د.سەردار عەزیز

ساتە کیسنجەرییەکان!

  2020-06-01 20:24      53 جار بینراوە        کۆمێنت

کاتێک ئەمریکا بیر لەئێمە، یان لەناوچەکەی ئێمە دەکاتەوە، وەک لەم ڕۆژانەدا، هەمیشە هێنری کیسنجەرم دەکەوێتەوە یاد. زەمانێکە حەز دەکەم کتێبێک دەربارەی کیسنجەر بنووسم، بەڵام هەرچی دەکەم بۆ قوت نادرێت، رەنگە کیسنجەر ئەو فیگەرەبێت کە چەندێک بەئەمریکامانەوە دەبەستێت هێندە ڕێگرە لەتێگەیشتن لەئەمریکا.
بۆیە تێگەیشتن لەئەو تێگەیشتن نییە لەئەمریکا، لەڕاستیدا رەنگە بەتەواوی پێچەوانەکەی راست بێت، رەنگە چەمکێک کە بتوانێت هاوکاریمان بکات لەنێوان تێگەیشتن لەپەیوەندی ئەمریکا بەدونیاوەو پەیوەندی کیسنجەر بەئەمریکاوە دیموکراسی بێت.
دیموکراسی چەمکێکی پڕ لە لێڵی و سیحرە، جۆرێک لەبەهایەکی ئایینی وەرگرتووە، کاتێک دەڵێین دیموکراسییە، ئەوا یەکسەر لەهەمانکاتدا ئەوەش دەڵێین کەڕای خەڵکەو خەڵك ئەوەی دەوێت و دەبێت ئەوەی خەڵکیش دەیەوێت، هەرچییەک بێت و هەرچۆنێک بێت، رێزی لێبگیرێت، کەواتە پیرۆزییەک و بێدەنگیەک بەرهەم دێت کاتێک باس لەدیموکراسی دەکەین. ئەمە دیدی ئەمریکاشە، کاتێک دیموکراسی دەکاتە شوناسی خۆی یان شوناسی سیاسەتی دەرەوەی قۆناغی پاش شەڕی ساردی.
بەڵام کیسنجەر سەر بەم تێزە نییە، ئەو کە لە تۆقینی نازییەتەوە هاتوە، بڕوای وەهانیە کە خەڵك هەمیشە رەوان، بەڵکو بەپێچەوانەوە خەڵك زۆرجار مەترسین، ئەم هێڵە لەبیرکردنەوە لە زۆرێک لەبیرمەندە جولەکەکاندا دەبینین، وەک هانا ئارێنت، مۆرگینتاو و شتراوس و ئەوانی تر.
چەمکێکی تر کە گرنگە بۆ تێگەیشتن چەمکی مێژووە، کیسنجەر لەهەوادارانی هێگڵ نییە کە بڕوای وەهابێت مێژوو هێڵێکی درێژکراوەیەو لەکۆمەڵێک رووداو کە یەکتر تەواو دەکەن و بەرەو گەشەکردن و باشە دەڕۆن، ئەمە بەهەمانشێوە دیدی مارکسیەکانە، ئەو بروای وەهایە کە مێژوو کۆمەڵێک رووداوی لێکدابڕاوی بێ پەیوەندین و لەدۆخی پشێویدان و ناتوانرێت بەهیچ شێوەیەک داهاتوو پێشبینی بکرێت، ئەمە دیدی فۆکۆشە، کە دابران و تایبەتمەندی لەمێژوودا هەیە.
دیارە بنەمای تریش زۆرن.
بۆ ئێمە چی گرنگە لەئێستادا:
یەکەم، ئەمریکا وڵاتێکی دیموکراسییە، دیموکراسی یانی بوونی دیدو بەرژەوەندی جیاواز، کە لەکێبڕکێدان بۆ کاریگەریی دانان و لەقاڵبدانی حکومداریی، بەمشێوەیە رەنگە بنەمای چەسپیو هەبێت، بەڵام هەمیشە فاکتەرو هۆکارو ئەکتەری جیاوازی هەیە، بۆیە هەمیشە پێویستمان بەتێگەیشتنی نوێیە بۆ دۆخەکەو هەڵویستەکان.
دووەم، ئەگەر لەهەموو لایەنەکانی گفتوگۆکان ئاگادارنەبین ئەوا ناتوانین تێبگەین بۆچی هەڵویستێک لەساتێکدا بەوجۆرەیە، کاتێک لەهەموو لایەنەکانی گفتوگۆکان تێگەیشتین، ئەوا دەکرێت ئایدیایەکێمان هەبێت کە شەبەنگی بڕیارەکان چۆنن.
سێیەم، هەرگیز دڵنیایی نییە لەوەی کە ئایا چی روودەدات لەسیاسەتی ئەمریکیدا، ئەمەش وەهای کردووە کە زۆربەی سیاسییەکانی رۆژهەڵاتی ناوەڕاست ئەگەر بژاردەیان هەبێت، ئەوا پێیان باشە لەگەڵ چین و روسیادا مامەڵە بکەین، چونکە روون و نەگۆڕو سەقامگیرە، پیاون و خاوەن قسەی خۆیانن، وەک ئەمریکانین بەپێی دۆخەکە مامەڵەت لەگەڵدا بکات.

وتاری زیاتر

تورکیاو کورد: چی دەگوزەرێت؟‬ د.سەردار عەزیز
2020-06-28 11:27      28 جار بینراوە

هێرشی تورک و دوو سەرنج‬ د.سەردار عەزیز
2020-06-27 15:04      27 جار بینراوە

چین و ئەمریکاو کورد‬ د.سەردار عەزیز
2020-06-22 14:47      48 جار بینراوە

عوسمانییەت: بە ئاشتی، بە شەڕ‬ د.سەردار عەزیز
2020-06-21 11:45      26 جار بینراوە

گەوجاندنی پۆستمۆدرێن‬ د.سەردار عەزیز
2020-06-17 19:23      41 جار بینراوە

هێرشەکانی تورکیا‬ د.سەردار عەزیز
2020-06-15 16:53      50 جار بینراوە

دانوستانی عیراق و ئەمریکا‬ د.سەردار عەزیز
2020-06-14 00:03      58 جار بینراوە

ئەمریکاو عیراق، دانوستان‬ د.سەردار عەزیز
2020-06-07 19:19      50 جار بینراوە

٢٨ ساڵە/ ٢٨٠ ساڵ‬ د.سەردار عەزیز
2020-05-25 16:18      72 جار بینراوە



لەستایشی لامەرکەزیدا‬ د.سەردار عەزیز
2020-05-16 18:45      62 جار بینراوە

کۆرۆنا چۆن دەمانگۆڕێت؟‬ د.سەردار عەزیز
2020-05-04 15:51      66 جار بینراوە

بای بای حوکمداری ئاسان‬ د.سەردار عەزیز
2020-05-02 15:52      97 جار بینراوە

دێوی حوکمڕانی‬ د.سەردار عەزیز
2020-04-28 21:12      82 جار بینراوە

حەنین بۆ بەغدا‬ د.سەردار عەزیز
2020-04-27 19:13      93 جار بینراوە

بۆچی روسەکان لەسوریان؟‬ د.سەردار عەزیز
2020-04-25 23:31      71 جار بینراوە


ئەفیونی کشتوکاڵ‬ د.سەردار عەزیز
2020-04-24 17:55      67 جار بینراوە


شەڕی ناوخۆی کوردی!‬ د.سەردار عەزیز
2020-04-18 21:13      97 جار بینراوە

ئۆراسیا و شوناسی كوردی!‬ د.سەردار عەزیز
2020-04-15 13:29      91 جار بینراوە

ئایا چین شەڕ دەکات؟‬ د.سەردار عەزیز
2020-04-13 14:51      80 جار بینراوە


کورد لەسەدەی بیست و یەکدا‬ د.سەردار عەزیز
2020-04-11 15:26      92 جار بینراوە

رۆشنبیرو وەهم‬ د.سەردار عەزیز
2020-04-06 22:05      97 جار بینراوە





نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو