د.ئەرسەلان بایز

رێگای راست یان رێگا راستەكان…؟

  2020-02-22 13:23      104 جار بینراوە        کۆمێنت

(78)

نۆزدە ساڵ بەر لە ئەمڕۆ لەگەڵ شاندێكی فەرمی (ی.ن.ك) سەردانی (پەكین)ی پایتەختی كۆماری (چین)مان كرد. لەو گەشتەماندا سەردانی مەزارگەی (بودا)مان كرد. پانتایی دامەزراوەیی ئەو مەزارگەیە لەگەڵ هۆتێل و بازاڕەكانی دەوروبەری هێندەی شارۆكەی گەشتیاری سەرچنار دەبێت. دامەزاروەیەكی بە سەلیقە ڕێكخراوی پاك و خاوێن، بە سەدان گەشتیار دەهاتن و بە سەدانیش دەڕۆیشتن، ئێمەش لە ڕێگای كچە چینی یەكی موسڵمانی عەرەبی زانەوە بە پێكهاتەو جۆری ژیان و ئاینی (بودی) ئاشنا دەكراین.
هۆڵێكی گەورەی بیست و پێنج بە سی مەترێك، ڕازێنراوە بە جۆرەها نەخشەی جوانی دڵڕفێن. پەیكەرێكی برونزی هەندێ‌ نەخشكراو بە ڕەنگی هەمە جۆری حەڤدە مەتر بەرزی (بودا) لە ناوەڕاستی هۆڵەكەدا بوو، لەلایەن چوار موریدیشەوە بە پەڕە مووچەی تاوس لە تۆز پاك دەكرایەوە. گەشتیارەكان جیا لە ئێمەی میوان، كاتێ‌ دەهاتن هەردوو دەستیان بەیەكەوە دەنووساندوو بەنێو چاوانی خۆیانەوە دەنا. هەندێ‌ بە گریانەوە، هەندێ‌ لەسەر چنگ دەڕۆیشتن، هەندێ‌ دەستیان بۆ ئاسمان پان دەكردەوەو دەپاڕانەوە. هەندێكی تریش (بوخر)ی داگیرساویان بەدەستەوە بوو، هەر هەموویان لەبەردەم پەیكەرەكە دەنوشتانەوە. منیش لە ڕێگەی كچە وەرگێڕەكە لە یەكێ‌ لە كاهینەكانم پرسی:
-ئەم پەیكەرە لە برونز دروست كراوەو هیچ گیانێكی تێدا نیە. ناشتوانێ‌ هیچ شتێك بكات. ئایا سەیر نیە ئەم هەموو گەشتیارە كڕنوشی بۆ دەبەن…؟ ئایا ئەمە جۆرێك لە (بت) پەرستی نیە…؟! كاهینەكە زۆر بە هێمنی و لەسەر خۆ وەڵامی دامەوە.
-ئەو جۆرە نوشتانەوەیەی كە تۆ دەیبینی كڕنوش نیە، بەڵكو وەكو نەریتی تایبەتی كۆمەڵگاكەمان ڕێزلێنانە بۆ بەرامبەرەكەت، لێرەش ڕێزلێنانە بۆ گیانی ئەو مرۆڤەی ڕێنیشاندەرمان بووە بۆ كاری باش و دووركەوتنەوە لە كاری خراپ.
ئینجا كاهینەكە رووی لە من كردو لێی پرسیم:
-تۆ خەڵكی كوێی و لەسەر چ ئاینێكی..؟
-من… كوردم.. لە هەرێمی كوردستانی عێراقەوە هاتووم.. بەشانازییەوە دەڵێم موسوڵمانم.
كابرای كاهین زەردەخەنەیەكی هاتە سەر لێوو زۆر متمانە بەخۆی وتی:
-ها… سەیركە چەند شێلگیرانە باسی ئاینەكەی خۆت دەكەیت.. ئێمەش وەكو تۆ …ئێمەش شانازی بە ئاینەكەی خۆمانەوە دەكەین…ئەی ساڵانە چەندین ملیۆن موسڵمان ناچنە زیارەتی (حجر الاسود)و بە دەوریدا ناسوڕێنەوە. ئەی ئەویش وەكو ئەم پەیكەرەی ئێمە بەرد نیە…؟
لەو گفتوگۆیەی نێوانماندا كتێبەكەی ( ڕێگا ڕاستەكان)ی نووسەرو زانای گەورەی ئێرانی (عەبدوالكریم سروش)م هاتەوە یاد كە دەڵێت: (فرە هەندی ئایینی بۆ دوو ڕەهەند دەگەڕێتەوە: یەكەمیان: تێگەیشتنی جیاواز لە ناواخن ی ئاین، دووەمیان: جیاوازی لە لێكدانەوەی ئەزمونە ئاینیەكان) ئەو دەڵێ‌: بەشە هەرە زۆرەكەی ئایندارە جیاوازەكان بە میرات لە باوو باپیرانەوە بۆ نەوەكانیان ماوەتەوە. هەر یەكەشیان بە پیرۆزیی دەڕوانێتە ئاینەكەی خۆی و دەست بەرداری نابێت. ( هەر وەكو چۆن هەندێ‌ لە بنەماڵەكان بە میرات حیزبایەتی دەكەن). هەڵگرانی هەموو ئاینەكان دەڵێن تەنیا ئێمە لەسەر هەق و ئاینێكی خوایین و ئەوانیتر ناهەق و ناڕاستن. بگرە هەر مەزهەب و قوتابخانەیەكیش لەناو ئەو ئاینانە خۆیان بە هەق و بە ڕاست دەزانن و ئەوانیتر بە ناهەق. جاری واش هەیە یەكتر تەكفیر دەكەن. هەر هەمووشیان پشت بە وتەی خوای مەزن و فەرموودەی پەیامبەرو زاناكانی خۆیان دەبەستن.
بەشێكی زۆری ناكۆكی و شەڕەكانی دنیاش لەسەر هەق و ناهەق و ڕاستی و ناڕاستی نێوان ئەو بۆچوونە جیاوازانەی نێوان ئاین و مەزهەبەكانە. هەق و ناهەقیش ڕێژەییە. چونكە هەق چەندین ڕەهەندی هەیە، هەتا جۆرێكیش لە ئاشتەوایی و یەكتر قەبووڵكردن لە نێوان ئەو بۆچوونە جیاوازانە نەبێت مرۆڤایەتی ئارامی بە خۆیەوە نابینێ‌.

وتاری زیاتر

ئاڵا شەكاوەكەی یەكێتی‬ د.ئەرسەلان بایز
2020-06-21 13:49      66 جار بینراوە

فلۆید‬ د.ئەرسەلان بایز
2020-06-17 19:16      67 جار بینراوە

بۆ كێ دەنووسی…؟‬ د.ئەرسەلان بایز
2020-06-14 12:52      81 جار بینراوە

كێشە كەڵەكەبووەكان‬ د.ئەرسەلان بایز
2020-06-13 16:09      92 جار بینراوە

براكوژی*‬ د.ئەرسەلان بایز
2020-06-07 20:47      85 جار بینراوە

ئۆخەی مەفتەن‬ د.ئەرسەلان بایز
2020-05-22 13:18      107 جار بینراوە

مێژوو و ئایندە‬ د.ئەرسەلان بایز
2020-05-17 21:10      82 جار بینراوە

بەوتەی سۆفییەكان‬ د.ئەرسەلان بایز
2020-05-16 20:34      137 جار بینراوە

میزی بەچاودا دەكردم‬ د.ئەرسەلان بایز
2020-05-09 16:46      246 جار بینراوە

ماچ قەدەغەیە‬ د.ئەرسەلان بایز
2020-05-05 00:22      138 جار بینراوە

مام جەلال و زمانی عەرەبی‬ د.ئەرسەلان بایز
2020-03-14 14:33      101 جار بینراوە

چیك-سلۆڤاكیا‬ د.ئەرسەلان بایز
2020-03-08 14:31      133 جار بینراوە


د.مەجدی ناچێتە بەهەشت‬ د.ئەرسەلان بایز
2020-03-01 14:55      142 جار بینراوە

شەهیدەكان دەگەڕێنەوە!!‬ د.ئەرسەلان بایز
2020-02-28 11:09      145 جار بینراوە

سوڵتان قابوس‬ د.ئەرسەلان بایز
2020-02-23 14:54      118 جار بینراوە

هەنگاوی كردەیی‬ د.ئەرسەلان بایز
2020-02-16 14:27      142 جار بینراوە

چاكسازی‬ د.ئەرسەلان بایز
2020-02-15 14:12      142 جار بینراوە

خەڵات، یان سزا؟!‬ د.ئەرسەلان بایز
2020-02-09 15:26      70 جار بینراوە

كەریم پیلاتۆس‬ د.ئەرسەلان بایز
2020-02-08 15:50      126 جار بینراوە

باڵندەكان ناخوێنن‬ د.ئەرسەلان بایز
2020-02-02 15:02      129 جار بینراوە

عیراق‬ د.ئەرسەلان بایز
2020-01-31 10:15      108 جار بینراوە

سەروەری یاسا…زانست +‬ د.ئەرسەلان بایز
2020-01-26 13:59      220 جار بینراوە

كاتێ‌ گەنج بووین‬ د.ئەرسەلان بایز
2020-01-25 13:40      147 جار بینراوە

خۆشەویستی (مام)‬ د.ئەرسەلان بایز
2020-01-19 13:35      240 جار بینراوە



كەچە ئاسنۆكە‬ د.ئەرسەلان بایز
2019-12-14 13:15      155 جار بینراوە

چەند دیاردەیەك‬ د.ئەرسەلان بایز
2019-12-08 13:58      211 جار بینراوە

هەیهو… هەیهو‬ د.ئەرسەلان بایز
2019-12-06 10:59      179 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو