شوان كەریم كابان

چەند بیرەوەرییەك لەڕۆژانی پڕ شكۆی بەر لەڕاپەڕین و راپەڕین

  2021-03-14 22:03      167 جار بینراوە        کۆمێنت

دەیەم
پاشئەوەی فەرمانی جووڵەیان پێداین بەرەو سنوورو لەوێشەوە بۆ شاری سلێمانی، بەشێك لەهەڤاڵان كە لەبارەگای ئیزگە بوون لەناو شاری سەقز، بارەگای پەخش لەگەڕەكی حەماڵاوابوو لەقەراغ شاری سەقزو سەرقاڵی كاری تر بوون، كەوتنە كوكردنەوەی كەلوپەلەكان، جگە لە ئامێرەكانی پەخش كە ئەوانە ئێوارە كۆكرانەوە. بۆ كەلوپەكان لۆرییەكی گەورە گیرا، بەشێك لەباری لۆرییەكە تەرخانكرابوو بۆ بڕێكی باش ئازووقە كە زۆربەی هەڤاڵان بەبڕی جیاواز كڕیبویان بۆ ماڵی خۆیان بەهۆی ئەو هەواڵانەی لەبارەی خراپی باری ئابووری خەڵك لەكوردستان بڵاوبوبۆوە، دەرەنجامی ئەو ئابڵوقەیەی لەسەر عیراق هەبوو، تەنانەت بەندە گەر نەبێتە مایەی پێكەنین دە دەستە مۆمیشم كڕیبوو، چونكە وەك باسدەكرا، وەزعی كارەبا زۆر خراپ بوو، رۆژی یەك دوو سەعات هەبوو.
رۆژی دواتر كەوتینەڕێ بەرەو شاری بانە، یەك پاص و لۆرییەك بووین، شەوق و زەوقێكی زۆرمان هەبوو، هەموو شتێكمان تەسلیمی ستافی ٤١ مەترییەكە كردبوو كە لەشاری رانیە بوون، دیارە گوێگرانمان لەوە ئاگادار كردبۆوە كە پەخشی ٧٥ مەترییەكە بۆچەند رۆژێك دەوەستێ. ئێمە وامان دانابوو كە پاش ٤٨ سەعات لەشاری سلێمانییەوە دەكەوینەوە پەخش، بەڵام حیسابەكەمان هەڵە دەرچوو. نانی نیوەڕۆمان لەشاری بانە خوارد لەوێوە بەڕێ كەوتین بۆ مەرزی كانی خان. كە لە بانە دەرچووین پاش یەك دوو كیلۆمەتر لەجادەكە، قیرتاو نەماو بووە تێكەڵە، ئەمەش رۆیشتنی هێواش كردینەوەو لەهەندێ شوێنیش رێگاكە هەورازبوو، یان جۆگەی ئاوی هاتبووە سەر كە هێندەی تر لەخێرایی كەم دەكردینەوە تا گەیشتینە دوا سەیتەرەی ئێران لەسەر سنووری كانی خان. پاش دڵنیابوون لەمۆڵەتی رێگاپێدان، داری سەیتەرەكەیان بۆ هەڵداینەوە.
بیست و پێنج مەترێك ئەودیو سەیتەرەكە، گۆلاوێك ئاو لەسەر رێگاكە دروست ببوو بەهۆی بارانی شەوی رابوردوو، تا دەهاتیش هەور زیاترو چڕتر ئەبوو، هەموو چاومان لەوە بوو كە نیو سەعاتێكی تر لەكانی خان دەبین. لۆرییەكە كە لەپێش ئێمەوە بوو گەیشتە گۆلاوەكە، بەڕاستی كەسمان چاوەڕێی ئەوە نەبووین، لۆری تاسەر تایەكەی نوقمی ئاوو قوڕ بوو ،هەرچییەكی كرد نەیتوانی بڕوات. هەموومان هاتینە خوارەوە بەمەبەستی پاڵنان، هەرچییەكمان كرد بۆمان نەجوڵاو. خەریكی گفتوگۆ بووین لەسەر ئەوەی چیبكەین، بەفرەلوكە دایكرد. بەناچاری چووینە نێو سەیارەكەوەو بڕیاردرا یەك دووانێكمان بچین لەگەڵ بەرپرسی ئەو سەربازگەیە قسە بكەین تاكو بزانن چییان پێ دەكرێ بۆ هاوكاری كردنمان لەدەرهێنانی لۆرییەكە لەو قوڕو لیتاوە. یەك دوو هەڤاڵ چوون بۆ لای سەربازگەكە، لەوێ داوای هاوكاریان كردبوو، پێێان گوتبوون جگە لەسەیارەی بچووك شتێكی وامان لانییە توانای راكێشانی ئەو لۆرییەی هەبێ، هەرچییەكیش داوابكەین، تا رۆژ نەبێتەوە ناینێرن بۆمان، بۆیە لەشوێنی خۆتان بمێننەوە، تكاشمان وایە ناچاری نەبێ لەسەیارەكە مەیەنە خورەوە، ئەگەر هاتیشن، لایت داگیرسێنن. بەناچاری ئەو شەوە لەسەر مەرزو لەناو سەیارە، بێ ئەوەی بزانین لەدەورمان چی دەگوزەری ماینەوە، ئەوەی سەیریش بوو پێنج سانتیمەترێك بەفرەلوكە باری!

 

وتاری زیاتر


كۆنگرەی ناكۆكەكان!‬ شوان كەریم كابان
2021-08-31 20:30      42 جار بینراوە


ڤێرژنێكی نوێی تاڵیبان! ‬ شوان كەریم كابان
2021-08-22 14:16      54 جار بینراوە



سەفەر بەخێر كاكە ستار‬ شوان كەریم كابان
2021-07-01 22:27      99 جار بینراوە





چەترەكەی یەكێتی‬ شوان كەریم كابان
2021-06-12 22:46      68 جار بینراوە


خۆكوشتن و كوشتن ! ‬ شوان كەریم كابان
2021-06-07 10:10      63 جار بینراوە


رۆژی شەهیدانی باڵەكایەتی‬ شوان كەریم كابان
2021-05-17 20:06      106 جار بینراوە


هیوادارم وابكەن!‬ شوان كەریم كابان
2021-04-11 23:45      166 جار بینراوە

خەباتی سەردەمی نوێ!‬ شوان كەریم كابان
2021-04-03 14:15      123 جار بینراوە












نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو