 13:43      75 جار بینراوە



دایكی‬ د.ئەرسەلان بایز
2020-08-21 18:28      136 جار بینراوە

دایكم‬ د.ئەرسەلان بایز
2020-08-17 17:04      106 جار بینراوە



چەند دیاردەیەك‬ د.ئەرسەلان بایز
2020-07-26 21:19      102 جار بینراوە

یاداشته‌كانی‌ (مام)‬ د.ئەرسەلان بایز
2020-07-25 17:42      103 جار بینراوە

ده‌وڵه‌تی‌ ئیسرائیل‬ د.ئەرسەلان بایز
2020-07-19 18:16      100 جار بینراوە

بۆ وامان لێهات…؟!!‬ د.ئەرسەلان بایز
2020-07-17 11:17      171 جار بینراوە

كەڕوڵاڵە هەژارەكە‬ د.ئەرسەلان بایز
2020-07-12 20:37      111 جار بینراوە

ئاڵا شەكاوەكەی یەكێتی‬ د.ئەرسەلان بایز
2020-06-21 13:49      147 جار بینراوە

فلۆید‬ د.ئەرسەلان بایز
2020-06-17 19:16      148 جار بینراوە

بۆ كێ دەنووسی…؟‬ د.ئەرسەلان بایز
2020-06-14 12:52      155 جار بینراوە

كێشە كەڵەكەبووەكان‬ د.ئەرسەلان بایز
2020-06-13 16:09      157 جار بینراوە

براكوژی*‬ د.ئەرسەلان بایز
2020-06-07 20:47      157 جار بینراوە

ئۆخەی مەفتەن‬ د.ئەرسەلان بایز
2020-05-22 13:18      189 جار بینراوە

مێژوو و ئایندە‬ د.ئەرسەلان بایز
2020-05-17 21:10      150 جار بینراوە

بەوتەی سۆفییەكان‬ د.ئەرسەلان بایز
2020-05-16 20:34      229 جار بینراوە

میزی بەچاودا دەكردم‬ د.ئەرسەلان بایز
2020-05-09 16:46      315 جار بینراوە

ماچ قەدەغەیە‬ د.ئەرسەلان بایز
2020-05-05 00:22      217 جار بینراوە

مام جەلال و زمانی عەرەبی‬ د.ئەرسەلان بایز
2020-03-14 14:33      140 جار بینراوە

چیك-سلۆڤاكیا‬ د.ئەرسەلان بایز
2020-03-08 14:31      199 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو