كاروان یاروەیس

بۆ بەم زۆنە فێرن؟

  2021-03-02 08:56      69 جار بینراوە        کۆمێنت

پێم خۆش نیە ووشەی "زۆن" بەكاردەهێنم، خۆشحاڵدەبووم ئەگەر لە واقعدا كوردستان یەك زۆن بوایە، بەڵام وانیە. هێشتا زۆنی هەژموونی یەكێتی " زۆنی سەوز" و زۆنی هەژموونی پارتی "زۆنی زەرد" لە نەخشەی سیاسی ‌و حوكمڕانی كوردستاندا هەیە. 
لە كوردستاندا لە زۆربەی بوارەكاندا كێشە، تاڕادەی كێشەی قووڵ ‌و قەیران هەیە بە هەردوو زۆنەوە. بەڵام مرۆڤی بە ویژدان ئەگەر نیەتی پاك بێت‌و كینە و بەجندای سیاسی ‌و حزبی تەسكی نەبێت، دان بەوەدا دەنێت، لە زۆر مەسەلەدا هێڵێكی تۆخ لەنێوان هەردوو زۆنەكەدا هەیە. 
مەودای ئازادی میدیا، خۆپیشاندان، كاری رێكخراوەیی ‌و حزبی ‌و ململانێی سیاسی ‌و دیموكراسی، لەزۆنی سەوز فراوانترە. هەرچی میدیای ئازادو لایەنی سیاسی ئۆپۆزسیۆن ‌و جولانەوەی نارەزایی هەیە لە زۆنی سەوزەوە سەرێهەڵداوە.
زۆنی سەوز ناوچەی هەژمونی سیاسی ‌و ناوەندی حوكمڕانی یەكێتی یە، ئەم هێزە هەر لەسەرەتای دامەزراندنیەوە، جیاوازی سیاسی ‌و ئازادی بیرورا، خەسڵەتێكی سەرەكی بووە، تا ئەو رادەیەی لە قۆناغی شۆڕش ‌و خەباتی چەكداریدا، زۆرترین مشتومڕو راگۆڕینەوەو بیرورای جیاواز هەبووەو بەنووسین و كتێب وەڵامی یەكتریان داوەتەوە. فكرو فەلسەفەی سیاسی مام جەلال هەمیشەی رەنگدانەوەی هەبووە بۆ ئەوەی زۆنی سەوز، پانتایی ئازادی ‌و دیموكراسی ‌و رچەشكێنی ‌و دەستپێشخەرییەكانی بۆ دیموكراسی زۆرتر بێت. 
بەڵام ئەوەی مایەی تێرامانە. بەشی زۆری ئەوانەی لێرەوە كاری سیاسی و میدیاییان دەست پێكردوە، هەمیشە روویان تیریان لە یەكێتی یە. زۆرجار هێندە بێویژدانن، جیاوازی ناكەن و "تەڕو ووشك پێكەوە دەسووتێن" تەنانەت كارێك كە یەكێتی نەیكردووە یان لەزۆنی سەوز نەكراوە، یەكێتی–یش دەكەنە هاوبەشی، لەجیاتی ئەوەی ناوی بكەرەكەی بێنن كەچی ئەڵێن "یەكێتی و پارتی"، تەنانەت ناوی یەكێتی–یش پێش دەخەن. 
سەرۆكی فراكسیۆنی نەوەی نوێ‌ كە لە پەرلەمانی كوردستان رۆژی (1/3) قسەی دەكرد، وا تێكەل ‌و پێكەلی كردبوو، پاش ‌و پێشی دەخست و ئەیووت (یەكێتی و پارتی)، نەیدەوێرا بەروونی و دیاریكراوی بڵێ‌ پارتی وایكردووەو یەكێتی وایكردووە، تەڕو ووشكی پێكەوە دەسووتاند. بۆنمونە ووتی كەناڵ هەیە تەنها لەبەرئەوەی پەیامنێرەكەی مایكی بۆ خەڵك كردۆتەوە تا قسە بكەن ئۆفیسەكەی بە هێز لە سلێمانی و هەولێر داخراوە، لەكاتێكدا خودی بینای كەناڵەكە لە سلێمانیە و نووسینگەكەیشی لە هەولێر و دهۆك داخراوە! هەر هەمان رۆژ تەماشای بڵاوكراوەیەكی هەواڵەكانی كەناڵی ئێن ئارتی–یم كرد، بەشی زۆری هەواڵ ‌و راپۆرتەكانی بۆ لێدانی یەكێتی بوون. 
هەمیشە ئەو پرسیارە دەكرێ‌ "ئەمانە بۆ بە ئەم زۆنە فێرن"، بۆ راستیەكان وەك خۆی ناڵێن و كاری باش و خراپی هەر لایەنێك بەدیاریكراوی ناخەنە ئۆباڵی خۆی ‌و تێكەڵی دەكەن. یان ناوێرن یان لەترسا ئەڵێن "یەكێتی ‌و پارتی" تەنانەت بوێری ئەوەشیان نیە بڵێن "پارتی ‌و یەكێتی"؟

 

وتاری زیاتر

دەستپێشخەرییەكەی حەفیدزادە‬ كاروان یاروەیس
2021-03-12 21:34      90 جار بینراوە

شەڕی جیاوازییەکان ‬ كاروان یاروەیس
2021-03-04 21:47      81 جار بینراوە

ماكگۆرك لەكۆشكی سپی!‬ كاروان یاروەیس
2021-01-09 19:13      96 جار بینراوە

ئەمریكایەكی تر!‬ كاروان یاروەیس
2021-01-07 11:41      119 جار بینراوە


كازمی لەئەنكەرە!‬ كاروان یاروەیس
2020-12-17 10:52      142 جار بینراوە

دانوستاندن چۆن وا ئەكرێ‌؟‬ كاروان یاروەیس
2020-12-05 16:30      173 جار بینراوە

كوردەوارییەكی گرفتار!‬ كاروان یاروەیس
2020-11-26 09:05      109 جار بینراوە






دوو ڕێگامان لەبەردەمدایە!‬ كاروان یاروەیس
2020-07-28 19:21      137 جار بینراوە

لەباتی فەیسبوك مێزی گفتوگۆ!‬ كاروان یاروەیس
2020-07-24 17:50      209 جار بینراوە


کورد هەقی بەسەر لیبیاوە چیە؟‬ كاروان یاروەیس
2020-04-14 20:56      220 جار بینراوە


حزب و بەرپرسیارێتی مرۆیی ‬ كاروان یاروەیس
2020-03-28 18:32      199 جار بینراوە

بەرەو بەغدا!‬ كاروان یاروەیس
2018-08-22 11:45      293 جار بینراوە


عیراق لە قەراغی گۆمەكە!‬ كاروان یاروەیس
2018-06-11 11:50      293 جار بینراوە

وەرەقەی كورد بۆ دانوستان‬ كاروان یاروەیس
2018-06-03 21:04      328 جار بینراوە




بەهاری نوێبوونەوە!‬ كاروان یاروەیس
2018-03-12 19:00      330 جار بینراوە

مووچەی نوێنەرانی گەل!‬ كاروان یاروەیس
2018-03-04 12:06      357 جار بینراوە

فایلی تەعریب ببەن بۆ بەغدا‬ كاروان یاروەیس
2018-02-25 15:39      401 جار بینراوە


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو