كاروان یاروەیس

بەهاری نوێبوونەوە!

  2018-03-12 19:00      291 جار بینراوە        کۆمێنت

(1)
هێشتا تەپوتۆزی گلانی ئەسپی شۆڕشی ئەیلول نەنیشتبوەوە، گەلی كورد لەناو شەوەزەنگی نائومێدی‌و بێكەسیدا بوو، ئەو جاڕی شۆڕشی دا‌و هەر زوو یەكێك لەگەورەترین دیكتاتۆرەكانی هێنایە لەرزین.
(2)
هەر ڕچەشكێنیی لە زوو هەڵگیرساندنی شۆڕش، لە هەلومەرجێكی تەواو ئاڵۆزدا نەكرد، بەڵكو لەگەڵ گۆڕینی شێوازی خەباتی چەكداریی، تەرزی حزبایەتی‌و كاری رێكخراوەیی گۆڕی‌و وەرچەرخانیشی لە كوردایەتیدا كرد.
(3)
شەهیدبوونی سەركردەكانی، كارەساتی هەكاری، پیلانی نێودەوڵەتی‌و ناوخۆیی، نەیتوانی پەكی بخات، بەڵكو نشوستەكانیشی دەكردە دەرفەتی هەستانەوەو بەهێزبوونی زیاتر.
(4)
لەدوای جینۆسایدەكانی هەڵەبجە‌و شاڵاوەكانی ئەنفالدا، كە بەعس دۆزەخی بۆ كورد‌و شۆڕشەكەی لەسەر زەوی كوردستاندا دروستكردبوو، دەیان هەزار مرۆڤ بە گاز خنكێنران‌و بەزیندویی كرانە ژێر خۆڵەوە، سەدان ئاوایی تەختكران، مەفرەزە پارتیزانەكانی مانەوەو جاڕی كۆتاییهاتنی شۆڕشیان نەدا.
(5)
لەدەمی خۆی دەگرتەوەو دەینارد بۆ باكوری كوردستان، هێزەكەی دەنارد بۆ پشتیوانی رۆژهەڵات، هاوكاری دەنێرێ‌ بۆ رۆژئاواو بەشدار دەبێ‌ لەوەی بەرگری كۆبانێ‌ سەربكەوێ‌.
(6)
ئەندازیار‌و پێشەنگی بەرپاكردنی ڕاپەرین بوو، لە قۆستنەوەی هەلومەرجی ناوخۆیی‌و هەرێمایەتی، داری شۆڕشەكەی بۆ یەكەمجار لەمێژووی كوردایەتیدا بەری گرت‌و بەشێكی كوردستانی بەشكراو، ڕزگاركرا.
(7)
لەدوای ڕاپەرین-یش هەر ڕچەشكێن بوو، هەڵبژاردن‌و دامەزراندنی پەرلەمان‌و حوكمڕانی خۆماڵی، هەنگاونان بۆ دروستكردنی قەوارەیەكی سیاسی‌و حوكمڕانی بۆ كورد لە باشوری كوردستان. یەكەمین رۆژنامە‌و تەلەفزیۆنی كوردیشی دامەزراند.
(8)
لەئاوەدانی كوردستان‌و بوژانەوەی گوزەرانی هاوڵاتیاندا، لە ڕەخساندنی زەمینەی زیاتر بۆ ئازادی ڕادەربرین‌و نووسین، كاری رێكخراوەیی‌و خەباتی مەدەنی، چەسپاندنی مافەكانی ژن، شەڕی كۆنەپەرستی‌و ئیسلامی سیاسی توندڕەو، خۆی پێشەنگ بوو.
(9)
لە پرۆسەی ئازادی عیراقدا، ڕزگاركردنی كەركوك‌و خانەقین‌و خورماتوو و ناوچەكانی تری دابڕێنراو، بەگژاچونەوەی تەعریب‌و خاوێنكردنەوەی ژینگەی تەعریبكراوی ئەو ناوچانە، پێكەوەژیان‌و ئاوەدانكردنەوە، شانازییەكەی بۆ ئەو بوو.
(10)
لەبنیاتنانەوەی عیراقی نوێ دا، چەسپاندنی فیدراڵی‌و بەشداریی كارای كورد لە ناوەند، شەڕی یاسایی‌و سیاسی‌و دیپلۆماتی بۆ بەدیهێنانی مافەكانی كورد‌و سەلماندنی ناسنامەی كوردستانیانەی كەركوك‌و ناوچەی كەركوك، سكرتێرە گشتیە بەتوانا‌و سەنگین‌و ژیرەكەی ئەو بوو.
(11)
لە عیراقی ململانێی مەزهەبی‌و نەتەوەیی‌و تائیفی، ناكۆكی سیاسی‌و سەركردەكان، مەیدانی یەكلاییكردنەوەی شەڕی بەرژەوەندی وڵاتان، ڕابەرەكەی كۆڵەكەی ڕاگرتنی وڵات‌و كۆكەرەوەی هەمووان بوو.
(12)
خاوەنی شانازییەكی گەورەیە، یەكەم سەرۆك كۆماری كورد لەعیراق، یەكەم سەرۆك كۆماری پەسەندكراوی عیراقیەكان بەهەموو جیاوازییە قوڵەكانیانەوە. كە كۆچی یەكجارەكیشی كرد، هەمووان پرسەیان بۆ دانا‌و شیوەنی خستە هەموو ماڵێكەوە.
(13)
خاوەنی مەزاری پیرۆزی سكرتێرەكەی‌و بیست هەزار شەهیدی رێگای ئازادی كوردستانە. هێشتا كفنی سەرۆك‌و فەرماندە‌و پێشمەرگەكانی لەشەڕی تێكشكاندنی داعشدا بەتەواوەتی زەردە نەبووە.
(14)
ئەوانەی سەرەوە، مەڵۆیەكە لە خەرمانی سەروەری‌و كارە باشەكانی حزبێك، كە پێشمەرگە و تێكۆشەرەكانی سەدان حیكایەتی جوانی نەبەزین‌و ئازایەتیان هەیە، هەزاران تێكۆشەری زیندان‌و كەمئەندام‌و كادری چالاكی هەیە، پەیوەندیی ناوخۆیی‌و هەرێمایەتی‌و نێودەوڵەتی بەرفراوانی هەیە، هێزی سەربازی‌و ئابوری‌و جەماوەری سەنگین‌و دەزگاو دامەزراوەی گەورەی جۆراجۆری هەیە، دەیان هەزار ئەندام‌و لەدوا هەڵبژاردنیشدا زیاتر لە (800) هەزار دەنگی هەیە، بەڵام كێشە كەڵەكەبووەكان بەر دەرگای چوونەدەرەوەی بۆ ئایندە لێداخستوە.
ئەم هێزە گەورەیە، تەنها بریتی نییە لە پرۆسەیەكی حزبایەتیكردنی تەواو رووت، بەڵكو جەماوەرو تێكۆشەرو كادرەكانی پەیوەندییەكی رۆحی‌و مەعنەوی قوڵیان لەگەڵیدا هەیە، تەمەنیان بۆ تەرخانكردووەو رۆڵە‌و خۆشەویستەكانیان لەپێناوی كوردستاندا شەهیدبووە، لەژێر ئەشكەنجە‌و دەربەدەری‌و ماڵوێرانیدا بوون، ئەندامێكی جەستەیان بۆ بەخشیوە، بۆیە چارەنوسی گرنگە‌و دەستبەرداری نابن.
لەباری واقعیشدا، بۆ چارەنوسی پرۆسەی سیاسی‌و حوكمڕانیی، ئایندەی باشور‌و بەشەكانی تریش، بۆ پرۆسەی دیموكراسی‌و هاوسەنگی هێز، گرنگە. بۆیە زۆرجار غەیرە یەكێتیەكانیش دەڵێن «چارەنوسی یەكێتی هەر بەتەنها پەیوەندی بەئێوەوە نییە، بەڵكو پەیوەندی بە ئایندەی هەمووانەوە هەیە».
بۆیە ئەم هێزە سیاسییە، شایستەی دۆخێكی باشترە، بۆ گەڕاندنەوەی سەنگی سیاسی‌و بەشداری یەكلاكەرەوەی لە بڕیارە چارەنوسازەكان، هاوسەنگی لە حوكمڕانی‌و بەرێوەبردنی كوردستان، سنوردانان بۆ پەلهاویشتن‌و هەژموونی ناڕەوای هێزێكی سیاسی، پێویستی بە بڕیاری چارەنوسازە.
گفتوگۆی هەڤاڵانە‌و بەلاوەخستنی ناكۆكی‌و بەرژەوەندییە كەسیەكان، ئاساییكردنەوەو بوژاندنەوەی گیانی هەڤاڵانە، رێخۆشكەرن بۆ گرێدانی كۆنگرەی وەرچەرخان‌و هەستانەوەی یەكێتی.

وتاری زیاتر

ماكگۆرك لەكۆشكی سپی!‬ كاروان یاروەیس
2021-01-09 19:13      59 جار بینراوە

ئەمریكایەكی تر!‬ كاروان یاروەیس
2021-01-07 11:41      83 جار بینراوە


كازمی لەئەنكەرە!‬ كاروان یاروەیس
2020-12-17 10:52      105 جار بینراوە

دانوستاندن چۆن وا ئەكرێ‌؟‬ كاروان یاروەیس
2020-12-05 16:30      126 جار بینراوە

كوردەوارییەكی گرفتار!‬ كاروان یاروەیس
2020-11-26 09:05      81 جار بینراوە






دوو ڕێگامان لەبەردەمدایە!‬ كاروان یاروەیس
2020-07-28 19:21      112 جار بینراوە

لەباتی فەیسبوك مێزی گفتوگۆ!‬ كاروان یاروەیس
2020-07-24 17:50      153 جار بینراوە


کورد هەقی بەسەر لیبیاوە چیە؟‬ كاروان یاروەیس
2020-04-14 20:56      188 جار بینراوە


حزب و بەرپرسیارێتی مرۆیی ‬ كاروان یاروەیس
2020-03-28 18:32      171 جار بینراوە

بەرەو بەغدا!‬ كاروان یاروەیس
2018-08-22 11:45      233 جار بینراوە


عیراق لە قەراغی گۆمەكە!‬ كاروان یاروەیس
2018-06-11 11:50      263 جار بینراوە

وەرەقەی كورد بۆ دانوستان‬ كاروان یاروەیس
2018-06-03 21:04      304 جار بینراوە




مووچەی نوێنەرانی گەل!‬ كاروان یاروەیس
2018-03-04 12:06      327 جار بینراوە

فایلی تەعریب ببەن بۆ بەغدا‬ كاروان یاروەیس
2018-02-25 15:39      361 جار بینراوە




كورد خەریكی چیە؟‬ كاروان یاروەیس
2017-12-03 10:59      519 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو