د.ئەرسەلان بایز

لاسك، ئەمیرەی بەرگەڵوو

  2020-09-06 15:26      100 جار بینراوە        کۆمێنت

شەوو ڕۆژ، هەموو سەرە سەعاتێك لە سەربازگەی (سوسێ)وە تۆپێكی هەراسانكار (ئیزعاج) ئاڕاستەی بارەگاكانی مەڵبەندی سلێمانی و مەكتەبی سیاسی و ڕاگەیاندنی (ی.ن.ك) لە (سەرگەڵوو) و (بەرگەڵوو) دەكرا. جیا لە زنجیرە تۆپبارانی جارە جارەو بۆردوومانی فڕۆكەكان. دانیشتوانی گوندی (سەرگەڵوو)ش لە ترسی ئەو تۆپباران و بۆردوومانەدا، ماڵەكانی خۆیان لە گوندەكە چۆڵ كردبوو. هەریەكەو لە خوارتر لە نیمچە ئەشكەوتێك، پەنا شاخێك، نیوە ڕەوەزێك مالۆچكەیەكیان پێكهێنابوو. بە ڕۆژیش دەچوونەوە سەر باخ و باخاتەكانیان.
(لاسك)ی كچم تازە تەمەنی دوو سێ ساڵان بوو. تاكە مناڵی ئەوێش بوو. متووو خۆشەویستی پێشمەرگەكان بوو. بۆیە هێندەی هەوڵمان لەگەڵ دەدا بۆمان دابین نەدەكرا لە ماڵەوە بمێنێتەوە. هەر هێندە چاومان دەخستە سەر یەك، ون دەبوو، دواتر لە ژووری یەكێ‌ لە پێشمەرگەكان دەمان دۆزییەوەو خەریكی یاریكردن بوو.كاتێ‌ پێشمان دەوت:
– ڕۆڵە…! ئەوە تۆپبارانە…فڕۆكەكان بە ئاسمانەوەن…نابێ هێندە بڕۆیتە دەرەوە.
ئەویش سەیرێكی ئاسمانی دەكردو لاسایی پێشمەرگەكانی دەكردەوە: باوە…! بڵندە…بڵندە…هیچ نیە.
# لە ناوەڕاستی هەشتاكانی سەدەی ڕابردوودا دوای تێكچوونی دان و ستاندن (مفاوەزات) لەگەڵ ڕژێمی عێراق، ماڵی (مام جەلال) و بارەگاكانی مەكتەبی سیاسی لە گوندی (سێروان)و ناوچەی ناحیەی (بنگرد) كەوتنە بەر تۆپباران و بۆردومانی فڕۆكەكانی ڕژێمی عێراق. بۆیە سەرجەم بارەگاكان گواسترانەوە دۆڵی (جافایەتی). لە پرۆسەی ئەو گواستنەوەیەدا (مام) بۆ ماوەی یەك مانگ لە ماڵی ئێمەو بارەگای ڕادیۆ لە دۆڵی (بەرگەڵوو) مایەوە. گەلێ‌ جار (مام) لاسكی دەكردە باوەشی خۆی و یاری لەگەڵدا دەكرد. (لاسك) هێندە ڕوو خۆش و جوان و ڕۆح سووك و خۆش یاری بوو، (هێرۆخان) ناوی نابوو (ئەمیرەی بەرگەڵوو).
# قوباد، كوڕی شەهید مەلا ڕەسوڵی گوندی (هەڵەدن). (یەكێ‌ لە شەهیدەكانی سەرەتای شۆڕشی ئەیلوول) جیا لەوەی برایەكی خۆشەویست و پێشمەرگەیەكی هێمن و دڵسۆز بوو، زۆریش لەگەڵ (لاسك) بە حەوسەڵە بوو. (قوباد) لێپرسراوی بەشی (بێ سیم) بوو ڕۆژانە لەكاتی پێوەندی كردن لەگەڵ مەڵبەندو بارەگای مەكتەبی سیاسی و پەیامنێرەكان، بۆ خۆ دزینەوە لە پارازێت (تەشویش)ی دوژمن. شوێنی پێوەندییەكانی خۆیان دەگۆڕی. بۆ نموونە دەیان ووت: دوو بۆ سەرەوە، دوو بۆ خوارەوە لەبەر ئەوەی (لاسك)یش ڕۆژانە زۆر گوێی لەو گۆڕانكارییانە دەبوو، بۆیە گەلێ جار شەوان لە خەو ڕادەپەڕی و دەیوت: دوو سەركەوە، یەك دابەزە.
# لە كێبڕكێی تۆپی پێی جیهانی هاوینی ساڵی (1986)دا، ئێمە لە بەشی ڕادیۆی مەكتەبی ڕاگەیاندن، لە ژێر سێبەری دار گوێزێكی گەورە، كە پێشتر بۆ دانیشتن و نان خواردن خۆش كرابوو، تەلەفزیۆنێكمان بۆ هەواڵ و دەنگوباس دانابوو، ئێوارانیش سەیری یارییەكانمان دەكرد. (كاك شێركۆ بێكەس)ی شاعیریش لە هەموومان بە پەرۆشتر بوو بۆ ئەو سەیركردنە. لەو ساڵانەدا (مارادۆنا) ئەستێرەی گەشی تۆپی پێی ئەرجەنتین و جیهانیش بوو. (لاسك)یش وەكو (معلق)ی كەناڵەكەو پێشمەرگەكان لاسایی دەكردنەوە. بۆیە هەندێ شەو لە خەو ڕادەپەڕی و هاواری دەكرد:-
مارادۆنا…مارادۆنا…گۆ…ڵ…گۆ….ڵ.

 

وتاری زیاتر

پیف، لەو پێشمەرگەیە‬ د.ئەرسەلان بایز
2020-09-26 17:27      101 جار بینراوە



خۆزگە لەشوێنی ئەو بام‬ د.ئەرسەلان بایز
2020-09-13 16:19      107 جار بینراوە

گریان لەسەر كەلاوەكان‬ د.ئەرسەلان بایز
2020-09-12 17:05      59 جار بینراوە

لەخۆمان بپرسین بۆ؟!‬ د.ئەرسەلان بایز
2020-09-03 13:43      73 جار بینراوە



دایكی‬ د.ئەرسەلان بایز
2020-08-21 18:28      135 جار بینراوە

دایكم‬ د.ئەرسەلان بایز
2020-08-17 17:04      105 جار بینراوە



كێ ئەم هەرێمە ئەكوژێ؟!‬ د.ئەرسەلان بایز
2020-08-02 17:17      155 جار بینراوە

چەند دیاردەیەك‬ د.ئەرسەلان بایز
2020-07-26 21:19      100 جار بینراوە

یاداشته‌كانی‌ (مام)‬ د.ئەرسەلان بایز
2020-07-25 17:42      102 جار بینراوە

ده‌وڵه‌تی‌ ئیسرائیل‬ د.ئەرسەلان بایز
2020-07-19 18:16      99 جار بینراوە

بۆ وامان لێهات…؟!!‬ د.ئەرسەلان بایز
2020-07-17 11:17      170 جار بینراوە

كەڕوڵاڵە هەژارەكە‬ د.ئەرسەلان بایز
2020-07-12 20:37      109 جار بینراوە

ئاڵا شەكاوەكەی یەكێتی‬ د.ئەرسەلان بایز
2020-06-21 13:49      145 جار بینراوە

فلۆید‬ د.ئەرسەلان بایز
2020-06-17 19:16      147 جار بینراوە

بۆ كێ دەنووسی…؟‬ د.ئەرسەلان بایز
2020-06-14 12:52      153 جار بینراوە

كێشە كەڵەكەبووەكان‬ د.ئەرسەلان بایز
2020-06-13 16:09      155 جار بینراوە

براكوژی*‬ د.ئەرسەلان بایز
2020-06-07 20:47      155 جار بینراوە

ئۆخەی مەفتەن‬ د.ئەرسەلان بایز
2020-05-22 13:18      185 جار بینراوە

مێژوو و ئایندە‬ د.ئەرسەلان بایز
2020-05-17 21:10      146 جار بینراوە

بەوتەی سۆفییەكان‬ د.ئەرسەلان بایز
2020-05-16 20:34      224 جار بینراوە

میزی بەچاودا دەكردم‬ د.ئەرسەلان بایز
2020-05-09 16:46      312 جار بینراوە

ماچ قەدەغەیە‬ د.ئەرسەلان بایز
2020-05-05 00:22      214 جار بینراوە

مام جەلال و زمانی عەرەبی‬ د.ئەرسەلان بایز
2020-03-14 14:33      139 جار بینراوە

چیك-سلۆڤاكیا‬ د.ئەرسەلان بایز
2020-03-08 14:31      199 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو