Li ser axaftina me di “Rûdaw” de kekê Şaxewan Birayîm Ebdulla gotarek rind nivîsandiye. Şîroveya hevpeyvînê kiriye, bersiva hinek rexneyan jî daye. Lê derbarê destbidestkirina deshilatê û deshilata YNKê de serinc nedaye axaftinan. Min vê kurte nivîsa xwe bi pewîst zanî, da ku bîrûraya min û Şaxewan bi ser xwênerên hişyar da derbas nebin.
Teqez dikim ku YNK dengê xwe zêde bike yan kem, her YNK ye. Dixwazim bêjim: eger rêjeya me dakeve, YNK hilnaweşe. Yan navê wê jî naguherînin. Partiyên mezin mezin di dîrokê de di hilbijartinan de binketine, xwe ji bo hilbijartinên din saz kirine. Proseya serkeftin û binketinê di cîhana demokrasiyê de didome. Heta proseya demokrasiyê bimîne, destbidestkirina (alûvêrkirin, radestkirin) deshilatê dê berdewam be.
Ji bo hêza çekdar jî; ewê, hevkêşên Kurdistanê di vê qonaxa nebûna destûra Kurdistan û projeya stratejîk ya yekxistina hêzên Pêşmerge û asayîşê baş bixwîne, ji bo wî aşkere dibe ku YNK çawa dikare hêzên xwe teslîm bi hêza din yan wezaretê bike ku carê di warê yasa û destûre de bingeha hêza yekgirtî ya niştimanî, nîne?
Rewşa gelên wekî me rasterast wihaye, ezmûna şoreşên çekdarî yên cîhanê jî wiha ne, li Kurdistanê jî:
Em, hêj di çarîka yekem ya sedsala damezrandina demokrasiyê de ne. Ew jî di çarçoveya federaliyê de ne Kurdistaneke serbixwe.
Em di qonaxa guzeriya demokrasiyê de ne, tevliheviyên vê qonaxê zêde ne, leşkerî jî di nav de. Heta em bigihêjin îstîkrara demokrasiyê, ji hemûyan matmayîker, ewên rexne li wê nerîna min digirin li ser YNKê û hêza wê; zêdetir, rexneyên wan li PDKê ye. Dizanim, egera serkeftina PDKê li navçeyên xwe, zêdetire ji aliyên din, vêca dibêjin: bila YNK hêzên xwe teslîm bike, wate teslîm bi leşkirekî bike ku deshilat û serweriya (hikumrani) PDKê li ser heye. Eva han çend bi çendiye?!
Pirsyar heye ku ji bo çi paş hilbijartinên raboriyê, postê (erkê) parêzgar bi Goran nehat dayîn, di bersivê de dibêjin, çunkî: Goran, pêş YNKê, bi PDKê re hikûmet pêk anî. Du wezaretên girîng yên YNKê jî wergirt. Paşê, rêkeftibûn ku PDK piştevaniyê bide Goran ji bo wergirtina postê parêzgar. YNK, eva bi pîlanê hevbeş yê PDK û Goran, nirxand. Lewma, hatgotin:
Goran bi dengê xwe yê di civata parêzgeha Silêmanî de bikaribe bibe, ji wan re pîroz be. Lê, bi pîlana hevbeş ya PDK û Goran yan her aliyekî din, bixwazin li dijî YNKê yekbigrin, bê ku hevpeymaniya siyasî di navbera wan de hebe, eva giran e YNK qebûl bike.
Di dawîn de.. pewîste bêjim: hemû ew nerînên min, siyaseta YNKê ye. Lê, bi dilniyayî baweriya min ya neguher bi destbidestkirina deshilatê heye. Radestkirina deshilatê jî paş serkeftina her aliyekî, bi beşek ji proseya demokrasiyê dizanim.
Paş ku rêjeya dengên me jî di hilbijartinan de nizim bû, min û hevalekî din yê polîtburoyê rijdbûn bi beyannameyek kurt, encamê qebûl bikin û pîrozbahî li hemû aliyekî bikin. Wê demê jî. Her divê hîzrê li projeya stratejîk ya yekxistina hêzan li ser bingeha temamkirina projeya destûra Kurdistanê, bikin.
puknow
Werger: Metîn Mihemed