شوان كەریم كابان

كۆرۆنا چیمان پێ دەڵێ و چی پێ وتین و چی بیرخستینەوە

  2020-03-27 13:31      108 جار بینراوە        کۆمێنت

كۆرۆنا پێمان دەڵێ مرۆڤ بوونەرێكی ناسكە، چەنجە خۆ بەزلزان و خۆپەرست و بەدەسەڵات و گەورە بێ یان بچووك، لەئاست سروت و رووداوە كتوپڕەكاندا بێ دەسەڵات و دەستە وەستانەو لاوازیشە.
كۆرۆنا پێمان دەڵێ هەژار بی یان دەوڵەمەند، دەسەڵاتدار بی یان بێ دەسەڵات، سەرۆك بی یان هاووڵاتییەكی سادە، دۆناڵد ترەمپ بی یان نیكۆلاس مادۆرۆ، لەئاست ئەو درمەدا هەموو وەك یەكن.
كۆرۆنا پێمان دەڵێ جیهان ئەو گوندە بچووكە نەبوو كەگوایە ئینتەرنێت وای لێكردووە، بەڵكو جیهان سەدان وڵاتەو هەروڵاتەی بۆخۆیەتی و كەس بەدەنگ كەسەوە ناچێ، هێندێ وڵات نەبێ، بەپێچەوانەوە هێشتا زلهێز ركو كینە دەبەخشنەوەو ڤایرۆسەكە بەناوی چینەوە ناودەبەن.
كۆرۆنا پێمان دەڵێ چەنە هێزی چەكداری گەورەو گرانت هەبێ و چەندە خاوەن چەكی ئەتۆمی و مووشەكی دوورهاوێژو چەكی لایزەری بی ناتوانی یەك فیشەكی عەیار 4 ملیمیش بنێی بكۆرۆناوە.
ئەی كۆرۆنا چی پێ وتین؟
كۆرۆنا پێی وتین كەئەوروپاش لەهەندێ سیفەتدا لەئێمە دەچێ، كاتێك زۆربەی زۆری رەفەی ماركێتەكانی ئەوروپا بەتاڵ بوون و خەڵك هەرچی لەبازاڕەكاندا بوو چینیانەوە، كۆرۆنا پێی وتین دونیا ئەو سیستمە پتەوو خۆڕاگرو بەهێزە نییە كە پێمانوابوو هیچ رووداوێك نای هەژێنێ، بەڵكو دەكرێ پەتایەكی ئاوها لەگرێژنەی بەرێت و تێكوپێكی بدات.
كۆرۆنا پێی وتین وڵاتە سەرمایەدارەكان هێندەی ژمارەی بەرزبوونەوەو دابەزینی بۆرسەو نرخی دراوو ئاڵتون و نەوت گازیان بەلاوە گرنگە، هێندە ژمارەی تووشبووان و كۆچكردووانیان بەپەتای كۆرۆنا بەلاوە گرنگ نییە.
كۆرۆنا پێیوتین مافی مرۆڤ كاڵایە بەمەبەستی سیاسی رۆژئاوا بەئێمەی دەفرۆشێ و مامەڵەی پێوەدەكات، دەنا بەچ مانایەك لەئیسپانیا پاش زیاتر لەهەفتەیەك لەبڵاوبوونەوەی ڤایرۆسەكە لەو وڵاتە دەزگا تەندروستییەكان دەگەنە چەند خەڵوەتگەیەكی پیری و دەبینن چەندین كەس لەنەبوونی سەرپەرششتی و خزمەت لەسەر جێگاكانیان گیانیان لەدەستداوە.
گەر رۆژئاوا مافی مرۆڤی بەلاوە گرنگ بێ، دكتۆر ڤیرنون كۆلمان كە دكتۆرێكی بریتانیەو خاوەنی زیاتر لەسەد كتێبە لەچەندین بوارداو وەرگێڕدراوەتە سەر 25 زمان ناڵێ ئەمە پلانێكە بۆ رزگاربوون لەوانەی بەپیر دەژمێردرێن لەئەوروپا تەمەنیان حەفتا ساڵ و بەرەو ژوورە، كاتێك دەزگا تەندروستییەكان ئامادەنین ئەوانەی لەو تەمەنەو بەرەوژوور بن چارەسەربكەن.
ئەی كۆرۆنا چی بیرخستینەوە؟
كۆرۆنا بیری خستینەوە ئێمە بوونەرێكی بێ دەسەڵاتی ترسنۆكین، تەنیا هەر خۆمان خۆشدەوێ، لەم ماوەیەدا دەیان ئازیز بەجێیان هێشتین نەمانتوانی بەتەلەفۆنیش بێ دڵنەواییەكی كەسوكاریان بدەینەوە.
كۆرۆنا بەهۆی ئەو قەدەغەی هاتوچو چوونە دەرەوەیەی خستییەوە، بیری خستینەوە ئێمە خێزانین، ژن و مێردین، خوشك و براین، باوك و كچ و كورین، دایك و منداڵین، ئەوەندە لەمێژە بەهۆی كارو مەشغەڵەت و سەرقاڵیی ژیانەوە هێندە پێكەوە نەبووین بزانین ئازارەكانمان چین، خواست و حەزەكانمان، مەوداكانی خۆشەویستیمان تا كوێیە.
كۆرۆنا بیری خستینەوە ئێمە مرۆڤین، تەنها چارەسەری هەموو دەردەكان خۆشەویستی و هاوكاری و بەهاناوەچوونی ئەوانەیە كەپێویستیان بەدەستگیرۆییە.
كۆرۆنا بیری خستینەوە هێشتا خەڵكانێك هەن تەنها بۆخۆیان ناژین، بەڵكو خەڵكی تریان بیرە، بەهەرحاڵ هەموو بەدووربین لەكۆرۆنا.
  

 

وتاری زیاتر


كازمی لەنێو ئاگردا ‬ شوان كەریم كابان
2020-07-27 23:34      35 جار بینراوە

یەكێتی و ئەركە نوێكان‬ شوان كەریم كابان
2020-07-25 23:22      43 جار بینراوە


هەرێم و بەغدا ‬ شوان كەریم كابان
2020-07-17 16:25      39 جار بینراوە




كوردستان هەر كوردستانە‬ شوان كەریم كابان
2020-06-29 14:29      46 جار بینراوە

گفتوگۆی نابەرابەر‬ شوان كەریم كابان
2020-06-19 11:46      82 جار بینراوە


نەبایان دیوەو نەباران‬ شوان كەریم كابان
2020-06-16 20:03      76 جار بینراوە

كۆرۆناو جۆرج فلۆید‬ شوان كەریم كابان
2020-06-09 23:05      55 جار بینراوە

ئازادی لەئەمەریكا ‬ شوان كەریم كابان
2020-06-02 16:38      96 جار بینراوە

لەكۆرۆناوە بۆ داعش‬ شوان كەریم كابان
2020-05-16 22:44      95 جار بینراوە

ئاسۆیەك كە روون نییە!‬ شوان كەریم كابان
2020-04-27 23:02      85 جار بینراوە



حکومەت دەبێ چی بکات؟‬ شوان كەریم كابان
2020-04-24 14:21      80 جار بینراوە


دەستان خۆش و ماندوونەبن‬ شوان كەریم كابان
2020-04-06 23:06      113 جار بینراوە


دڵگران و غەمبارین‬ شوان كەریم كابان
2020-04-05 15:11      110 جار بینراوە


نەورۆزو كۆرۆنا‬ شوان كەریم كابان
2020-03-21 22:58      112 جار بینراوە

پێشنیاز لەزەمەنی کۆرۆنادا‬ شوان كەریم كابان
2020-03-19 23:00      112 جار بینراوە


فۆبیا نییە، رقە!‬ شوان كەریم كابان
2020-03-08 16:00      145 جار بینراوە

یادێكی رۆژە مەزنەكان‬ شوان كەریم كابان
2020-03-07 13:52      131 جار بینراوە

شارەزا لە بواری كۆرۆنادا‬ شوان كەریم كابان
2020-03-01 15:03      144 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو