كاروان یاروەیس

بەرەو بەغدا!

  2018-08-22 11:45      247 جار بینراوە        کۆمێنت

 (1)
كۆتایی هەفتەی ڕابوردوو، كۆمیسیۆنی باڵای سەربەخۆیی هەڵبژاردنەكانی عیراق، لیستی ناوی كاندیدە دەرچووەكانی هەڵبژاردنی ئەنجومەنی نوێنەرانی عیراقی ڕەوانەی دادگای فیدراڵی كرد، بۆ ئەوەی مۆری پەسەندكردنی لێبدات.
مۆرەكەی دادگای فیدراڵی، بەتەنها پەسەندكردنی ناوی پەرلەمانتارانی عیراق نییە، بەڵكو پرۆسەی پێكهێنانی حكومەت ‌و گفتوگۆی لایەنەكان بۆ رێككەوتن، دەخاتە سەر رێچكەی ڕاستەقینەی خۆی ‌و پێدەچێت دوای جەژنیش وردە وردە تابلۆكە باشتر روون ببێتەوە.
جگە لەدۆخی سیاسی عیراق ‌و پەیوەندی لایەنە سەركەوتووەكان، هەژموونی ئەمریكا‌و ئێران‌ و ئەو پێشهاتە نوێیانەی لەپەیوەندی نێوان وڵاتان بەدیهاتووە، لەوانەیش چڕبوونەوەی فشارە ئابورییەكانی ئەمریكا بۆ سەر ئێران‌ و توركیا، كاریگەری بەرچاوی دەبێت، لەسەر پرۆسەكە، ئەمەیش ئەوە ناگەیەنێی هەژموونی ئێران بەسەر عیراقەوە لاواز بوو بێت، بەڵام بەدڵنیاییەوە وەك ساڵانی ڕابردوو نابێت.
ئەمریكاش ناتوانێ‌ كاندیدی پەسەندكراوی خۆی بەسەر لایەنەكانی تردا بسەپێنێ‌، بەتایبەت ئەگەر ئەو كاندیدەیش عەبادی بێت. لەبنەڕەتدا بۆ ئەوە نییە، كە كاندیدی ئەمریكایە‌و ڕەتدەكرێتەوە، بەڵكو چوار ساڵی ڕابوردوو، عەبادی نمونەیەكی پیشان نەدا، كە جێی ڕەزامەندی پێكهاتەكانی عیراق بێت. لەڕووی خزمەتگوزاریشەوە، بەغدای پایتەخت، كە جاران یەكێك بوو لەپایتەختە ڕازاوەكانی ناوچەكە، ئێستا لەژێر زبڵ‌و بێ‌ خزمەتگوزاریدا نگرۆ بووە.
یەكێك لە ئەگەرە بەهێزەكانیش دەركەوتنی كاندیدی نوێیە، كە ڕەنگە پێشبینی نەكراوبێت، كە جێی ڕەزامەندیی ئەمریكا‌و ئێران ‌و لایەنە جیاوازەكانی عیراق ‌و تاڕادەیەكیش شەقامیش هێور بكاتەوە.
(2)
ئاشكراكردنی ئەنجامی بەدەست ژماردنەوەی دەنگەكان لەلایەن دادوەرە ڕاسپێردراوەكانەوە، پرۆسەكەی بردە قۆناغێكی ترەوە، هەوڵەكانی لە بەغدا گەرموگوڕتر كردەوە، لەسەر ئاستی هەرێمی كوردستانیش، چوار لایەنە ناڕازییەكە، لەدوا كۆبونەوەیاندا جۆرێك لە خاوبوونەوە لەهەڵوێستەكانیان بەدیدەكرێ‌.
پێشتریش یەكێتی ‌و پارتی زیاتر لەجارێك رایانگەیاندبوو، كە دەرگایان كراوەیە بۆ گفتوگۆكردن لەگەڵ لایەنە كوردستانییە ناڕازییەكان، پێدەچێت دوای جەژن سەرەتای باشتر دەربكەوێ‌ لەم پرسەدا.
ئەگەر نییەت بەرژەوەندی باڵای گەلی كوردستان بێت، ئەوە پرۆژەی هاوبەش ‌و وەفدی هاوبەشی كوردستانی بۆ گفتوگۆ لەبەغدا، خاڵی سەرەكییە، ئەگەر كێشە سیاسییەكانی كوردستان ‌و پرسی پێكهێنانی حكومەتی عیراق بكرێتە یەك پاكێچ، پرسەكە ئاڵۆز دەبێت ‌و لایەنەكان ناپەرژێنەسەر سەر خۆئامادەكردن بۆ بەغدا.
بەڵام بەبێ‌ چارەسەركردنی كێشە سیاسیەكانی هەرێم، پرسەكە لە بەغداش سەركەوتوو نابێ‌، ئەزموونەكانی چەند ساڵی ڕابردوو دەریخست، هاوكێشەی ناوخۆی كوردستان‌و بەغدا لەیەك دابڕاونین‌و كاریگەریان بەسەر یەكترەوە هەیە.
فەوزای سیاسی‌و تێكدانی ژینگەی سیاسی كوردستان، خزمەتی گەلی كوردستان ناكات ‌و رێگریش دەبێت لە بەهێزكردنی كوردستان لەچوارچێوەی عیراقێكی فیدراڵی یەكگرتوودا. كوردستانێكی بەهێز بەبێ‌ چارەسەركردنی كێشەكان ‌و بەدامەزراوەیی كردنی حوكمڕانی بەدینایەت.
 یەكێتی و پارتی ڕەشنووسی پرۆژەكانیان بۆ دانوستان لەگەڵ لایەنە براوەكانی عیراق ئامادەیە، بۆ ئەوەی ببێتە پرۆژەیەكی كوردستانی ‌و یەكبخرێ‌، لایەنە ناڕازییەكان دەبێت بزانن، قۆناغی قسەكردن لەسەر ئەنجامی هەڵبژاردن كۆتایێهات، قۆناغە گرنگەكە رێكخستنەوەی نێوماڵی كورد‌و گەڵالەكردنی پرۆژەی هاوبەشی كوردستانییە.

وتاری زیاتر

بۆ بەم زۆنە فێرن؟‬ كاروان یاروەیس
2021-03-02 08:56      35 جار بینراوە

ماكگۆرك لەكۆشكی سپی!‬ كاروان یاروەیس
2021-01-09 19:13      67 جار بینراوە

ئەمریكایەكی تر!‬ كاروان یاروەیس
2021-01-07 11:41      90 جار بینراوە


كازمی لەئەنكەرە!‬ كاروان یاروەیس
2020-12-17 10:52      115 جار بینراوە

دانوستاندن چۆن وا ئەكرێ‌؟‬ كاروان یاروەیس
2020-12-05 16:30      134 جار بینراوە

كوردەوارییەكی گرفتار!‬ كاروان یاروەیس
2020-11-26 09:05      86 جار بینراوە






دوو ڕێگامان لەبەردەمدایە!‬ كاروان یاروەیس
2020-07-28 19:21      117 جار بینراوە

لەباتی فەیسبوك مێزی گفتوگۆ!‬ كاروان یاروەیس
2020-07-24 17:50      160 جار بینراوە


کورد هەقی بەسەر لیبیاوە چیە؟‬ كاروان یاروەیس
2020-04-14 20:56      192 جار بینراوە


حزب و بەرپرسیارێتی مرۆیی ‬ كاروان یاروەیس
2020-03-28 18:32      174 جار بینراوە


عیراق لە قەراغی گۆمەكە!‬ كاروان یاروەیس
2018-06-11 11:50      268 جار بینراوە

وەرەقەی كورد بۆ دانوستان‬ كاروان یاروەیس
2018-06-03 21:04      310 جار بینراوە




بەهاری نوێبوونەوە!‬ كاروان یاروەیس
2018-03-12 19:00      295 جار بینراوە

مووچەی نوێنەرانی گەل!‬ كاروان یاروەیس
2018-03-04 12:06      333 جار بینراوە

فایلی تەعریب ببەن بۆ بەغدا‬ كاروان یاروەیس
2018-02-25 15:39      368 جار بینراوە




نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو