شوان كەریم كابان

نەبایان دیوەو نەباران

  2020-06-16 20:03      129 جار بینراوە        کۆمێنت

خەڵك مافی خۆیەتی داوای ژیانێكی شایستە بكات، كاسب كار هەقی خۆیەتی لەبژێوی ژیانی بترسێ، فەرمانبەر بۆ مووچەو مەعیشەت فەرمانبەرە ناتوانێ داوای مووچەكەی نەكات.
ئێستا ناڕەزایەتییەكی زۆر لەنێو خەڵكدا هەیە بەتایبەت توێژی فەرمانبەران و هەمو ئەو خەڵكەی تر كە مووچەیەكیان هەیە بەهۆی دواكەوتنی زۆری مووچە، جا هۆكارەكە هەرچییەك بێ، زۆری ئەو ناڕەزایەتییەش لەسنووری پارێزگای سلێمانی و ئیدارەی راپەڕین و گەرمیان و پارێزگای هەڵەبجەیە، بەمانایەكی تر لەو سنوورە جوگرافییەی یەكێتیی تیادا باڵادەستە. ئەمە جگەلەوەی لەسەر هەر بابەت و رووداو مەسەلەیەكی تریش ناڕەزایی هەبێ، پشكی شێر بەر ئەم سنوورە دەكەوێ. 
ساڵی دوو هەزارو یانزە ئۆپۆزسیۆنی ئەو سەردەمە ویستیان حكومەت لەسلێمانییەوە بڕوخێنن و زیاتر لەشەست رۆژ بەردەركی سەرایان كردە سەنتەری خۆپیشاندان و دەرەنجام لەو ماوەیەدا بەداخەوە زیانی گیانیش هەبوو زیانێكی زۆری ئابووریش بەشارەكە گەیشت و حكومەتیش هەروەك خۆی مایەوەو دواتر پاش هەڵبژاردنی خولی چواری پەرلەمان سەركردەی خۆپیشاندانەكان چووە حكومەتەوە.

لەناڕەزایەتییەكانی فەرمانبەرانیش لەپاش جێبەجێكردنی سیستمی پاشەكەوت بەبیانووی شەڕی داعش و دابەزینی نرخی نەوت و بڕینی  بودجە لەبەغداوە، هەمدیسان ئەم سنوورە بووە مەڵبەندی بایكۆتی دەوام و خۆپیشاندان و دواتریش لەساڵی ٢٠١٨ەدا گۆڕدرا بۆ توندوتیژی و پەلاماری بارەگا حكومی و حزبییەكان بەتایبەت بارەگاكانی یەكێتیی نیشتمانی و لەمەشدا حكومەت هەر حكومەت بوو. 
ئێستاش واجارێكی تر لەم دەڤەرە بەهۆی دواكەوتنی مووچەوە بایكۆت لەچەند فەرمانگەیەك دەستی پێكردووەو لەوانەشە تەشەنە بسەنێ و دەرەنجام زەرەرمەندی سەرەكی هاووڵاتی و یەكێتیی نیشتمانیی كوردستانە لەكاتێكدا گلەییە زۆرەكە لەحكومەتەو لەحكومەتیشدا لەپارتی دیموكراتی كوردستانە كە زۆرینەی حكومەت و پەرلەمانیشە. بەداخیشەوە ئەوانیش هەر ئەڵێی نەبایان دیوەو نەباران.

 

وتاری زیاتر


داعش لەفیلمێكی نوێدا! ‬ شوان كەریم كابان
2021-01-12 17:41      43 جار بینراوە

رەوایی و ناڕەوایی!‬ شوان كەریم كابان
2021-01-09 17:20      45 جار بینراوە

چارەسەر بدۆزنەوە!‬ شوان كەریم كابان
2021-01-02 21:23      45 جار بینراوە

ساڵێكی تری پڕ نەهامەتی!‬ شوان كەریم كابان
2020-12-26 15:49      47 جار بینراوە



مەترسییەكی خۆ مەڵاس داو‬ شوان كەریم كابان
2020-12-14 22:26      69 جار بینراوە


گیرۆدەی دەستی سیاسەتی خۆی!‬ شوان كەریم كابان
2020-11-23 20:05      71 جار بینراوە

ئێمه‌ له‌ عیراقدا چین؟‬ شوان كەریم كابان
2020-11-21 16:23      53 جار بینراوە

سڵاو لەیادو یادەوەریتان‬ شوان كەریم كابان
2020-11-20 22:30      53 جار بینراوە



ترامپ چی چنییەوە؟ ‬ شوان كەریم كابان
2020-11-09 15:42      71 جار بینراوە


دڵتان دانەمێنێ! ‬ شوان كەریم كابان
2020-11-07 16:19      61 جار بینراوە

ئه‌و نوێژه‌ی نه‌كرا‬ شوان كەریم كابان
2020-10-30 10:26      71 جار بینراوە

ئەمە ئەمریكایە؟ ‬ شوان كەریم كابان
2020-10-27 20:44      63 جار بینراوە

پێمان سەیر نەبێ سووتێنرا!‬ شوان كەریم كابان
2020-10-24 17:56      58 جار بینراوە

وەلانانی گەورەكان!‬ شوان كەریم كابان
2020-10-19 21:44      69 جار بینراوە

خێری سیاسەتكردن! ‬ شوان كەریم كابان
2020-10-10 18:09      71 جار بینراوە









نوێترین هەواڵەکان

بیروڕا

سۆشیال میدیا

گەلەری

کەشو هەوا

زۆرترین سەردانکراو