د.سەردار عەزیز

ئایا سنوری توركیا و عێراق دەگۆردرێت؟

  2021-06-04 14:33      146 جار بینراوە        کۆمێنت

بە پێچەوانەی ساڵانی پێشوو، توركیا لە ماوەی ڕابردودا، تەنها دەستوەردان ناكات لە قوڵایی خاكی كوردستان، بەڵكو هەنگاو لە دوای هەنگاو، هێرش لە دوای هێرش دەكشێت و تۆڕێكی ئاڵۆز لە كۆنترۆڵی پانتایی spatial control دروست دەكات. 
توركەكان زنجیرەی رەبایە لە شوێنە ستراتیژییەكاندا دادەنێن، دەوروبەریان مین ڕێژ دەكەن، دارەكانی دەوروبەری دەبڕنەوە، ڕێگایان بۆ دروست دەكەن و بە درۆن پاڵپشتیان دەكەن. هەموو ئەمانە لە پێناو كۆمەڵێك ئامانجی هەنوكەیی و ئەگەری درێژ خایەندایە.
لەم پلانەدا لە دۆخی هەنوكەییەدا تورك ئامانجی باشورو باكورو ڕۆژئاڤایە. پلانەكانی بەم شێوازانەیە، لە یەكتر دابڕانیان، ئیدارەدانیان و پاشان بەكارهێنانیان. 
هەموو ئەمە دەبێت چونكە بۆشاییەكی هێز لە ناوچەكەدا هەیە. كوردی باشور كاتێك توركیا چیاكانی لێگرتوە، ئەوا دەبێتە داردەستی ئەو لە عێراقداو هەروەها توركیا وەك كارتێكی سەرمێزی دانوستان بەكاری دەهێنێت. 
بەمشێوەیە نزیك دەبێتەوە لە پانتایی عەرەبی، دەبێتە یاریكەرێك لە سیاسەتی عێراقیدا. توركیا لە ڕێگای ئاوەوە دەتوانێت ئاراستەی سیاسەتی باشوری عێراقیش بكات. 
هەموو ئەمە بەشێكە لە نیەتی فراوانخوازیی توركیا لە دەوروبەری خۆی. دەكرێت سێ قۆناغ یان سێ دۆكترن لە بواری فراوانخوازی توركیدا باس بكەین، لە پاش دابران لە سیاسەتی ئەتاتورك. قۆناغی كشانی نەرم بە پشت بەستن بە دۆكترنی داودئۆغلۆ. قۆناغی فراوانخوازیی دەریایی، ئێستا قۆناغی فراوانخوازیی سەربازیی و كۆلۆنیالی. ئەم دوو قۆناغەی دوایی هەردوو بیری سەربازەكانن، دۆكترنی وڵاتی شین دەگەڕێتەوە بۆ جیهات یایچی، دۆكترنی سەربازی باشور وەك كەسێك پێی وتم، بیرەكەی دەگەڕێتەوە بۆ ئیسماعیل حەقیی قەرەدایی، كە وەزیری بەرگریی ئێستا چەندین ساڵ هاریكاریی بوو. دۆكترێنێكی تر هەیە كە جۆرج فریدمان، خاوەنی ناوەندی فیكری ستراتیژی جیوپۆلەتیكال فیوچەر، كە ڕاوێژكاری ئەردۆگان بووە لە زۆر ڕوداودا، وەك كەسێك كە كاری لەگەڵدا كردوە پێی وتم. دیدی جۆرج ئەوەیە كە وڵاتانی دەوروبەری توركیا توانای هەستانەوەیان نیە، بۆیە دەرفەتە بۆ توركیا بۆئەوەی بۆیان بكشێت .  
لە هەموو فراوانخوازییەكانیدا توركیا وەستێنراوە، جگە لە باشور نەبێت. 
ئەم گۆڕانكارییەی سەربازیی و مۆڵگەی هێزەكان كورد ناچار دەكات كە خۆی بگۆڕێت، جا بە ویستی خۆی یان بە ویستی ئەوانیتر. 
ئەمە هیچ پەیوەندی بە لۆزان و سەد ساڵەو ئەو وەهمانەوە نییە. كورد هەركە سەد دەبینێت ئیتر پڕ دەبێت لە وەهم و ئەفسانە. 
دەرئەنجامی هەرە سەرەكی ئەوەیە كە قۆناغی شار لە ژیاری كوردیدا گۆڕانكاری بە سەردا دێت، درۆن گۆڕانكاریی گەورەی كرد لە پرسی پانتایی شاخدا، ئێستا بونی مۆڵگەی سەربازی گۆڕانكارییەكی ترە.

 

وتاری زیاتر

قەیرانەکانی خێزانی کوردی‬ د.سەردار عەزیز
2021-09-16 13:36      50 جار بینراوە

ناین ئیلێڤن ٩١١‬ د.سەردار عەزیز
2021-09-11 17:27      34 جار بینراوە


کۆمیونیزم و جیهادیزم لەگوند‬ د.سەردار عەزیز
2021-08-27 11:18      35 جار بینراوە

کەوتنی کابول ‬ د.سەردار عەزیز
2021-08-16 19:04      59 جار بینراوە



تڕەکەڵەکی کازمی‬ د.سەردار عەزیز
2021-07-24 15:40      86 جار بینراوە

تارماییەکانی مەکگۆرک‬ د.سەردار عەزیز
2021-07-17 19:27      117 جار بینراوە


ئەردۆگان و یاریی کورد‬ د.سەردار عەزیز
2021-07-10 17:15      71 جار بینراوە

پاش ئەوروپا‬ د.سەردار عەزیز
2021-07-10 10:08      91 جار بینراوە


بایدن و ئەردۆگان پاش دیدار‬ د.سەردار عەزیز
2021-06-18 13:53      71 جار بینراوە

بایدن و ئەردۆگان‬ د.سەردار عەزیز
2021-06-09 10:10      99 جار بینراوە



جەمشیدو مەعریفەی بێ رێچکە‬ د.سەردار عەزیز
2021-05-31 14:48      126 جار بینراوە

نەفرەتی بێدەوڵەتیی!‬ د.سەردار عەزیز
2021-05-29 17:57      77 جار بینراوە

ئایا مەترسی لەئارادایە؟‬ د.سەردار عەزیز
2021-05-22 17:55      78 جار بینراوە


دەستوورێک بۆ هەرێم؟!‬ د.سەردار عەزیز
2021-05-10 14:31      123 جار بینراوە

سەما لە سەردەمی بازاڕدا‬ د.سەردار عەزیز
2021-05-03 15:14      86 جار بینراوە

بایدن و جینۆسایدی ئەرمەنی؟‬ د.سەردار عەزیز
2021-05-01 16:30      65 جار بینراوە

قەیرانی گەشە لە کوردستان‬ د.سەردار عەزیز
2021-04-26 18:41      103 جار بینراوە



رەخنە چییە؟‬ د.سەردار عەزیز
2021-04-12 18:56      150 جار بینراوە

بایدن و مافەکانی مرۆڤ‬ د.سەردار عەزیز
2021-04-05 14:36      179 جار بینراوە

کچانی کۆبانێ‬ د.سەردار عەزیز
2021-03-29 22:59      194 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو