ئارێز عەبدوڵڵا

درۆزن!

  2020-09-26 20:24      86 جار بینراوە        کۆمێنت

درۆ هەڵسوکەوتێکی نا ئاسایی و دوور لەبەهاو نەریتە مرۆڤایەتییەکانە، بۆیە لای کۆمەڵ بێزراوو نەفرەت لێکراوە. درۆزنەکان دوو جۆرن:
یەکەم: درۆزنە دەروون نەخۆشەکان. ئەوانەن بێ ویست و خواستی خۆیان ئاڵودەی ئەو دەردە دەبن و پێویستیان بەچارەسەرو راهێنانەوە هەیە، ناشبێ هیچ ئەرك وکارێکی گشتییان پێ بسپێردرێ، بەڵکو دەبێ هەمیشە لەژێر چاودێریدا بن.
دووەم: درۆزنە هەلپەرستەکان. ئەو جۆرەشیان هەر نەخۆشن، بەڵام ئەوانە بەویستی خۆیان لەپێناوی بەرژەوەندی تایبەت درۆ دەکەن و دەبنە درۆزنی کارامە. درۆزنە کارامەکانیش هەمیشە لەمەیدانەکانی سازشە سیاسی، دارایی، ئابووری، دەرباری دەسەڵاتداران و ناوەندە سیاسی و راگەیاندن و بڕیارەکان هەڵدەکەون و دەردەکەون، بەتایبەت لەناو سیستەمە سەقەت و شێواوەکاندا. سیستمە سیاسی و حوکمڕانییەکەی وڵاتی خۆشمان گونجاوترین ژینگەی بەرهەم هێنانی ئەو درۆزنانەیە، چونکە ئەوانە لەجیاتی لەسەر درۆو دەلەسەو بوختانەکانیان سزا بدرێن، پاداشتی ماددی و مەعنەوی وەردەگرن! .. درۆزنە کارامەکان نەك هەر ئامادەی درۆ و بوختانکردنن، بگرە لەپێناوی چەند ئێسکێکی رووتاوە هەمیشە بە کلك بادانەوە بەهەموو رێبواران دەوەڕن.
کورد دەلێ ئاسمان بەدەستان راناوەستێ. بەدڵنیاییەوە سیستەم و کورسی دەسەڵاتیش تا سەر بەدرۆو پڕوپاگەندە راناوەستن، چونکە خودی ئەو درۆزنانە مەترسیدارترین مۆرانەی ئەو سیستم و کورسیانەن
دەسەڵاتداران!
سەرکردە سیاسییەکان!
پیاوی چاك بن لەجیاتی پاداشتکردن وەرن ئەو نەخۆشانە چارەسەربکەن و رایانبهێننەوە، تا کۆشك و تەلارەکانتانیان بەسەردا نەرووخاندوون.

وتاری زیاتر


رۆژئاوا، یان رۆژئاوابوون؟‬ ئارێز عەبدوڵڵا
2018-12-26 12:17      91 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو