ستران عەبدوڵڵا

‌مەیلی راماڵین

  2019-05-24 11:44      197 جار بینراوە        کۆمێنت

یەخەی كەس مەگرن لەتێكچوونی بەڵانسی هێز یان شەمزانی دیموكراسی كوردی ‌و شێوانی پەیوەندی نێوان حزبەكان، خەتای حزبێكی دیاریكراو، یان بەرەیەكی دیاریكراوی سیاسیی نییە، خەتای شتێكی لەوانە یەكلاكەرەوە تر، خەتای مەیلی راماڵین ‌و سڕینەوەی ئەویترە.
حزبی سیاسی لەكوردستان لەوێستگەی زۆر هەستیاردا تووشی ئەم مەیل ‌و ئەم دەردە دەبێت، مەیلی راماڵین ‌و وەتاقخستن، مەیلێكە پەیوەندی بەدیموكراسی ‌و گەمەی هەڵبژاردنەوە نییە، بەڵام هێزەكان دیموكراسی ‌و ئامرازی هەڵبژاردن بەكاردێنن بۆ جێبەجێكردنی ڕاماڵین.
ڕەگی خۆسەپاندن ‌و مەیلی ڕاماڵین خوشك ‌و برای دیكتاتۆری ‌و ستەمن، پەیوەندیان بەدیموكراسی ‌و هەڵبژاردنەوە نییە.
راماڵینخوازەكان ئۆقرە ناگرن تا مەیلی خۆسەپاندن ‌و خەڵك خەساندن ‌و حزب راماڵین سەر نەخەن ‌و جێبەجێی نەكەن.
حزبەكان وەختێك سیاسەت دەكەن گەرەكە ئەوانی تر قبوڵ بكەن ‌و بزانن ئەمە بەشێكی جەوهەریی پرۆسەی دیموكراسییە، حزب لەناو خۆیدا دیموكراسی ناوخۆیی نەبێ ناتوانێ پەستانی ناوخۆیی خۆی بەمەیلی راماڵینی ئەوانی تر پاساو بداتەوە.
بوونی پرۆگرامی چاكسازی، یان خیتابی ریفۆرم ‌و گۆڕانخوازی، یان بوونی خیتابی نیشتمانی ‌و نەتەوەیی چارەنووسساز پاساو نادەنە هیچ حزبێك كە بە مەیلی ڕاماڵین ‌و تێكشكاندنی ئەوانی تر لەناو كایەی دیموكراسیدا رەفتار بكات، چونكە دیموكراسی وەك ئامراز كاتی ‌و ماوەییە، شێوازی گوناهو بێ وەی سیاسەتكردنە، قەت لەگەڵ مەیلی (مێژوویی) ‌و (شۆڕشگێریی) ڕاماڵینی ئەوانی تردا ناگونجێت. چونكە ئەوانی تریش بەشێكن لەدیمەنە رەسەنەكە، خیتابی دینی دوو بەرەی خێر‌و شەڕ لەگەڵ واقیعی دونیایی سیاسەت ‌و واقیعی كەرنەڤاڵی دیموكراسیی یەك ناگرێتەوە.
هەر حزب ‌و رەوت ‌و گروپێك پەیدا دەبێ وا دەزانێ وێستگەیەكی مێژوویی گرنگە لەمێژووی میللەتەكەیا، كە پێشتر نەبووە ‌و پاشتریش هەر نابێ.
وایە كە: ئەچمە شارێ كەس نامناسێ، خۆم هەڵدەكێشم پڕ بە كراسێ
مەیلی ڕاماڵین كە دەخوازێ هەموو شتێك لەشەڕێكی خاچپەرستانەدا خەرج بكات لەنیوەی رێدا تووشی بەریەككەوتن دەبێ لەگەڵ واقیعی ئاڵۆز، یان هەندێك جار نەرم ‌و نیان. بۆیە دواجار تەنازولی گەورە دەكات ‌و هەڵدێ لەزۆرانبازییەكە.
بنمێچی بەرزی پێشبینی سەر دەشكێنێ ‌و مل لار دەكاتەوەو دواجاریش سەر نەوی دەكات بەهەموو هیواخواز‌و ئاواتبەرزێك كە شێوەی كارەكەی ڕاماڵین بێت.
چونكە ئاواتی بەرز هیچ پەیوەندی بە لوتی بەرزەوە نییە.
لە وەختی شێنەیی ‌و گەشەدا تەنها سەیری بەرنامە جوان ‌و ڕەواكان مەكەن، بەڵكو سەیری مەیلی ڕاماڵین بكەن. لە وەختی تێكشكانی غروری مەیلی ڕاماڵیندا تووشی نائومێدی مەبن، گوایە بەرنامە جوان ‌و ڕەواكان تێكشكاون ‌و دۆڕاون. نەخێر! ئەوی تێكشكاوە مەیلی ڕاماڵینە، نەك ئامانجی ڕەوای گۆڕانكاری ‌و نوێخوازی ‌و دیموكراسی ‌و عەدالەتخوازی.
مەیلی ڕاماڵین برای دیكتاتۆری ‌و مەیلێكی غەیبییە. قوربانی ‌و تەلەفی زۆری بەدواوە دەبێ، بێ ئەوەی دەسكەوت ‌و بەرهەمێكی هەبێت.
مەیلی ڕاماڵین دوو بەرەكی دەنێتەوە لەسایەی مەیلی وادا زۆر دزێوی ‌و گەندەیی ‌و ناشیرینی وەك بەرزەكی بانان بۆی دەردەچن. زۆر كارەكتەری خێر‌و باش ‌و چاكەخواز پێوە دەبن ‌و دەبنە قوربانی.
مەیلی ڕاماڵین تەنها لەشۆڕشی رزگاری نیشتمانیدا رەوایەتی هەیە، ئەویش لەڕاماڵینی داگیركەردا، نەك لەڕاماڵینی برای گیانی بەگیانی ناوخۆیی، بەپاساوی ئایدیۆلۆژی، یان جیاوازی تەرزی بیركردنەوە.
نا بۆ مەیلی ڕاماڵین، بەڵێ بۆ مەیلی پێشكەوتن ‌و دەسكەوت كەڵەكەكردنی دیموكراسیی ‌و داد‌و دادپەروەری.

وتاری زیاتر


با دوا فه‌رمان بێت ‬ ستران عەبدوڵڵا
2020-08-03 23:37      62 جار بینراوە


رۆژی دواتر یەک ببینینەوە‬ ستران عەبدوڵڵا
2020-07-17 18:01      57 جار بینراوە

یان کوردستان یان کوردستان‬ ستران عەبدوڵڵا
2020-06-28 16:22      77 جار بینراوە

یادی یەكێتی‬ ستران عەبدوڵڵا
2020-05-18 16:14      113 جار بینراوە

ئەمڕۆ 15-5 رۆژی زمانی كوردییە‬ ستران عەبدوڵڵا
2020-05-15 13:17      91 جار بینراوە






نۆتی ناكام‬ ستران عەبدوڵڵا
2020-02-17 15:31      251 جار بینراوە


بەبرژانگی چاو بینووسینەوە‬ ستران عەبدوڵڵا
2019-12-16 14:12      195 جار بینراوە


ده‌ستوور یان نه‌ریت؟‬ ستران عەبدوڵڵا
2019-11-16 16:32      175 جار بینراوە

نۆتی ناكام‬ ستران عەبدوڵڵا
2019-11-11 17:20      255 جار بینراوە

بۆ یه‌كتری ده‌ستێننه‌وه‌‬ ستران عەبدوڵڵا
2019-11-09 14:25      153 جار بینراوە


نەبینە بابەتی دەمەقاڵێ!‬ ستران عەبدوڵڵا
2019-09-30 16:12      174 جار بینراوە


فەزای داعش لەعیراق‬ ستران عەبدوڵڵا
2019-08-25 20:54      191 جار بینراوە


فەرموو دەست پێبكە‬ ستران عەبدوڵڵا
2019-06-21 20:56      223 جار بینراوە

رێوییەکانی کرملین‬ ستران عەبدوڵڵا
2019-05-30 12:13      184 جار بینراوە

كوشتن لەسەر ناسنامە‬ ستران عەبدوڵڵا
2019-05-18 11:55      189 جار بینراوە

هەرێمی .... كوردستان‬ ستران عەبدوڵڵا
2019-05-13 13:20      221 جار بینراوە


لەو سەحرای سەماوەیەدا‬ ستران عەبدوڵڵا
2019-04-15 11:32      180 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو