فەیسەڵ عەلی

وێنە کۆنەکان

  2021-05-31 23:40      77 جار بینراوە        کۆمێنت


یەکێک لە راستگۆترین هەستەکانی ژیانمان ئەو کاتەیە کە ئەلبۆمی وێنە کۆنەکانمان هەڵدەدەینەوە، ئەو وێنانەی کە لە سەرەتای ژیانی مناڵی و قۆناغە جیاجیاکانی خوێندن لەگەڵ کەسوکار و هاوڕێکانمان لە بۆنە خێزانی و سەیران و جەژنەکاندا چرکێندراوە، وێنە کۆنەکان ئەو راستگۆیی و هەستە راستەقینەمان بۆ دەگێڕێتەوە کە تێیدا ژیا بووین، کە لەم زەمەنەدا بە هیچ جۆرێک قەرەبووی ناکرێتەوە تەنانەت ئەگەر گرانترین و پێشکەوتووترین کامێرامان پێ بێت، هەرچەند وێنەکانی ئەو کاتمان کە بە کامێرای فەوری یان ئەو کامێرایەی دەبوو فیلمەکەی بەرین بۆ ستۆدیۆیەک بۆمانی بشواتەوە بە بەراورد بەوانەی ئەمڕۆ باش نەبوون، وێڕای سادەیی ئەو گۆشانەی بۆ چرکاندنی وێنەکان هەڵمان دەبژاردن، هەروەها خۆ ئامادەنەکردن بۆ گرتنی وێنە، بەڵام ئەو وێنانە هێشتا ژیانی تێدایە و پڕە لە هەستی راستگۆیانە.

مەبەست لەم وتارە، لە دایکبووانی حەفتا و هەشتاکان نییە، تاوەکو خەمبارت بکەم بە زەمەنێک کە نایەتەوە، پەلە لە هەڵدانەوەی ئەلبومەکانت بکەیتەوە و بە سۆز و خۆشەویستییەوە لەگەڵ وێنەکانتدا یادی ئەو رۆژانە بکەیتەوە کە بە کەس قەرەبوو ناکرێتەوە، بەڵکو مەبەست لێی پێداچوونەوەیە بە پەیوەندییەکانت لەگەڵ ئەوانەی دەوروبەرت، لەو خزم و هاوڕێیانەی لەناو وێنەکانتدان، لێیان وردبەرەوە، لەو زەردەخەنە و گەشییەی بە دەموچاوەکانەوە دیارن کە دەربڕی ناخیان نیشان دەدات، لەو دەستانە ورد بەرەوە کە باوەشیان بە یەکدا کردووە و چۆن ئەو جەستانەی بە یەکەوە توند کردووە تاوەکو لە چاوە بچوکەکەی کامێراکە جێیان بێتەوە، لەو جلوبەرگە سادەیەی ئەو کات وردبەرەوە، کە تەرکیز لەسەر وردەکاری شوێنەکە نەکراوە و بایەخ بە باکگراوندنی وێنەکە نەدراوە، بە قەدەر ئەوەی تەرکیز لەسەر هەست و حەماسی چرکاندنی ئەو گرتەیە کراوە، هەموو ئەوە بەرەو پرسیارێکمان دەبات، چی روویداوە؟ کوان ئەو خۆشەویستانەی قورسایی و کیشەکانی ژیان لێکی دابڕاندین، ئەو هەست و سۆزە راستەقینەیە چی لێهات و بۆ کوێ رۆیشت، چۆن رایەڵەکانی پچڕان؟ ئایا رووداوەکانی زەمەن و کێشە و سەرقاڵیمان بە دابینکردنی بژێوی ژیان و درۆی ئەوەی «کات بەرەکەتی تێدا نەماوە»، بە کردەوە هۆکاری دابڕان و بێبەشبوونمانە لەوەی لەگەڵ خۆشەویستانمان بەردەوام لە پەیوەندییدا بین کە رۆژانێک یەکمان خۆش دەویست و لەگەڵیاندا یادەوەری ئەلبومی وێنە کۆنەکانمان بەشکرد؟

دەشێ هەندێکمان بەهانەمان هەبێت سەبارەت بەوەی پەیوەندیی بە هاوڕێی مناڵی و خوێندن و کوڕی گەرەک و هاوڕێکانی زانکۆ و کارەوەیە، بەڵام هیچ بەهانەیەک نییە بۆ خوشک و برایانەی وێنە کۆنەکان کۆیانی کردبووەوە و ژیان لێکی دابڕاندوون، ئەوانەی لەزەتی ئەو تیکە نانەی لەسەر یەک سینی پێکەوە دەیانخوارد و سادەیی ماڵی خێزان و خۆشی و شادی رۆژانی جەژن و رووداوە خۆش و ناخۆشەکانی ئەو ماوەیەی بە یەکەوە بوون، پاشان کاتێک هەر یەکێکیان لێک جودابوونەوە و سەرقاڵی ژیانی خۆی بوو و پەیوەندییەکان لاواز و دابڕانی تێکەوت.

 

 

وتاری زیاتر

كاروانی مەعریفە و گەشەپێدان‬ فەیسەڵ عەلی
2021-10-23 16:55      15 جار بینراوە


سامانی ئاو ژیان و ململانێیە‬ فەیسەڵ عەلی
2021-10-09 18:46      36 جار بینراوە







مێژووی نووسین و ئاسۆی ئایـندەی‬ فەیسەڵ عەلی
2021-08-26 11:00      102 جار بینراوە

فاشیزمی راستەقینە‬ فەیسەڵ عەلی
2021-08-22 16:25      95 جار بینراوە



پرسیاری ساڵی پار‬ فەیسەڵ عەلی
2021-08-07 17:28      51 جار بینراوە


سەنتەری لێكۆڵینەوەی ئابووری‬ فەیسەڵ عەلی
2021-07-31 14:33      96 جار بینراوە

خراپ بەکارهێنانی تەكنەلۆجیا‬ فەیسەڵ عەلی
2021-07-23 15:31      107 جار بینراوە


دیپلۆماسییەتی سایبرانی‬ فەیسەڵ عەلی
2021-07-03 20:01      119 جار بینراوە


زمان دەروازەی مێشکە‬ فەیسەڵ عەلی
2021-06-14 16:34      82 جار بینراوە



دیوەكەی تری دراوی گریمانەیی‬ فەیسەڵ عەلی
2021-06-02 16:19      71 جار بینراوە

خوێندن و بازاڕی كار ‬ فەیسەڵ عەلی
2021-05-29 21:30      120 جار بینراوە

زانكۆ وەك مەنزومەیەكی كاركردن‬ فەیسەڵ عەلی
2021-05-29 13:50      72 جار بینراوە

خەون و پەرەسەندنی مرۆڤ‬ فەیسەڵ عەلی
2021-05-14 15:54      108 جار بینراوە


دووپشکیش سوودی خۆی هەیە‬ فەیسەڵ عەلی
2021-05-03 21:14      223 جار بینراوە

گەنجی بکوژ‬ فەیسەڵ عەلی
2021-04-26 23:18      91 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو