فەیسەڵ عەلی

كاتێك ئیرادەو ئیدارەمان لاواز دەبێ

  2020-10-24 18:50      46 جار بینراوە        کۆمێنت

ئیرادەو ئیدارەو رۆشنی دیدو بۆچوون و مكوڕی سستم (حزم النڤام)، ئەو چوار روكنە پێكەوە جیاوازی نێوان دەوڵەتانی پێشكەوتوو و دواكەوتوو دەخاتەڕوو، ئەوەی پێیوایە ئەو چوار روكنە بۆ پرۆسەی گەشەپێدانی ئابووریی و هێنانەدی جێگیریی و دیسپلینی گەشەپێدان زەرور نین، هەڵەیەكی گەورە دەرحەق بەپرۆسەی گەشەپێدان دەكا چ ئەو گەشەپێدانە ئابووریی، مرۆیی، كۆمەڵایەتیی یان ئاوەدانی بێت، تەنانەت لەسەر ئاستی جێگیریی ئاسایش و ئارامی بەو ئیعتبارەی ئاسایش و ئارامی خاڵی سەرەكی دەستپێكی پرۆسەی گەشەپێدان و ئاوەدانی هەر ولاتێكن جا ئەو وڵاتە گەورەبێ یان بچووك. هەر لاسەنگییەك لەنێوان ئەو چوار روكنە دەبێتە هۆی پەكخستنی پرۆسەی گەشەپێدانێكی گشتگیرو هاوسەنگ و تەواوكار.
ئیرادەو ئیدارە گرنگترین دوو توخمی پرۆسەی گەشەپێدانن و بەدوو بزوێنەری راستەقینەی بەدیهێنانی بۆچوونی رۆشن و دسپلینی سیستم دادەنرین، بۆیە هەر لاسەنگییەك لەنێوانیاندا كاریگەریی سلبی لەسەر پرۆسەی گەشەپێدان دەبێت، لاسەنگییەكە لێرەدا روودەدا كاتێك ئیدارە پێچەوانەی ئیرادە دەبێ یان بەپێچەوانەوە كاتێك ئیرادە پێچەوانەی ئیدارە دەبێت، یەكەمیان بەو مانایەی كە ئێمە ئیرادەمان بۆ پەرەپێدان و چاكسازیی هەیە، بەڵام بەهۆی لاوازیی ئیدارە، یان دژایەتی میتۆدو ئەو بۆچوونەی ئیرادە دەكات، كارەكە قورس و دژوارتر دەبێ كاتێك ئەو ئیرادەی شەخسی‌و ئیدارەی زاتی لەیەك كەسدا كۆدەبنەوە. واتە كاتێك كەسێك خاوەن ئیرادەیەكی بەهێزە، بەڵام لەهەمانكاتدا ئیدارەیەكی لاوازی هەیەو دەبێتە كۆسپ و تەگەرە لەبەردەم ئاوات و بۆچوونەكانیدا دروستدەكات، ئەو حاڵەتە كە لەخودی یەك كەسدا بوونی هەیە بەرەو حاڵەتی ئینفسامی شەخسی و ئیزدواجی بڕیارو هەدەردانی بیروڕاو دەبات.
لام وابوو ئیرادەی بەهێز هاندەری راستەقینەی بەدیهێنانی ئیدارەی مكورە، ئەگەر ئیرادە لەدیدو بەهاو ئامانجی گەورەوە هەنگاو بنێ ئەوا ئیدارە بۆی بەجێ دەهێنێ، كاتێك ئەوە لەیەك كەسدا كۆدەبێتەوە، ئیرادەیەكی بەهێزو ئیدارەی مكور، بەڵام ئەزموونی ژیان دەریخست كەپەیوەندییەكی راستەوانەو پێكەوەگرێدراو لەنێوان ئیرادەو ئیدارە لەخودی یەك كەسدا راست نییە، چونكە دەكرێ مرۆ خاوەن ئیرادە بێ، بەلام ئەو ئیدارەیەی نەبێ كە بتوانێ ئیرادەكەی بۆ بەدی بهێنی، واتە ئیرادەی بەهێزەو ئیدارەكەی لاوازە.
كاتێك ئیرادەی بەهێزو ئیدارەی مكور لەیەك كەسدا كۆنابێتەوە، ئەوا پێویستی بە گەڕانە بەدوای ئیدارەیەكدا كە ئەوەی دەیخوازێ بۆی بەدیبهێنێت، لێرەدا ئیدارەی تەواوكارو گشتگیر دێ كە دەكرێ بەپێی روونی بۆچوون و هێزی ئیرادە دروست بكرێ، لەگەڵ ئەوەی ئیدارە لەپرۆسەی گەشەپێداندا زۆر گرنگە، وەلی روونی دیدو بۆچوون و عەزمی ئیرادە بەبزوێنەری سەرەكی گەشەپێدان دادەنرێ لەڕێگەی بونیاتنانی دامەزراوەیی دروستی دەزگای ئیدارەو پشتیوانیكردنی بەكەفائەتی ئیداریی كە هاوسەنگیی لەگەڵ ئیرادەی بەهێز دروستبكات، ئەو هاوكێشە تەواوكارییەی نێوان ئیرادەو ئیدارە دەتوانێ كەموكورتییەكانی پرۆسەی گەشەپێدان پڕبكاتەوەو خزمەتی وڵاتی پێ بكرێ و پێداویستییەكانی هاووڵاتیانیش دابین بكات.
ئەو هاوكێشەیەی گەشەپێدان لەچەندین دەوڵەتدا سەركەوتنی بەدەستهێناوەو بەوەی گەیاندوون كەئێستا تێیدان، ئێمە لەهەرێمی كوردستان لەهەموو كات زیاتر پێویستمان بەو هاوكێشە تەواوكارییە هەیە چ لەناو خودی هەر كەسێك و چ وەك تاك و بەرپرس و دامەزراوە هەمەجۆرەكانی هەرێمی كوردستاندا.
دەبێ دان بەو راستییەدا بنێین كەبەبێ بوونی ئیرادەیەكی بەهێزو ئیدارەیەكی مكورو تۆكمە كە وەڵامی خواستەكانی ئیرادە بداتەوە كێشەكانمان تادێ قورستر و ئاڵۆزتر دەبن. لەوڵاتی ئێمە نە ئیرادەی بەهێز هەیەو نە ئیدارەی بەهێزو تۆكمە هەیە كە بتوانن پێكەوە پرۆسەی گەشەپێدانی ئابووریی و كۆمەڵایەتی و ئاوەدانی و لاسەنگییەكانی ئیدارە چاكبكرێنەوەو بگەیەننە كەناری ئارام و خواست و پێداویستییەكانی هاووڵاتیان بەدی بهێنرێت.

وتاری زیاتر

ئەو زەمەنەی بەڕێوەیە‬ فەیسەڵ عەلی
2020-11-23 13:04      25 جار بینراوە

داهێنانی سەربازی بۆ ئاشتی‬ فەیسەڵ عەلی
2020-11-16 23:07      43 جار بینراوە


شاری پزیشکی‬ فەیسەڵ عەلی
2020-11-09 13:37      37 جار بینراوە

حزبی بێدەنگی ئەمریکا‬ فەیسەڵ عەلی
2020-11-02 13:21      56 جار بینراوە

شوانیش بەکالۆریۆسی گەرەکە ‬ فەیسەڵ عەلی
2020-11-01 15:52      43 جار بینراوە



گۆڕان لەزەمەنی کۆرۆنا‬ فەیسەڵ عەلی
2020-10-19 15:57      63 جار بینراوە

پاشەڕۆی مێشک‬ فەیسەڵ عەلی
2020-10-10 22:58      69 جار بینراوە

ئابووریی زیرەك بەڕێوەیە‬ فەیسەڵ عەلی
2020-09-29 00:11      85 جار بینراوە

نهێنی خەو‬ فەیسەڵ عەلی
2020-09-28 15:29      72 جار بینراوە

فیل و زوهرە‬ فەیسەڵ عەلی
2020-09-26 21:40      72 جار بینراوە

جەستەیەک تەحەدای زانست دەکات‬ فەیسەڵ عەلی
2020-09-14 18:44      54 جار بینراوە


هاوژینی زانایەک‬ فەیسەڵ عەلی
2020-09-02 13:44      68 جار بینراوە


چیرۆکی ژنە پزیشکێک‬ فەیسەڵ عەلی
2020-08-29 23:28      67 جار بینراوە



دیوەکەی تری مرۆڤ‬ فەیسەڵ عەلی
2020-07-13 14:50      79 جار بینراوە



چاڵی هێلانەی هەڵۆ‬ فەیسەڵ عەلی
2020-06-23 00:27      114 جار بینراوە

رۆیشتن بەپێ چارەسەرە‬ فەیسەڵ عەلی
2020-06-15 19:53      112 جار بینراوە

کەرەنتینە‬ فەیسەڵ عەلی
2020-06-08 15:33      127 جار بینراوە

تاعون رووی ئەرزی گۆڕی‬ فەیسەڵ عەلی
2020-05-17 00:19      146 جار بینراوە

ناسەنتراڵی و حوكمڕانیی چاك‬ فەیسەڵ عەلی
2020-05-09 20:58      151 جار بینراوە



نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو