د.میران محەمەد

شەهیدان لەپڕۆسەی نوێبوونەوەدا

  2020-11-20 22:46      47 جار بینراوە        کۆمێنت

هەموو ساڵێک لەڕۆژی شەهیداندا دەبینەوە شاهێدی پرسیارێکی پڕ لەنائومێدی کە ئەوان بۆ ئەم رۆژە بوو گیانی خۆیانبەخشی؟ وەڵامەکە لەنێوان چینی دەسەڵاتدارو هاووڵاتیاندا هەرچۆنێک بێت بەدڵی کەسوکاری شەهیدو دایکی جگەرسووتاوی نییە، بێگومان خوێنی ئەو شەهیدە سەربەرزانەمان بۆ ئەوە نەڕژاوە کە ئێستامان وەک ئێستا بێت، بەڵام ئەوەش لەیاد نەکەین ئەوان لەهێڵی بەرگرییەکی پیرۆزدا دژ بەستەمکارە دەرەکییەکان گیانیان بەخشیوە. 
بەمانایەکی تر هەرچی ستەمێک لەناوخۆدا بەرامبەر بەگیانی پاکیان و کەسوکاریان ئەنجامدراوە لەبەهای بەرزی شەهیدەکانمان کەم ناکاتەوە، بەڵکو تا دێت ئەوان باڵاترو ئەزموونەکە لەبەرامبەریان نزمتردەبینەوە. هەرچەندە دۆخی ژیان لەهەرێمی کوردستان بەرەوە خراپتر بڕوات شکۆی ئەوان کەمناکات، بەڵام پێگەی کۆمەڵایەتی دەسەڵات لاوازتر دەبێت، یەکێتیی نیشتمانیی کوردستان لەڕێگەی شەهیدەکانییەوە بووەتە خاوەنی خەباتێکی دوورو درێژی کوردایەتی. 
هەر کاتێک هەڕەشەیەکی دەرەکی بەرۆکی کۆمەڵانی خەڵکی گرتبێت یەکێتی لەوێ بووە، بەڵام ئێستا هەژاری، بێ کاری و نەداریی بووەتە هەڕەشەیەکی ناوخۆیی لەسەر بەشێکی زۆر لەکەسوکاری شەهیدانی کوردستان و هاووڵاتیان لەبەرئەوە ئامادەباشییەکی زیاتری لە یەکێتی دەوێت، لەدوای پڕۆسەی نوێبوونەوە بۆئەوەی وەک دەڵێن یەکێتی ببێتەوە بە یەکێتیەکەی جاران، ئەوا پێویستە بەوپەڕی هێزو توانا بەرەنگاری هەر هۆکارێک ببێتەوە کە وادەکات ژیانی کەسوکاری سەربەرزی شەهیدان لەئاستی پێویستدا نەبێت، بەشبەحاڵی خۆم ئەم بابەتە بەبەشێک لەخەباتی قۆناغەکە دەزانم.
هەزار سڵاو بۆ گیانی پاکی جەنابی مام جەلال و سەرجەم شەهیدانی یەکێتی و رێگای رزگاری نیشتمان.

وتاری زیاتر


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو