د.سەردار عەزیز

ئێران و ئەمریکا بەرەو کوێ؟

  2020-01-19 14:11      122 جار بینراوە        کۆمێنت

لەماوەی رابردوودا مایک پۆمپیو بووە بەکەسی هەرە سەرەکی ئیدارەی دۆناڵد ترەمپ. ئەم وەرچەرخانە پاش ئەوە دێت کە خەڵکانێکی زۆر رۆشتن و وەزیری بەرگری ئێستا ئیسپەر، هەرچەندە هاوڕێی پۆمپیویە، بەڵام کەسێکی هێندە کاریگەر نییە، بەتایبەتی ئەگەر بەراورد بکرێت بەکەسێکی پڕ ئەزموونی وەک جیم ماتییەس.
بەسەنتەربوونی پۆمپیو رووداوێکی هێندە هاکەزایی نییە. مایک پۆمپیو لەسەرەتادا دژ بەکاندیدو کەسایەتی دۆناڵد ترەمپ بوو، لەڕۆژانی دوایی هەڵبژاردندا ئەو پشتیوانی مارکۆ رۆبیو بوو. ئەو بروای وەها بوو کە ترەمپ کەسێکی ترسناکەو دوورە لەبەهاکانی مەسیحیەتەوە. بەڵام وەک زۆرێک لەئەندامانی کۆمارییەکان، کاتێک ترامپ بوو بەئەمری واقیع، ئەویش بەدوای ئەوەدا گەڕا کە کارێکی دەستکەوێت لەئیدارەکە. پۆپیۆ، کە بەهەژارترین کەسی ئیدارەکە دادەنرێت، کەسێکی ئێجگار ئاینیەو لەباڵێکی مەسیحی تایبەتە. یەکەم پۆستی پۆمپیو سەرۆکی دەزگای سیخوڕی ئەمریکی سی ئای ئەی بوو. لەم پۆستەدا کارێک کە گرنگە بۆ ئەم بابەتەی ئێمە لێرەدا دەستنیشانکردنی کەسیكە بەناوی میشێل دیئەندیریایە. ئەم کابرایە کە کۆمەڵێک نازناوی هەیە، لەلایەن پۆمپیوە کرا بەبەرپرسی سەنتەرێکی تایبەت بەچاودێری ئێران، دیئەندیریا لەخێزانیکەوە هاتوە کە مێژوویەکی درێژیان هەیە لەئەندامێتی سی ئای ئەی. بەڵام ئەوەی جێگای سەرنجە، کاتێک لەخۆرهەڵاتی ئەفریقابوو بۆ کارەکانی ئافرەتێکی موسڵمان دەناسێت لەوڵاتی میرۆشویس و بۆئەوەی مارەی بکات دەبێتە موسڵمان. دیئەندیریا چەندین نازناوی هەیە لەوانە ئەمیری تاریکی، ئایەتوڵا مایک. ئەم بەکەسێکی وەها ناسراوە کە بەردەوام کاردەکات و کەسی سەرەکی بوە لەڕاوەدونانی سەرکردەکانی ئەلقائیدەو هەروەها سەرپەرشتی درۆنەکانی کردووە.
دیاریکردنی ئەو بەسەرپەرشتی ئێران ئاماژەیەکی روون بوو بەوەی کە پۆمپیو هەڵوێستێکی توندی هەیە بەرامبەر ئێران، لێرەدا گرنگە لەپاشخانی ئاینی پۆمپیو تێبگەین بۆ ئەوەی لەم هەڵوێستە تێبگەین.
دەکرێت بەئاسانی بڵێین کە پاڵنەری هەڵوێستەکانی پۆمپیو و هەروەها مایک پێنس، کە هەردووکیان وەها دائەنرێن کە دوو کەسی سەرەکی بن لەڕازیکردنی ترەمپ بەبڕیاردانی بۆ کوشتنی قاسم سلێمانی، ئاینیە. هەردوو ئەمانە سەر بە کڵێسایەکی تایبەتن لەئاینی مەسیحیدا کە بەمەسیحیە زایونیستەکان ناسراوە. ئەم گروپە ئاینیە بڕوایان وەهایە کە عیسا دێتەوەو کاتێک دێتەوە لەئیسرائیلەوە دێتەوەو ئازار چەشتنی خەڵكی جولەکەش هەموو بەزەمینە ڕەخساندنی هاتنەوەی عیسایە.
پۆمپیو لەچەندین بۆنەدا ترەمپی چواندووە بەشاژن ئیستەر. چیرۆکی شاژن ئیستەر چیرۆکێکی تایبەتە لای جولەکەکان و مەسیحیە زایونیستەکان. ئەم ئافرەتە کە ناوی ئیستەر بووە، لەسەردەمی خەشاریارشای یەکەم لەپێشبڕکێیەکی شاجواناندا دەبێتە شاجوان. ئەم ئێرانی نییە، بەڵکو وەک دیلی شەڕ هێنراون بۆ ئێران. کاتێک دەبێتە شاجوان خەشاریارشا دەیەوێت بیخوازێت. کە دەبێتە شاژن، حاخامی جولەکەکان لەوەی ئاگادار دەکاتەوە کە هامانی وەزیر پلانی جینۆسایدی جولەکەکانی هەیە، دەبێت ئیستەر ڕزگاریان بکات. ئیستەر دەترسێت داوا لە شا بکات بۆیە داوا لەشا دەکات کە ئاهەنگێک سازبکات. لەو ئاهەنگەدا هەوڵی ئەوە ئەدات کە وەزیر وەها تاوانبار بکات کە دژ بە شایە. ئیستەر سەرکەوتوو دەبێت لەم کارەیداو بەو جۆرە لەبری ئەوەی هامان جولەکەکان لەناو ببات، شا ئەو لەناو دەبات.
پۆمپیو بانگەشەی ئەوە دەکات کە ترەمپ هەمان ڕۆڵی ئیستەر دەبینێت لەوەی کە ئیسرائیل یان جولەکە لە ئیرانیەکان ڕزگار دەکات کە دەیانەوێت جینۆسایدیان بکەن.
ئەم پاشخانە ئاینیە پاڵنەری سەرەکی پۆمپیۆیە بۆ هەڵویستەکانی دژ بە ئێران، مایک پێنس لەگەڵیدا هاوڕایە، چونکە ئەویش سەر بەقوتابخانەی مەسیحیە زایونیستەکانە.
ئێستا پۆمپیو نەک تەنها وەک دیپلۆماتی یەکەم، بەڵکو لەبواری بڕیاری سەربازیشدا کاریگەرە، هەروەها پەیوەندی تایبەتی هەیە لەگەڵ دەزگای سی ئای ئەیدا. بەڵام لەهەمووی کاریگەرتر ئەو پەیوەندییەیەتی لەگەڵ خەڵکە باوەڕدارەکەی کە دەنگدەری ترەمپن. ئەمەش وەهای لێدەکات کە ترەمپ بەئاسانی نەتوانێت وەها مامەڵەی لە گەڵدا بکات کە هیچ سەنگ و قورساییەکی نییەو بەئاسانی لەکاری لابات ئەگەر لە گەڵیدا ناتەبا بێت. هەرچەند ترەمپ، بەتایبەتی لەسەرەتاوە گاڵتەی پێدەکرد، بۆ نموونە، کاتێک لەکۆریا بوون، پۆمپیو و ئیڤانکا پێکەوە دەبن، کە ترەمپ دەیانناسێنێت بە کۆرییەکان، دەڵێت جوانی و دڕندەیی، مەبەستی لەوە بوو کە ئیڤانکا جوانییەو پۆمپیوش دڕندەیی. بەڵام ئەو یەکێکە لەکەسە سەرەتاکان کە هەتا ئێستا ماوەتەوە.

وتاری زیاتر

قوڵتر لە قەیران‬ د.سەردار عەزیز
2020-07-08 11:05      42 جار بینراوە

تورکیاو تیورەی زەلکاو‬ د.سەردار عەزیز
2020-07-05 18:04      31 جار بینراوە



تورکیاو کورد: چی دەگوزەرێت؟‬ د.سەردار عەزیز
2020-06-28 11:27      32 جار بینراوە

هێرشی تورک و دوو سەرنج‬ د.سەردار عەزیز
2020-06-27 15:04      29 جار بینراوە

چین و ئەمریکاو کورد‬ د.سەردار عەزیز
2020-06-22 14:47      51 جار بینراوە

عوسمانییەت: بە ئاشتی، بە شەڕ‬ د.سەردار عەزیز
2020-06-21 11:45      30 جار بینراوە

گەوجاندنی پۆستمۆدرێن‬ د.سەردار عەزیز
2020-06-17 19:23      41 جار بینراوە

هێرشەکانی تورکیا‬ د.سەردار عەزیز
2020-06-15 16:53      53 جار بینراوە

دانوستانی عیراق و ئەمریکا‬ د.سەردار عەزیز
2020-06-14 00:03      63 جار بینراوە

ئەمریکاو عیراق، دانوستان‬ د.سەردار عەزیز
2020-06-07 19:19      52 جار بینراوە

ساتە کیسنجەرییەکان!‬ د.سەردار عەزیز
2020-06-01 20:24      55 جار بینراوە

٢٨ ساڵە/ ٢٨٠ ساڵ‬ د.سەردار عەزیز
2020-05-25 16:18      81 جار بینراوە



لەستایشی لامەرکەزیدا‬ د.سەردار عەزیز
2020-05-16 18:45      63 جار بینراوە

کۆرۆنا چۆن دەمانگۆڕێت؟‬ د.سەردار عەزیز
2020-05-04 15:51      69 جار بینراوە

بای بای حوکمداری ئاسان‬ د.سەردار عەزیز
2020-05-02 15:52      100 جار بینراوە

دێوی حوکمڕانی‬ د.سەردار عەزیز
2020-04-28 21:12      86 جار بینراوە

حەنین بۆ بەغدا‬ د.سەردار عەزیز
2020-04-27 19:13      95 جار بینراوە

بۆچی روسەکان لەسوریان؟‬ د.سەردار عەزیز
2020-04-25 23:31      75 جار بینراوە


ئەفیونی کشتوکاڵ‬ د.سەردار عەزیز
2020-04-24 17:55      72 جار بینراوە


شەڕی ناوخۆی کوردی!‬ د.سەردار عەزیز
2020-04-18 21:13      101 جار بینراوە

ئۆراسیا و شوناسی كوردی!‬ د.سەردار عەزیز
2020-04-15 13:29      93 جار بینراوە

ئایا چین شەڕ دەکات؟‬ د.سەردار عەزیز
2020-04-13 14:51      84 جار بینراوە


کورد لەسەدەی بیست و یەکدا‬ د.سەردار عەزیز
2020-04-11 15:26      95 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو