شوان كەریم كابان

گیرۆدەی دەستی سیاسەتی خۆی!

  2020-11-23 20:05      73 جار بینراوە        کۆمێنت

لەپاش رووخانی یەكێتی سۆڤێت لەدوا دەیەی سەدەی رابوردوو، ئەمریكاو رۆژئاوا گەورەترین نەیارو ركابەرو  دوژمنیشیان لەكۆڵ بووەوە، كەڕێگری زۆری لێ دەكردن لەجێبەجێكردنی هەندێ سیاسەتیان. یەكەم كاریش كە دەستیان پێكرد، لەتوپەتكردنی سۆڤێت بوو دروستبوونی چەند دەوڵەتێك لێی. دواتر لەهەموو ئەو وڵاتانەی لەسەر بەرەی بلۆكی رۆژهەڵات ئەژماردەكران، لە هەق و ناهەق، كێشەی گەورەیان نایەوەو زۆربەی ئەو حیزبانەی  لەدەسەڵاتدابوون و بەكۆمۆنیست و سۆسیالیست ناسرابوون، لەڕێی هەڵبژاردن، یان خۆپیشاندان و نانەوەی پشێوییەوە لابران و حیزبی تازە دروستبووی سەر بەڕۆژئاوایان هاتەجێ، گەر چی لەهەڵبژاردنەكانی دواترداو پاش روونبوونەوەی بارودۆخ و مەرامەكان، بەشێك لەو حیزبە قەییمیانە، گەڕانەوە دەسەڵات. دیارترین كاری رۆژئاوا بەسەرۆكایەتی ئەمریكا ، هەڵوەشاندنەوەی یۆگسلافیا بوو دروستبوونی چەند دەوڵەتێك بوو لەبری ئەو. هەروەها لەرۆداوە دیارەكانی تری ئەو سەردەمە ، هەڵوەشانەوەی چیكسلۆڤاكیا بوو.                                                                                                      لەپاش ئەو قۆناغەو بەهۆی بەهۆشهاتنەوەی روسیاو گەڕانەوەی بۆنێو گۆڕەپانی نێودەوڵەتی، ئەمریكاو رۆژئاوا ، سیاسەتی گۆڕینی راستەوخۆی حكومەتە نەیارەكانیان گۆڕی و ئەمجارە شێوازێكی تریان گرتەبەر. ئەمجارە پەنایان  بردە بەر ئۆپۆزسیۆنی ئەو وڵاتانەو هەر كاتێك پاش هەڵبژاردن، ئۆپۆزسیۆن براوە نەبوو، ئەوا ئۆپۆزسیۆن پەنا بەرێتەبەر  گوتەی بوونی تەزویرو ساختەكاری لەلایەن حیزبی دەسەڵاتدارەوەو بۆ ئەمەش، ڤێنزویلا، بیلاروسیا، بۆلیڤیا، برازیل، روسیا، نموونەی دیاری ئەو پیلانەن كە بەسەرەكی ئەمریكا لەپشتییەوەیەتی. لە روسیا بەردەوام ئۆپۆزسیۆن لەسەر خەتەو هەر باس لەتەزویری هەر هەڵبژاردنێك دەكات كە لەوێ دەكرێ. لە ڤێنزوێلا بەهەمان شت بێ سێ و دوو ئۆپوزسیۆن بەردەوام قسە لەسەر تەزویر دەكات و ناوە ناوە خۆپیشاندان دەكەن. لەبەرازیل بەبیانووی بوونی گەندەڵی، بەر لەهەڵبژاردن، زنجیرەیەك خۆپیشاندان لەلایەن ئۆپۆزسیۆنەوە رێكخراو دەرەنجام سۆسیالیستەكان هەڵبژاردنیان دۆڕاند. لە بۆلیڤیا ئیفۆ مۆرالیسی سۆسیالیست پاش ئەوەی خولێكی تری هەڵبژاردنی سەرۆكایەتی بردەوە، ئۆپۆزسیۆن رژانە سەر شەقامەكان و داوای دەست لەكاركێشانەوەی مۆرالیسیان كردو ئەویش بۆ ئەوەی ئاژاوە دروست نەبێ، دەستی لەكار كێشایەوەو چووە دەرەوەی وڵات و پاش ئەوەی هەڵبژاردن دووبارە كرایەوە، كاندیدی حیزبەكەی هەڵبژاردنەكەی بردەوە ، مۆرالیس سەربەرزانە گەڕایەوە بۆلیڤیاو وەك پاڵەوان پێشوازی لێكراو كرایە سەرۆكی حیزب.
ئەمانە چەند نموونەیەك بوون.ئێستا ئەم سیاسەتەی ئەمریكا كە بەرامبەر نەیارەكانی پیادەی ئەكرد، ترامپ لەبەرامبەر ئەمریكا خۆی بەكاری دێنێت، هەم بەردەوام باسی تەزویرو دەنگ دزین دەكات، هەم لایەنگرەكانی خستۆتە سەر شەقامەكان بۆ نانەوەی پشێوی و رەتكردنەوەی دەرەنجامەكانی هەڵبژاردنە سەرۆكایەتییەكە كە بایدن براوەیەتی و ئەمریكای گیرۆدەی ئەو سیاسەتە كردووە كە نەیارەكانی پێ گیرۆدە كردبوو!

 

وتاری زیاتر


داعش لەفیلمێكی نوێدا! ‬ شوان كەریم كابان
2021-01-12 17:41      44 جار بینراوە

رەوایی و ناڕەوایی!‬ شوان كەریم كابان
2021-01-09 17:20      45 جار بینراوە

چارەسەر بدۆزنەوە!‬ شوان كەریم كابان
2021-01-02 21:23      45 جار بینراوە

ساڵێكی تری پڕ نەهامەتی!‬ شوان كەریم كابان
2020-12-26 15:49      50 جار بینراوە



مەترسییەكی خۆ مەڵاس داو‬ شوان كەریم كابان
2020-12-14 22:26      69 جار بینراوە


ئێمه‌ له‌ عیراقدا چین؟‬ شوان كەریم كابان
2020-11-21 16:23      53 جار بینراوە

سڵاو لەیادو یادەوەریتان‬ شوان كەریم كابان
2020-11-20 22:30      53 جار بینراوە



ترامپ چی چنییەوە؟ ‬ شوان كەریم كابان
2020-11-09 15:42      71 جار بینراوە


دڵتان دانەمێنێ! ‬ شوان كەریم كابان
2020-11-07 16:19      62 جار بینراوە

ئه‌و نوێژه‌ی نه‌كرا‬ شوان كەریم كابان
2020-10-30 10:26      71 جار بینراوە

ئەمە ئەمریكایە؟ ‬ شوان كەریم كابان
2020-10-27 20:44      63 جار بینراوە

پێمان سەیر نەبێ سووتێنرا!‬ شوان كەریم كابان
2020-10-24 17:56      60 جار بینراوە

وەلانانی گەورەكان!‬ شوان كەریم كابان
2020-10-19 21:44      69 جار بینراوە

خێری سیاسەتكردن! ‬ شوان كەریم كابان
2020-10-10 18:09      73 جار بینراوە









بەغدا، پیلان دژی هەرێم‬ شوان كەریم كابان
2020-08-14 19:17      93 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو