لە میانی سەردانێکدا بۆ ناوبازاڕی سلێمانی و بۆردی ناوبازاڕی ی ن ک، ئاوات محەمەد و جوتیار نوری_ ئەندامانی سەرکردایەتی ی ن ک، لەگەڵ ژمارەیەک لە کاسبکاری ناوبازاڕ کۆبونەوە. باس لەوەکرا کە لە ئایندەدا پێویستمان بە تیمێکی بەهیز هەیە لە بەغدا بۆئەوەی مافە دەستورییەکان و شایستە داراییەکانمان مسۆگەر بکەین، ئەگەر خاوەنی تیمێکی بەهێز نەبین کێشە بۆ موچەخۆران دروست دەبێت، دواتر ئەو کێشانە دائەبەزن بۆ ناو بازاڕ و کاسبکاران و هەموومان زیان دەکەین. کاسبکاران بە گەشبینییەوە باسیان لە سەرکەوتنی کاندیدەکانی هاوپەیمانی کوردستان کردو پشتگیری خۆیشیان بەرنامەکانی دوپاتکردەوە.