شوان كەریم كابان

هەر هەلهولەكەی مابوو

  2019-12-06 11:48      203 جار بینراوە        کۆمێنت

دوو هەفتە لەمەوبەر، رۆژی (1/12/2019)، یاری نێوان عیراق و ئێران ئەنجامدرا، لە چوارچێوەی پاڵاوتنەكانی ئاسیا بۆ یاری فوتبۆڵ و هەروا پاڵاوتنەكانی جامی 2022ی جیهان لە قەتەر لە هەمان یاریدا.
یاریەكە بەهۆی بارودۆخی خراپی عیراق، لە وڵاتی ئوردون كرا، یاریەكە یاریەكی گرنگ بوو لە پاڵاوتنەكاندا بۆ هەردوو وڵات. بەر لە چەند رۆژێك لە یاریەكە، دەوڵەمەندێكی عیراقی لە بەغداد رایگەیاند: بۆ هەر گۆڵێك و هەر یاریزانێك گۆڵەكە بكات، یەك شوقەی 90 هەزار دۆلاری بۆ دەكڕم، هەروا دەوڵەمەندێكی تریش لەڕێی لقی كۆمپانیای تۆیۆتاوە بەڵێنیدا هەر یاریزانێك گۆڵ بكات، یەك ئۆتۆمبێلی بۆ بكڕێت.
ئەم هەڵوێستە هێندەی هەڵوێستێكی سیاسی و زیندوكردنەوەی قینەبەرایەتی بوو، هێندە خۆشەویستی وڵات و تیمی دووگۆڵی عیراق و یاریزانەكان نییە. زۆرمان یارییەكەی نێوان عیراق و ئێرانمان بیرە لە چوارچێوەی پاڵەوانێتی لاوانی ئاسیا لە ساڵی 1976، كاتێك عیراق یاریەكەی بردەوە، ئەوسا ئەحمەد حەسەن بەكر سەرۆكی عیراق بوو، بڕیاریدا هەر یاریزانێك ئۆتۆمبێلێكیان بۆ بكڕێت. هەر لەو یارییەدا كە بە بردنەوەی عیراق بە دوو گۆڵ بەرامبەر هیچ بۆ ئێران، بردییەوە، ئەوەی لەسەر یاریەكە قسەی دەكرد و دەیوت (معلق) سەردەمی شەڕی عیراق و ئێرانی بیردەهێناینەوە، بە جۆرێك قسەی دەكرد، وات دەزانی مەیدانی شەڕە، نەك گۆڕەپانی فوتبۆڵێن.
دیارە یارییەكە كەناڵی ئەلكاسی قەتەری پیشانی دەدا و راستەوخۆش بوو، هەروەها بەهۆی ئەوەی لە ئوردون بوو، بە دڵنیاییەوە وێڕای ئەوەی ژمارەیەكی بەرچاو هاندەری عیراقی ئامادەی بوون، بەشێكی زۆریان بە دڵنیاییەوە، ئەو عیراقیانەن كە لە روخانی دیكتاتۆرەوە، چونەتە ئوردون و نەگەڕاونەتەوە و زۆربەشیان كۆنە بەعسی و خانەوادەكانیانن، هەر وایان دەزانی تیپەكەی سەردەمی عودەی هان دەدەن و هەر ئەوە مابوو بڵێن هەل هولە…
هەر لە چوارچێوەی هەمان پاڵاوتن دا، لە یارییەكدا كوەیت و ئوردون بەیەك گەیشتن، گرنگ ئەنجامەكەی نیە، گرنگ ئەوەیە كە رویدا. هەر لەو یارییەدا پێنج هاندەری ئوردونی (نازانرێ ئوردونی بوون، یان هاندەر بوون) هوتافیان بەناوی سەدامەوە داوە. ئەمەش وایكردووە حكومەتی كوەیت داوای رونكردنەوە لە حكومەتی ئوردون بكات و ئوردونیش ناچاربووە ئەو پێنج كەسە كە دەنگ و وێنەشیان تۆماركراوە، دەستبەسەر بكات و رووبەڕووی دادگایان بكاتەوە.

وتاری زیاتر


داعش لەفیلمێكی نوێدا! ‬ شوان كەریم كابان
2021-01-12 17:41      45 جار بینراوە

رەوایی و ناڕەوایی!‬ شوان كەریم كابان
2021-01-09 17:20      45 جار بینراوە

چارەسەر بدۆزنەوە!‬ شوان كەریم كابان
2021-01-02 21:23      46 جار بینراوە

ساڵێكی تری پڕ نەهامەتی!‬ شوان كەریم كابان
2020-12-26 15:49      51 جار بینراوە



مەترسییەكی خۆ مەڵاس داو‬ شوان كەریم كابان
2020-12-14 22:26      69 جار بینراوە


گیرۆدەی دەستی سیاسەتی خۆی!‬ شوان كەریم كابان
2020-11-23 20:05      74 جار بینراوە

ئێمه‌ له‌ عیراقدا چین؟‬ شوان كەریم كابان
2020-11-21 16:23      55 جار بینراوە

سڵاو لەیادو یادەوەریتان‬ شوان كەریم كابان
2020-11-20 22:30      53 جار بینراوە



ترامپ چی چنییەوە؟ ‬ شوان كەریم كابان
2020-11-09 15:42      72 جار بینراوە


دڵتان دانەمێنێ! ‬ شوان كەریم كابان
2020-11-07 16:19      63 جار بینراوە

ئه‌و نوێژه‌ی نه‌كرا‬ شوان كەریم كابان
2020-10-30 10:26      73 جار بینراوە

ئەمە ئەمریكایە؟ ‬ شوان كەریم كابان
2020-10-27 20:44      64 جار بینراوە

پێمان سەیر نەبێ سووتێنرا!‬ شوان كەریم كابان
2020-10-24 17:56      61 جار بینراوە

وەلانانی گەورەكان!‬ شوان كەریم كابان
2020-10-19 21:44      70 جار بینراوە

خێری سیاسەتكردن! ‬ شوان كەریم كابان
2020-10-10 18:09      75 جار بینراوە









نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو