ستران عەبدوڵڵا

بۆشایی ئەمنی ‌و بۆشایی تریش

  2021-12-04 20:52      197 جار بینراوە        کۆمێنت

هەر بۆشایی ئەمنیی نێوان پێشمەرگە‌و سوپای عیراق نییە كە پێویستە پڕبكرێتەوە، بۆشایی ئەمنیی، هی سیاسی،  كۆمەڵایەتی ‌و فەرهەنگی تریش هەن كە پێویست پڕبكرێنەوە، بۆشایی ئەمنیی نێوان هێزی پێشمەرگە لەگەڵ سوپای عیراق بۆشاییەكی زەق ‌و بەرچاوە لەنێوان هەرێمی كوردستان ‌و حكومەتی عیراق كە دیوە ئەمنی ‌و سەربازییەكەی داعش ‌و تیرۆریستان درزی تێدەكەن ‌و بەكاری دێنن ‌و رۆژانە چالاكی تیرۆریستی لێوە ئەنجامدەدەن، هەڵبەتە ئەوانەی پێیان خۆشە ئەم درزە بمێنێ ‌و پڕنەكرێتەوە زۆرن كە دنەی فراوانكردنی دەدەن ‌و هانی وەك خۆی مانەوەی پەیوەندییە سیاسییە خراپەكەی نێوان دەدەن تا لەسەر زەمینی واقیعی سەربازی ‌و ئەمنی رەنگبداتەوە، پشێوی ‌و شپرزەیی دروست بكات كە خوێن ‌و فرمێسكی سەرباری لێ دەكەوێتەوە، ئەم بۆشاییە زەقە بەبەرچاومانەوە، دەنا بۆشایی تریش زۆرن كە خۆیان مەڵاس داوە‌و لەڕووداو‌و بەسەرهاتەكاندا خۆیان دەردەخەن ‌و دەبنە بەڵا، بۆشایی ئەمنی، سیاسی، فەرهەنگی ‌و كۆمەڵایەتی تر وا كە هیچیان لەوی نێوان هەولێر‌و بەغدا كەمتر نییە كەداعشی بەدناو، هەر ئەو ناوی بەدە دەنا رەفتار داعشی تریش زۆرن، بە كاری دێنێ. بگرە بۆشایی نێوان ‌و نێوان خەریكە دەبێتە لۆگۆیەكی جێگیر لەجێی ئەوەی دیاردەیەكی تێپەڕ بێت، بۆچی ئێمە پێمانوایە بۆشایی لەنێوان هەولێر‌و سلێمانی، نێوان یەكێتی ‌و پارتی، حزبەكان لەنێوان یەكتری، حوكمڕان ‌و ئۆپۆزسیۆن نییە كە هێشتاش پڕنەكراوەتەوە؟ بۆشایی وا كە نە رێكەوتنە كۆنكرێتییەكان پڕیان كردۆتەوە، نە دەرس ‌و پەندەكانی رابردوو ‌و نە چانسەكانی داهاتوو دەتوانن بەهانایەوە بێن. بۆشایی وا كە عورفی كوردانە، عورفی سیاسی ‌و جەنتڵمانیش دەرەقەتی نایەن. بۆشایی زۆرن، بۆشایی نێوان شارەكان ‌و ناوەندی پارێزگاكانی كوردستان لەڕووی گەشە‌و نەشە، لەڕووی ئاستی كۆمەڵایەتی ‌و فەرهەنگییەوە، بۆشایی چینایەتی زەق ‌و رەق ‌و تەق كە وێنەی نییە لەململانێی كۆمەڵایەتی ‌و چینایەتی شەرق ‌و غەربدا كە ئاشتی كۆمەڵایەتی خستۆتە بەردەم هەڕەشە، بۆشایی نێوان نەوەكانی كوردەواری كە دەڵێی بەزمانی ژاپۆنی لەگەڵ یەك دەدوێن ‌و وەرگێڕی خائین قسەكانیان دەگوازێتەوە. بۆشایی نێوان ژن ‌و مێرد، نێوان كوڕ‌و كچانی كوردەواری كە سەدان مۆدێل ‌و بەدحاڵی بوون ‌و بەدگۆیی تێكی داون، سەدان داعشی كۆمەڵایەتی ‌و خێڵی دوژمن ‌و خێڵی درۆ دەوری داون. بۆشایی نێوان میدیای رەسمی ‌و بەرپرس ‌و رەوتی سۆشیال میدیای سەرهەڵداو‌و گەشەكردوو كە خراپ ‌و باشیان تێدایە‌و پێمان لێك جیاناكرێتەوە، بۆشایی زۆرن، هەر بۆشایی نێوان پێشمەرگە‌و سوپا نییە. بۆشایی وا لەسەر سنووری بیلاروسیا كە نازانین كێ كۆچبەری هەژاری ‌و بێ دەرەتانییە‌و كێش ناجسن ‌و ناڕەسەنە كە لەبەردەم دیكتاتۆری بیلاروسیا مەدحی دیكتاتۆری بیلامانای بەعس دەكات. بۆشایی تر زۆرن، كە دەمگوت تۆی خوێنەریش هی تری لێ زیاد بكە. بەس بەكۆمێنتی زۆری نەشیاودا دەزانم پەیوەندی نووسەر‌و خوێنەریش وا تێكچووە سەد داعش تەراتێنی تێدا دەكات ‌و سەد كۆمێنتچن ‌و دەستچن ‌و لوغمچێنی دەمامكدار ژینگەكەی ئالودە‌و پیس كردووە.

وتاری زیاتر








رەفیقەکانی شەهید ئاتیلە‬ ستران عەبدوڵڵا
2023-08-25 17:41      179 جار بینراوە



قسە هەزار و یەکی بەکارە ‬ ستران عەبدوڵڵا
2023-07-06 17:43      292 جار بینراوە


شایەتی ترم ماوە‬ ستران عەبدوڵڵا
2023-05-21 10:18      168 جار بینراوە

زنجیر و تەگبیر‬ ستران عەبدوڵڵا
2023-05-20 06:28      122 جار بینراوە

دەنگ و رەنگ‬ ستران عەبدوڵڵا
2023-05-18 22:36      125 جار بینراوە

چیرۆکی یاداشت‬ ستران عەبدوڵڵا
2023-05-17 19:07      84 جار بینراوە

شاری پەنهان‬ ستران عەبدوڵڵا
2023-05-17 19:06      107 جار بینراوە

مامۆستای هیوا ‬ ستران عەبدوڵڵا
2023-05-17 19:06      119 جار بینراوە

شۆرشگێران‬ ستران عەبدوڵڵا
2023-05-14 23:28      126 جار بینراوە

پێنج ئەستێرە‬ ستران عەبدوڵڵا
2023-05-14 11:13      85 جار بینراوە

شەهادەکان‬ ستران عەبدوڵڵا
2023-05-13 20:47      95 جار بینراوە

ماسییەکانی سورداش‬ ستران عەبدوڵڵا
2023-05-11 22:14      112 جار بینراوە

ڕاماڵینی جەنەڕال‬ ستران عەبدوڵڵا
2023-05-11 11:42      93 جار بینراوە

هەڵۆی سوورەکانی بەغدا‬ ستران عەبدوڵڵا
2023-05-10 18:40      97 جار بینراوە

تیپی شەهادەت‬ ستران عەبدوڵڵا
2023-05-09 17:09      106 جار بینراوە

جەولە و كاروان‬ ستران عەبدوڵڵا
2023-05-08 13:45      117 جار بینراوە

پاڵەوانەکەی مونیف‬ ستران عەبدوڵڵا
2023-05-07 10:31      75 جار بینراوە

پەڕینەوەی شۆڕش‬ ستران عەبدوڵڵا
2023-05-07 10:30      125 جار بینراوە

زەماوەندی شەرمن‬ ستران عەبدوڵڵا
2023-05-07 10:10      112 جار بینراوە

ئەیهێنێ‬ ستران عەبدوڵڵا
2023-05-01 00:25      161 جار بینراوە

نوێترین هەواڵەکان

بیروڕا

گەلەری

کەشو هەوا

زۆرترین سەردانکراو