كاروان یاروەیس

وەرەقەی كورد بۆ دانوستان

  2018-06-03 21:04      305 جار بینراوە        کۆمێنت

جیاوازیی نێوان لایەنە سیاسیەكانی كوردستان لە ناوخۆی هەرێم هەرچۆنێك بێت، بیانووی بڕواپێكەر نین، كە كورد بە یەك تیم‌ و وەرەقەیەكی هاوبەش بۆ دانوستان نەچێتە بەغدا، ئەمە كتومت جێبەجێكردنی ئەو قسەیە بەردەوام دەوترێ‌ «بەرژەوەندی باڵای گەلی كوردستان بخرێتە سەرووی بەرژەوەندییەكانی ترەوە.»
لایەنە ناكۆكەكان وا باشترە پێشنیاز و چارەسەر بۆ كێشەكانی كورد‌ و ناوەند لە چوارچێوەی بەرنامەیەكدا پێشكەش بكەن، تا لە ناو وەرەقەی هاوبەشی كورد بۆ دانوستان لە بەغدا جێگیر بكرێ‌، ئەكەر نەكرا ئەوكات دەنگیان دلێر دەبێ‌ بیانوویان جێی بڕوا دەبێ‌.
كورد ئەگەر بە یەك هاوپەیمانێتی لە ناوچە جێناكۆكەكان بەشداری هەڵبژاردنی بكردایە‌ و وەك جاری جاران هاوپەیمانی كوردستانی لە بەغدا دروست ببوایە، لانی كەم (62) كورسی بەدەستدەهێنا، بەمەش سەنگ ‌و پێگەی كورد لە كەركوك‌ و موسڵ ‌و دیالە‌ و سلاحەدین بەهێزتر دەكرد‌ و كوردستانیبوونی ئەو ناوچانەی دەسەلماندەوەو كورد وەك یەكەم لیستی براوە پێگەی لە بەغدا بەهێز دەبوو.
ئێستایش نەچووە بچێ‌، كورد ووتەنی «زەرەر لەنیوە بگەڕێتەوە باشترە.»، گفتوگۆی كوردستانیانە لە كوردستان لەنێوان لایەنە سیاسیەكان، دەتوانێ‌ هەنگاوێكی باش بێت، بۆ داهاتووی كوردستان لە چوارچێوەی عیراق ‌و دەستەبەركردنی مافەكانی گەلی كوردستان.
یەكخستنی بەرنامەكان ‌و چوون بۆ بەغدا بە یەك تیمی دانوستان، ڕەنگە دەلاقەیەكیش بكاتەوە بۆ چارەسەركردنی كێشە سیاسیەكانی ناوخۆی هەرێمی كوردستان، چونكە دۆخی ناوخۆی كوردستان دابراونیە لە دۆخی بەغدا و ڕەنگدانەوەیشی لەسەر پێگەی كورد دەبێت لە بەغدا.
كێشە چارەسەر نەكراوەكانی كوردستان لەگەڵ عیراق روونن، چەند ساڵێك كەڵەكەبوون ‌و قوڵبوونەتەوە، كە بریتین لە، جێبەجێ نەكردنی دەستور، كەركوك‌ و ناوچەی كەركوك ‌و نەوت‌ و گاز و پرچەككردن‌ و مەشق پێكردنی پێشمەرگە‌ و شەراكەتی ڕاستەقینە‌و تەوافقی سیاسی.
ئێستا دەرفەتی گەورە هاتۆتە پێشەوە، بەهۆی پەرتبوونی لایەنە سیاسیەكانی عیراق‌و پێكهاتەی شیعە ‌و سووننە‌ و گۆڕانكاریی بەسەر باڵانسی هێز و دۆخی هەرێمایەتی ‌و نێودەوڵەتی، كوردستان لەو بازنە تەسكە بێتە دەرەوە، كە دوای ریفراندۆم وەك سزاو ئابڵوقە بەسەریدا سەپێنراوە.
كوردستانێكی بەهێز لە چوارچێوەی عیراقێكی یەكگرتوودا، بژاردەی گونجاوە بۆ دۆخی ئێستای كوردستان، بەڵام بە پەرتەوازەیی‌ و قوڵبوونەوەی كێشەكانی ناوخۆی هەرێم نایەتەدی. ئەگەر پەرتبوونی نێوماڵی شیعە‌ و سووننە ‌و پەیدابوونی فراكسیۆنی پەرلەمانی بچوك‌ و گەورە، هاندەربێت، تا كوردیش بەو شێوەیە بچێتە بەغدا هەڵەیەكی گەورەیە.
چونكە ئێستا هەوڵێك هەیە، كورد بەم پەرتەوازەییە بچێتە بەغدا، تا پێگە‌ و رۆڵی كاریگەر نەبێ‌، بوونی چەند پەرلەمانتارێكی كوردیش وەك ئۆپۆزسیۆن، كە چاوەڕوان دەكرێ‌، ئەم خولەی ئەنجومەنی نوێنەرانی عیراق هەندێك فراكسیۆنی عیراقیش ببنە ئۆپۆزسیۆن كاریگەرییەكی ئەوتۆی نابێ‌.
كردنەوەی دەرگای گفتوگۆی بەرپرسیارانەی نێوان لایەنە كوردستانیەكان بۆ چارەسەركردنی كێشەكان‌ و ئامادەكردنی وەرەقەیەكی هاوبەش‌ و ناردنی بە تیمێكی یەكگرتوو بۆ بەغدا باشترین هەنگاوە‌و خواستی زۆربەی گەلی كوردستانیشە.

وتاری زیاتر

ماكگۆرك لەكۆشكی سپی!‬ كاروان یاروەیس
2021-01-09 19:13      59 جار بینراوە

ئەمریكایەكی تر!‬ كاروان یاروەیس
2021-01-07 11:41      83 جار بینراوە


كازمی لەئەنكەرە!‬ كاروان یاروەیس
2020-12-17 10:52      105 جار بینراوە

دانوستاندن چۆن وا ئەكرێ‌؟‬ كاروان یاروەیس
2020-12-05 16:30      126 جار بینراوە

كوردەوارییەكی گرفتار!‬ كاروان یاروەیس
2020-11-26 09:05      81 جار بینراوە






دوو ڕێگامان لەبەردەمدایە!‬ كاروان یاروەیس
2020-07-28 19:21      112 جار بینراوە

لەباتی فەیسبوك مێزی گفتوگۆ!‬ كاروان یاروەیس
2020-07-24 17:50      153 جار بینراوە


کورد هەقی بەسەر لیبیاوە چیە؟‬ كاروان یاروەیس
2020-04-14 20:56      188 جار بینراوە


حزب و بەرپرسیارێتی مرۆیی ‬ كاروان یاروەیس
2020-03-28 18:32      171 جار بینراوە

بەرەو بەغدا!‬ كاروان یاروەیس
2018-08-22 11:45      233 جار بینراوە


عیراق لە قەراغی گۆمەكە!‬ كاروان یاروەیس
2018-06-11 11:50      263 جار بینراوە




بەهاری نوێبوونەوە!‬ كاروان یاروەیس
2018-03-12 19:00      291 جار بینراوە

مووچەی نوێنەرانی گەل!‬ كاروان یاروەیس
2018-03-04 12:06      327 جار بینراوە

فایلی تەعریب ببەن بۆ بەغدا‬ كاروان یاروەیس
2018-02-25 15:39      361 جار بینراوە




كورد خەریكی چیە؟‬ كاروان یاروەیس
2017-12-03 10:59      520 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو