سەنگەری یەکێتیی سەنگەری مافی گەلەکەمانە، بەڵێ ئێمە تەرەفدارین و بێلایەن نین، تەرەفداری ئیستحقاقە دەستورییەکانی کوردو مافە دیموکراسییەکانین، تەرەفداری تەوافوق و دەستوورو ھاوسەنگیی سیاسیین کە بنچینەی پرۆسەی سیاسیی عیراقن لەدوای رووخانی رژێمی دیکتاتۆریی لەساڵی ٢٠٠٣وە، وەك باوکە دامەزرێنەرەکانی عیراقی تازە، لەسەرووی ھەمووشیانەوە سەرۆك مام جەلال، لەسەری پێکھاتوون، گرێبەستی عیراقی دەستووری و فیدرالی وای نووسیووە، ئیتر بۆچی ببینە تەرەف لەکێشە ئاڵۆزەکانی نێو ماڵی شیعە کەھیچی تیابەسەر نییە بۆ میللەتەکەمان؟
رەتکردنەوەی جەمسەرگیری نێوان پێکھاتەکان جەمسەرگیری نییە دژی ئەملاو ئەولا، بەڵکو راوەستانە لەچەقی مافە دەستورییەکانمان.
خاوەنی مەسەلەی رەوا بەرچاوی روونە، چونکە مەسەلە رەواکەی کۆمبەسی ھەڵوێستەکانێتی. یەکێتییش خاوەنی مەسەلەیە، خاوەنی سیاسەتی سەربەخۆی راست و رەوایە کە قازانجی کوردو ئایندەکەی مسۆگەردەکات.
ئەمە پوختەی حیکایەتەکەیە