ستران عەبدوڵڵا

ئێسك و پروسكی نه‌ته‌وه‌یه‌ك لەسه‌حرادا

  2019-07-26 19:33      234 جار بینراوە        کۆمێنت

هه‌موو جارێك كه‌ باغر ده‌بین و لوتمان ده‌چێته‌ ئاسمان گۆڕێكی به‌كۆمه‌ڵ بەبیرمان دێنێته‌وه‌ كه‌ ئێمه‌ هێشتا لەسه‌ره‌تاین و پردی سیراتی هه‌ڕه‌شه‌مان تێنه‌په‌ڕاندووه‌.
به‌و هه‌موو ته‌جره‌به‌ی هه‌ڵەو ڕاست، چه‌وتی و راستكردنه‌وه‌ی بێ هوده‌وه‌ كه‌ ده‌رسی لێوه‌رناگرین هه‌موو جارێك گۆڕێكی به‌كۆمه‌ڵ قه‌تماغه‌ی برینه‌كان هه‌ڵده‌داته‌وەو پێمان ده‌ڵێت هێشتا زامێكتان ساڕێژنه‌كردووەو ئێوه‌ هه‌ر نه‌ته‌وه‌ی ئه‌نفال و كیمیابارانن و هه‌ر نه‌ته‌وه‌ی تینووی ئاوی ژیانن، كه‌چی خۆتان لێ بۆته‌ نه‌ته‌وه‌ی نه‌وت فرۆش بەهه‌رزانی و كه‌شتی غرورتان گه‌یشتۆته‌ كه‌شكه‌لانی فه‌له‌ك.
هه‌موو جارێك هه‌ڵەو په‌ڵه‌ی حوكمڕانی، ته‌زویرو ته‌شهیرو بێ باكی وامان لێده‌كات وا بزانین لەخه‌م ره‌خسیوین و هه‌موو شتێك ته‌واوو بێ عه‌یبه‌. كه‌چی له‌ناكاو گۆڕێكی به‌كۆمه‌ڵ له‌ سه‌ماوه‌-وه‌ هه‌واڵ دێنێ بەفه‌رشی سورو فه‌رشی كاشانی حوكمرانی نییه‌، ئێوه‌ هێشتا دوا قسه‌تان له‌سه‌ر رابردووی خۆتان نه‌كردووەو هێشتا ده‌روازه‌ی چوونه‌ مێژووتان بۆ نه‌كراوه‌ته‌وه‌.
هه‌موو جارێك ئێسك و پروسكی مردووه‌كانمان به‌ بیرمان دێنێته‌وه‌ خۆ به‌ مانشێتی درۆو ستوون نووسی فاڵگره‌وه‌ نییه‌ كه‌ وا لەخۆتان گۆڕاون شه‌ڕتانه‌ له‌سه‌ر كورسی و مه‌قام و مه‌قال. تومه‌ز ئێمه‌ هێشتا نه‌ته‌وه‌یه‌كین له‌سه‌ر كاغه‌زێكی رزیوی مێژوو كه‌ له‌گه‌ڵ سه‌عات ومه‌مه‌ شووشەو داره‌دارای منداڵیمان له‌و سه‌حرای سه‌ماوه‌دا نێژراوه‌.
ده‌رس و ده‌وری مێژوو چی بكا كه‌ ئێمه‌ هه‌موو جارێك به‌ڵگه‌ی زیندوومان ده‌خه‌نه‌ به‌رده‌ست له‌سه‌ر لوتبه‌رزی و باغربوونمان، له‌ _ملوك ته‌وائفی _ ی و شه‌ڕه‌ ده‌نووك و شه‌ڕه‌ گه‌ڕه‌كمان هیچ فایده‌ی نییه‌ له‌گه‌ڵمان، بۆیه‌ به‌ به‌ڵگه‌ی مردوویی خۆمان، به‌ به‌ڵگه‌ی گۆڕی به‌كۆمه‌ڵی هیواو ئاواته‌كانمان ده‌خه‌نه‌وه‌ به‌رده‌ست.
نه‌ته‌وه‌یه‌ك له‌ژێر سه‌حرای سه‌ماوه‌ نێژرابێ ده‌ربازی نابێ ئه‌گه‌ر به‌ ته‌گبیری ورد ئێسك و پروسكی خۆی كۆنه‌كاته‌وه‌ و به‌ ته‌گبیری ورد به‌رنامه‌ بۆ ئاینده‌ی خۆی دانه‌نێ.
نه‌ته‌وه‌یه‌ك لەزوڵم ودیكتاتۆری و داگیركاری رزگاری نابێ ئه‌گه‌ر لەزوڵم و سته‌می رۆژهه‌ڵاتی خۆی رانه‌پسكێنێ.
ده‌رسێ لەئاسمانه‌وه‌ نایه‌ كه‌ خوا كێو نه‌بینێ به‌فری تێناكا، ده‌رس له‌ سه‌حرای شاراوه‌ی سه‌ماوه‌وه‌ دێت.

وتاری زیاتر

با دوا فه‌رمان بێت ‬ ستران عەبدوڵڵا
2020-08-03 23:37      39 جار بینراوە


رۆژی دواتر یەک ببینینەوە‬ ستران عەبدوڵڵا
2020-07-17 18:01      55 جار بینراوە

یان کوردستان یان کوردستان‬ ستران عەبدوڵڵا
2020-06-28 16:22      75 جار بینراوە

یادی یەكێتی‬ ستران عەبدوڵڵا
2020-05-18 16:14      109 جار بینراوە

ئەمڕۆ 15-5 رۆژی زمانی كوردییە‬ ستران عەبدوڵڵا
2020-05-15 13:17      87 جار بینراوە






نۆتی ناكام‬ ستران عەبدوڵڵا
2020-02-17 15:31      246 جار بینراوە


بەبرژانگی چاو بینووسینەوە‬ ستران عەبدوڵڵا
2019-12-16 14:12      194 جار بینراوە


ده‌ستوور یان نه‌ریت؟‬ ستران عەبدوڵڵا
2019-11-16 16:32      173 جار بینراوە

نۆتی ناكام‬ ستران عەبدوڵڵا
2019-11-11 17:20      253 جار بینراوە

بۆ یه‌كتری ده‌ستێننه‌وه‌‬ ستران عەبدوڵڵا
2019-11-09 14:25      151 جار بینراوە


نەبینە بابەتی دەمەقاڵێ!‬ ستران عەبدوڵڵا
2019-09-30 16:12      170 جار بینراوە


فەزای داعش لەعیراق‬ ستران عەبدوڵڵا
2019-08-25 20:54      187 جار بینراوە

فەرموو دەست پێبكە‬ ستران عەبدوڵڵا
2019-06-21 20:56      221 جار بینراوە

رێوییەکانی کرملین‬ ستران عەبدوڵڵا
2019-05-30 12:13      182 جار بینراوە

‌مەیلی راماڵین‬ ستران عەبدوڵڵا
2019-05-24 11:44      194 جار بینراوە

كوشتن لەسەر ناسنامە‬ ستران عەبدوڵڵا
2019-05-18 11:55      188 جار بینراوە

هەرێمی .... كوردستان‬ ستران عەبدوڵڵا
2019-05-13 13:20      216 جار بینراوە


لەو سەحرای سەماوەیەدا‬ ستران عەبدوڵڵا
2019-04-15 11:32      177 جار بینراوە


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو