شوان كەریم كابان

دڵگران و غەمبارین

  2020-04-05 15:11      110 جار بینراوە        کۆمێنت

ناكرێ مرۆڤ لەبارودۆخێكی ئاوهادا دڵگران و غەمبار نەبێ، دڵگران بۆ ئەو بارودۆخەی كوردستان و دونیای تێكەوتووە، غەمبار بۆ ئەوانەی تووشی پەتای كۆرۆنا یان كۆڤید19 بوون، بۆ ئەوانەی گیانیانلەدەستدا، دڵگران بۆ ئەو كەسانەی ئێستای بژێویي ژیانی رۆژانەیان نییەو كارو كاسپیيان وەستاوە، غەمبار بۆ ئەو ئازیزانەی لەم ماوەیەدا كۆچیان كردو جێیان هێشتین و نەمانتوانی ئامادەی بە خاكسپاردن و پرسەكەیان بین بەهۆی رێكاری تەندروستی و قەدەغەی هاتوچۆوەو لەسەرو هەمووشیانەوە تێكۆشەرو پێشمەرگەی دێرینی كوردایەتی و یەكێتیی نیشتمانیی كوردستان مامە جەمال، جەمالی حەكیم ئاغا.
دڵگرانین كە لەوانەیە هەرێم رووبەڕووی قەیرانێكی تری دارایی بێتەوەو جارێكی تر خەڵك تووشی نەبوونی و نەداری ببنەوە، ئەوەی زۆریش مرۆڤێكی وەك ئێمە لەم رۆژهەڵاتە دڵگران و غەمبار دەكات ئەو هەواڵە ناخۆش و دڵتەزێنانەیە كە لەرِۆژئاوای بانگەشەكەری مافی مرۆڤ و ئازادییەوە دەبیستین.
چەند هەفتەیەك لەمەوبەر دكتۆر فیرنون كۆڵمان كە دكتۆرێكی بەریتانیاییە لەبارەی بڵاوبوونەوەی كۆرۆناوە ئاماژەی بەوەدا، پێدەچێ ئەوروپاو رۆژئاوا بەگشتی بڵاوبوونەوەی ئەم پەتایە بەفرسەت بزانن تاكو ئەوانەیان لە كۆڵ بێتەوە كە چوونەتە تەمەنەوەو حكومەتی وڵاتانی ئەوروپا بۆ بەخێوكردنیان و چاودێرییان پارەیەكی زۆر سەرفدەكات.
بەچەند رۆژێك پاش ئەو راگەیاندنە، لە چەند خەڵوەتگەیەكی پیریی لەئیسپانیا، بێئەوەی كەس ئاگادار بێ و بزانێت و پاش پشكنین دەركەوت، چەندین بەساڵاچوو لەچەند خەڵوەتگەیەك گیانیان لەدەستداوە بێئەوەی كەس پێیان بزانێت و هەندێكیان چەند رۆژێكیش بوو گیانیان لەدەستدابوو.
لەئەڵمانیاش، رۆژی (1/4/2020) تەنها لەدوو خەڵوەتگەی پیریی 33 كەس بەكۆرۆنا گیانیان لەدەستدابوو، لەفەرەنسا لەكۆی ئەوانەی بەكۆرۆنا گیانیان لەدەستداوە تاكو (3/4/2020) هەزار كەسیان لەخەڵوەتگەكانی پیریی بوون.
ئەمانە وەك نموونە، بەدڵنیاییەوە لەزۆربەی وڵاتانی ئەوروپاو ئەمریكاش ئەو دیاردەیە هەیە، كە مرۆڤ تووشی شۆك دەكات، رۆژئاوایەك كە شەوو رۆژ باسی پاراستنی مافی مرۆڤ دەكات و دژایەتی وڵاتان بەپێوانەی ئاستی پاراستنی مافی مرۆڤ دەكات و ئاوها مامەڵە لەگەڵ هاووڵاتییە بەساڵاچووەكانیان دەكات، بەڕاستی مایەی دڵگرانی و غەمبارییە.

وتاری زیاتر


كازمی لەنێو ئاگردا ‬ شوان كەریم كابان
2020-07-27 23:34      34 جار بینراوە

یەكێتی و ئەركە نوێكان‬ شوان كەریم كابان
2020-07-25 23:22      43 جار بینراوە


هەرێم و بەغدا ‬ شوان كەریم كابان
2020-07-17 16:25      39 جار بینراوە




كوردستان هەر كوردستانە‬ شوان كەریم كابان
2020-06-29 14:29      46 جار بینراوە

گفتوگۆی نابەرابەر‬ شوان كەریم كابان
2020-06-19 11:46      81 جار بینراوە


نەبایان دیوەو نەباران‬ شوان كەریم كابان
2020-06-16 20:03      75 جار بینراوە

كۆرۆناو جۆرج فلۆید‬ شوان كەریم كابان
2020-06-09 23:05      55 جار بینراوە

ئازادی لەئەمەریكا ‬ شوان كەریم كابان
2020-06-02 16:38      96 جار بینراوە

لەكۆرۆناوە بۆ داعش‬ شوان كەریم كابان
2020-05-16 22:44      94 جار بینراوە

ئاسۆیەك كە روون نییە!‬ شوان كەریم كابان
2020-04-27 23:02      85 جار بینراوە



حکومەت دەبێ چی بکات؟‬ شوان كەریم كابان
2020-04-24 14:21      80 جار بینراوە


دەستان خۆش و ماندوونەبن‬ شوان كەریم كابان
2020-04-06 23:06      112 جار بینراوە




نەورۆزو كۆرۆنا‬ شوان كەریم كابان
2020-03-21 22:58      111 جار بینراوە

پێشنیاز لەزەمەنی کۆرۆنادا‬ شوان كەریم كابان
2020-03-19 23:00      111 جار بینراوە


فۆبیا نییە، رقە!‬ شوان كەریم كابان
2020-03-08 16:00      144 جار بینراوە

یادێكی رۆژە مەزنەكان‬ شوان كەریم كابان
2020-03-07 13:52      131 جار بینراوە

شارەزا لە بواری كۆرۆنادا‬ شوان كەریم كابان
2020-03-01 15:03      143 جار بینراوە

نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو