د.سەردار عەزیز

بایدن و ئەردۆگان

  2021-06-09 10:10      132 جار بینراوە        کۆمێنت

هەفتەی داهاتوو، لەسەفەرێكی یەك هەفتەییدا جۆ بایدن دێت بۆ ئەوروپا. لەبەریتانیاو بەلجیكاو سویسرا دیداری جیاوازی دەبێت. بینینی شاژنی بەریتانی بایەخێكی ئەوتۆی بۆ ئێمە نیە، بەڵام دیداری بایدن لەگەڵ ئەردۆگان لەپەراوێزی دیدارەكانی ناتۆو دیداری لە گەڵ پوتین لەجنێف، كاریگەری لەسەر دۆخی ئێمە دەبێت لەزیاتر لەپارچەیەكی كوردستان.
چاودێران رای جیاوازیان هەیە. لێكۆڵەری گەورەی بواری سیاسەتی دەرەوەی ئەمریكا واڵتەر رەسڵ مید كە لەڕۆژنامەی ۆڵ ستریت جۆرناڵ ستونێكی هەیە، لەمبارەوە دەنوسێت كە بایدن نابێت هەوڵی ئەوە بدات كە پەیوەندی جارانی ئەمریكاو توركیا زیندو بكاتەوە. پەیوەندی جاران مەبەستی پەیوەندی سەردەمی جەنگی ساردە. بەدیدی ئەو توركیا گۆڕاوەو دەبێت ئەمریكا بەدوای داڕشتنی پەیوەندییەكی نوێدا بگەڕێت كە تیایدا توركیا نەك هەر دۆست نیە، بەڵكو زۆر جار دەكرێت ركەبەر بێت.
مێرڤی تاهیرئۆغلۆو ئێریك ئیلدمان لەفۆرن پۆلەسی دەنوسن، ئەوە ئەمریكایە كە لایەنی بەهێزە لەدیدارەكەدا. ئەردۆگان لەهەردوو ئاستی ئابووری و سیاسیدا لەقەیرانی قوڵدایە. بۆیە دەبێت بایدن ئەم قەیرانە بەفیڕۆ نەدات بۆ پشتیوانی دیموكراسی لەتوركیا. 
دوێنێ لەمیانەی كۆدیدارێكدا، لەڕێگای زومەوە لەهێنری باركیم پرسی دەربارەی دیدارەكە. باركی شارەزای توركیاو نزیك لەناوەندی دەسەڵاتە لەواشنتۆن، لەسەردەمی كلینتۆندا ڕاوێژكاری كۆشكی سپی بوو بۆ پرسی ناوچەكە، بەلای ئەوەوە دیدارەكە هێندە گۆڕانكاری دروست ناكات، چونكە جیاوازییەكانی نێوان هەردوو وڵات زۆر گەورەیە هەتا دیدارێك بتوانێت چارەسەری بكات. بۆیە بایدن ئەوەی دەیەوێت پێی دەڵێت و دیدارەكە كۆتایی دێت.
هەندێك ئارگومێنتی ئەوە دەهێننەوە كە نابێت توركیا زیاتر بەرەو روسیا پاڵ بنرێت. ئەم دیدانە هەمیشە كەمێك ساویلكەن. وەك بەردەوام لەدۆخی عیراقدا باسدەكرێت كە نابێت عیراق لەئەوە زیاتر بەرەو ئێران پاڵبنرێت. كەس ناتوانێت لەئەوە زیاتر عیراق پاڵبنێت، ئێران تا بن لەعیراقدایە. لەدۆخی توركیادا، تورك نایانەوێت و ناتوانن بەتەواوی بچنە باوەشی روسەكان، چونكە روس نە بەهێزن و نە دۆستن بۆ توركیا. 
پەیوەندی ئەمریكاو توركیا، ئەگەر ترەمپ بوایە ئەوا دەبوو زۆر بترساینایە. چونكە هەردوو كەسایەتی زۆر لەیەكەوە نزیكبوون لەدژایەتی سیستەمی دونیاو رەگەزپەرستی و فاشیزمیاندا. هەروەها بایەخدان بەپەیوەندی كەسایەتی لەبری پەیوەندی بونیادی و مۆڕاڵی. 
بەختی كورد وەهایە، ئەگەر پەیوەندی ئەمریكاو تورك زۆرباش بێت بۆ كورد خراپە، ئەگەر زۆر خراپیش بێت كە ئەمریكا سەنگێكی ئەوتۆی نەمێنت، دیسانەوە خراپە.
دیارە پرسی ئێمە پرسی سەرەكی نیە، بۆیە هەموو شتێك دەبێت لەكۆنتێكستدا ببینرێت.

 

وتاری زیاتر

بۆ کۆچ؟‬ د.سەردار عەزیز
2021-11-13 21:32      54 جار بینراوە


بۆچی سەربەخۆکان سەرنەکەوتن؟‬ د.سەردار عەزیز
2021-10-16 17:57      62 جار بینراوە

قەیرانەکانی خێزانی کوردی‬ د.سەردار عەزیز
2021-09-16 13:36      82 جار بینراوە

ناین ئیلێڤن ٩١١‬ د.سەردار عەزیز
2021-09-11 17:27      73 جار بینراوە


کۆمیونیزم و جیهادیزم لەگوند‬ د.سەردار عەزیز
2021-08-27 11:18      55 جار بینراوە

کەوتنی کابول ‬ د.سەردار عەزیز
2021-08-16 19:04      130 جار بینراوە



تڕەکەڵەکی کازمی‬ د.سەردار عەزیز
2021-07-24 15:40      139 جار بینراوە

تارماییەکانی مەکگۆرک‬ د.سەردار عەزیز
2021-07-17 19:27      179 جار بینراوە


ئەردۆگان و یاریی کورد‬ د.سەردار عەزیز
2021-07-10 17:15      123 جار بینراوە

پاش ئەوروپا‬ د.سەردار عەزیز
2021-07-10 10:08      144 جار بینراوە


بایدن و ئەردۆگان پاش دیدار‬ د.سەردار عەزیز
2021-06-18 13:53      90 جار بینراوە



ئایا خاکی کوردستان فرۆشراوە؟‬ د.سەردار عەزیز
2021-06-02 18:57      102 جار بینراوە

جەمشیدو مەعریفەی بێ رێچکە‬ د.سەردار عەزیز
2021-05-31 14:48      159 جار بینراوە

نەفرەتی بێدەوڵەتیی!‬ د.سەردار عەزیز
2021-05-29 17:57      99 جار بینراوە

ئایا مەترسی لەئارادایە؟‬ د.سەردار عەزیز
2021-05-22 17:55      102 جار بینراوە


دەستوورێک بۆ هەرێم؟!‬ د.سەردار عەزیز
2021-05-10 14:31      152 جار بینراوە

سەما لە سەردەمی بازاڕدا‬ د.سەردار عەزیز
2021-05-03 15:14      108 جار بینراوە

بایدن و جینۆسایدی ئەرمەنی؟‬ د.سەردار عەزیز
2021-05-01 16:30      87 جار بینراوە

قەیرانی گەشە لە کوردستان‬ د.سەردار عەزیز
2021-04-26 18:41      151 جار بینراوە



نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو