ستران عەبدوڵڵا

هەرێمی .... كوردستان

  2019-05-13 13:20      217 جار بینراوە        کۆمێنت

 رۆژهەڵاتی ناوەڕاست ئاوسە بەگۆڕانكاریی كە كەس نازانێ لە كوێوە سەر دەردێنێ؟. ئەوی نزیكە ئەگەر و نەگەری شەڕێكی قورسە كە جیهانی پێوە سەرقاڵە و دەڵێن ناوچەكەی ئێمە چەقی دەبێت. ناوی ململانێی ئێران و ئەمریكا دێت، بەڵام ئەگەر بقەومێ كەس نازانێ پەرەسەندنەكەی تا كوێ دەڕوا و ئاگرەكەی كراسی كێی تر دەسووتێنێ؟. 
زەحمەتە پێشبینی بكەین دەقەومێ، یان لە دوا ساتدا دەریچەی تر بۆ (شەڕەكە) دەدۆزرێتەوە. واتا ئەوی پێی دەڵێن سیاسەت درێژەپێدانی (شەڕ)ە بە شێوەیەكی تر، ببێتە بژاردەی هەر دوو بەرە و سەرەنجام لە راڕەوەكانی سیاسەت و دیبلۆماسی و هێڵی گەرمی تەلەفۆنەوە، پێكهاتنەوە سەر دەربێنێ. تا چەند ساڵی رابردوو ئەگەری هەر شەڕێك وا دەخوێنرایەوە كە شتێكی تێدا دەبێت بۆ كورد، هیچ نەبێ دیوی خوێندنەوەی كورد و كرمانج وابوو. ئەمەش رەنگە لەبەرئەوەبێ كوردستان خۆشی گیرۆدەی كۆت و بەندێكی وابوو زلهێزەكان تا مامناوەندە ئیقلیمییەكان پێكیانهێنابوو. لە دوا دەیەی سەدەی رابردوودا ملهوڕی سەدام لەكوێت (ساڵی 1990) دنیای هێنایە سەر رژێمی بەعس و تا رووخا  (لە ساڵی 2003)، گەردەلولی بیابان هەر تۆزی لێ هەڵدەسا، لەنێوان ئەو دوو بەروارەدا كورد ئەزموونێكی بەڕێكرد و دوای كەوتنی بەعسیش، ناونیشانی رەسمیی لە دەستووری عیراقدا بۆ مسۆگەر كرد. هەرێمی كوردستان بەهەموو ئازارەكانی سێ دەیەی رابردووەوە، قەوارەیەكی هەیە نایەوێ لەدەستی بدات. پاشەكشێی چەند ساڵی رابردوو و كێشەكانی تائێستای لەگەڵ بەغدا كە لەبازنەی ماف و مووچە و بودجەدا دەخولێنەوە، سیاسەتی كوردستانی بێ هیوا نەكردووە، بەڵام هێشتا هێزەكەی جارانیشی بۆ وەرنەگرتۆتەوە تا تەماع و تموحی تر بداتە بەر خۆی، یانیش لەڕێگەی یەكگرتنێكی كۆنكرێتییەوە لە ناوخۆدا بەڕەچاوكردنی ئیستحقاقەكانی دیموكراسی و رێڕەوی چاكسازیی، بتوانێ ئەم دووانە: تەماع و تموح لێك جیا بكاتەوەو داشی بەسەر بەغدادا سوار بێت. بەغدا خۆشی دەردەداری ئەوەیە چۆن هاوسەنگی لەنێوان دوو دۆستی ناكۆك، ئەمریكا و ئێراندا، دابین بكات. خۆ دیارە لە كەیسی توركیا و ئیقلیمیشدا ئیمانی زەعیفە و قەرزی زۆری لەسەرە. ئەمەش كار لەسەر سیاسەتی كوردستانی دەكات، تەنانەت ئەگەر بیەوێ كارای ئیجابی بێت، یان دانای سەبر و تەحەمول بێت. كوردستان و عیراق ئەو كاتە پاڵپشتن كە هێز و تین بدەنە یەكتر، كەوا نەبن و ناكۆكیش بن، مەعلومە نابنە بەردەبازی یەكتر.
 لێرە قسەمان تەرخانی ئەمڕۆی پێش لێدانی بوقی شەڕەكەیە كە وڵاتەكە دەبێتە گۆڕەپانێكی، جا چونكە پێش ئەزموونی 1991 نییە كە هیچمان نەبوو لە دەستی بدەین، دوای كەوتنی سەدامیش نییە كە سەنگی كورد چووبووە كەشكەڵانی فەلەك. هەقێتی بڕیار بەدەستی كوردستانی نیگەران و دوو دڵ بێت. یەكگرتوویی كورد لەم ئان و ساتەدا زۆر زۆر گرنگە، نەك هەر بۆ هێزدانە بەرخۆ، بەڵكو بۆ تێفكرین و راوێژ و تەگبیری هاوبەش. یەكەم بۆ پاراستنی هەرێمی كوردستان. دووەم بۆ پاراستنی هەرێمی كوردستان و سێیەمیش هەر بۆ پاراستنی كوردستان.
ئەگەر ئەوە كرا، قەڵەم هەیە و.. نووسینی تریش لێی ئاسان تر نییە.

 

وتاری زیاتر

با دوا فه‌رمان بێت ‬ ستران عەبدوڵڵا
2020-08-03 23:37      40 جار بینراوە


رۆژی دواتر یەک ببینینەوە‬ ستران عەبدوڵڵا
2020-07-17 18:01      55 جار بینراوە

یان کوردستان یان کوردستان‬ ستران عەبدوڵڵا
2020-06-28 16:22      75 جار بینراوە

یادی یەكێتی‬ ستران عەبدوڵڵا
2020-05-18 16:14      109 جار بینراوە

ئەمڕۆ 15-5 رۆژی زمانی كوردییە‬ ستران عەبدوڵڵا
2020-05-15 13:17      87 جار بینراوە






نۆتی ناكام‬ ستران عەبدوڵڵا
2020-02-17 15:31      246 جار بینراوە


بەبرژانگی چاو بینووسینەوە‬ ستران عەبدوڵڵا
2019-12-16 14:12      194 جار بینراوە


ده‌ستوور یان نه‌ریت؟‬ ستران عەبدوڵڵا
2019-11-16 16:32      173 جار بینراوە

نۆتی ناكام‬ ستران عەبدوڵڵا
2019-11-11 17:20      253 جار بینراوە

بۆ یه‌كتری ده‌ستێننه‌وه‌‬ ستران عەبدوڵڵا
2019-11-09 14:25      151 جار بینراوە


نەبینە بابەتی دەمەقاڵێ!‬ ستران عەبدوڵڵا
2019-09-30 16:12      170 جار بینراوە


فەزای داعش لەعیراق‬ ستران عەبدوڵڵا
2019-08-25 20:54      187 جار بینراوە


فەرموو دەست پێبكە‬ ستران عەبدوڵڵا
2019-06-21 20:56      221 جار بینراوە

رێوییەکانی کرملین‬ ستران عەبدوڵڵا
2019-05-30 12:13      182 جار بینراوە

‌مەیلی راماڵین‬ ستران عەبدوڵڵا
2019-05-24 11:44      194 جار بینراوە

كوشتن لەسەر ناسنامە‬ ستران عەبدوڵڵا
2019-05-18 11:55      189 جار بینراوە


لەو سەحرای سەماوەیەدا‬ ستران عەبدوڵڵا
2019-04-15 11:32      177 جار بینراوە


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو