د.سەردار عەزیز

دێوی حوکمڕانی

  2020-04-28 21:12      130 جار بینراوە        کۆمێنت

سەت ساڵە دێوێک راومان دەنێت، سەرەتاتکێمان لەگەڵدا دەکات، دێت و نایەت، دێو هەیەو نییە، هەرکاتێک دێت هەرچەندە هەمیشە دێتەوە، بەڵام دووبارەبوونەوەی هەمیشە یەکەمجارە، ئەمە ئالنگارییەکە بۆ فەلسەفە، درێدا قوڵ دەمانباتە خوارێ لەگەڵ ئەم پرسانەدا لەکڕمانی لەسەر هێلکەکانی مارکس.
بۆ ئێمە حوکمرانی دێوێکە، هەیە لەحەقایەتەکاندا لەدونیا دورەکانی ئەوانیتردا، جارجارێک لەناو خۆماندا، بەڵام هەرگیز بەتەواوی بەجەستەیی، بەڕوونیی بوونی نییە، بۆ ئەوروپاییەکان شارستانی ئەوەیە کە دەتوانێت سنوور دابڕێژێت، سنوور لەنێوان بوون و نەبووندا، لەنێوان ئاگایی و نائاگاییدا، لەنێوان عەقڵ و ئەفسانەدا، بەڵام سەڤج، بەربەری ئەوەیە کە ئەم کردەی سنوورڕێژییەی بۆ ناکرێت، ئەم پرسی عەقڵاندنە، عەقڵاندن یانی دیاریکردن و جیاکردنەوەو ناساندن و ناونان و ناسینەوە، بێعەقڵی نائەوروپی ئەمانەی بۆ ناکرێت، ئەمە کرۆکی فیکری ئەوروپییە، کاتێک ئەمانەی بۆ ناکرێت ناتوانێت حوکمی خۆی بکات، کەسێک نەتوانێت حوکمی خۆی بکات، ناتوانێت نوێنەرایەتی خۆشی بکات و بە ئاسانیش ناتوانرێت نوێنەرایەتی بکرێت. ئەمە بنەمای قەیرانی پارادیمی ئۆتۆنۆمۆسە لەبیری ئەوروپیدا. ئۆتۆنۆمۆس یانی هەبوونی بوویەکی تەواو یان بە ئاگا لەبوونی تەواوێتی خۆی، لەپرسی بێتوانایی حوکمی خود، دەتانگەڕێنمەوە بۆ مارکس لەهەژدەی برۆمێردا.
ڕەنگە هیچ شتێک هێندەی کاریزما دەرخەری ئەم بێسنورییەی نەبێت، کاریزمان دێوە: کەسێکە کە توانایەکی زیاتری هەیە لەئەوانیتر. دەتوانێت ئەو کارانە بکات کە بەئەوانیتر ناکرێت، کەسێکە لەسەرووی ئاساییەوە. کەسێکە قارەمان، رەنگە هیچ بوونەوەرێک هێندەی قارەمان دێویی نەبێت، قارەمان چەندێکی واقیعییە دە هێندەی خەیاڵی و ئەفسانەیی.
ئێمە دەناڵێنین بەدەست حوکمنەکردن و بێتوانایی لەحوکمکردن و تێگەیشتن لەچیەتی حکومداریی. تەنانەت ناتوانین خەیاڵیشی بکەین. زۆربەمان لەهەڵچوونێک و توڕەبوونێک و پەیمانێک و سەرسەختییەک و چەکدارییەک و لایک زۆرییەک و پەیج زۆرییەک و زۆری شتی تری توڕەهاتدا دەیبینین. لێرەدا هیچ هێندەی ئازاو ئازایەتی مانا بەخش نییە. کەسی ئازا ئەو کەسەیە کە سنووری مرۆڤ و دڕندە دەبەزێنێت، ئازاکان شێرن، پڵنگن، بان-مرۆڤن. دیسانەوە دەتانبەمەوە بۆ لای درێدا لەفیگەری سەروەردا، سەروەر تەنهایە، گۆشەگیرە، نابێت وەک ئەوانی تر بێت. کاتێک کون و قوژبنی هەموو ئەم ئاگاییانە دەپشکنی دەبینیت چۆن تۆزی بێعەقڵی خەریکە دەتخنکێنێت.

وتاری زیاتر


ماکرۆن... فریادڕەسێکی نەرم‬ د.سەردار عەزیز
2020-09-07 15:22      49 جار بینراوە

باوکم: کوردبوون لەپەراوێزدا‬ د.سەردار عەزیز
2020-09-05 16:00      43 جار بینراوە


با سیروان نەمرێت‬ د.سەردار عەزیز
2020-08-29 19:22      48 جار بینراوە

لە مالی چ باسە؟‬ د.سەردار عەزیز
2020-08-29 11:05      46 جار بینراوە


دەربارەی ئەمریکای بایدن‬ د.سەردار عەزیز
2020-08-21 13:23      45 جار بینراوە


خوێندنەوەی ماکرۆن لە بەیروت‬ د.سەردار عەزیز
2020-08-07 10:12      49 جار بینراوە




گەڕانەوەی لێڤایەسانی روسی‬ د.سەردار عەزیز
2020-07-13 18:21      59 جار بینراوە


قوڵتر لە قەیران‬ د.سەردار عەزیز
2020-07-08 11:05      77 جار بینراوە

تورکیاو تیورەی زەلکاو‬ د.سەردار عەزیز
2020-07-05 18:04      58 جار بینراوە



تورکیاو کورد: چی دەگوزەرێت؟‬ د.سەردار عەزیز
2020-06-28 11:27      76 جار بینراوە

هێرشی تورک و دوو سەرنج‬ د.سەردار عەزیز
2020-06-27 15:04      61 جار بینراوە

چین و ئەمریکاو کورد‬ د.سەردار عەزیز
2020-06-22 14:47      96 جار بینراوە

عوسمانییەت: بە ئاشتی، بە شەڕ‬ د.سەردار عەزیز
2020-06-21 11:45      75 جار بینراوە

گەوجاندنی پۆستمۆدرێن‬ د.سەردار عەزیز
2020-06-17 19:23      89 جار بینراوە

هێرشەکانی تورکیا‬ د.سەردار عەزیز
2020-06-15 16:53      90 جار بینراوە

دانوستانی عیراق و ئەمریکا‬ د.سەردار عەزیز
2020-06-14 00:03      112 جار بینراوە

ئەمریکاو عیراق، دانوستان‬ د.سەردار عەزیز
2020-06-07 19:19      93 جار بینراوە

ساتە کیسنجەرییەکان!‬ د.سەردار عەزیز
2020-06-01 20:24      96 جار بینراوە

٢٨ ساڵە/ ٢٨٠ ساڵ‬ د.سەردار عەزیز
2020-05-25 16:18      121 جار بینراوە


نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو