Amerîka û Korya rêkeftin û têlbenda siyasî ya li derdora goristana yek milyon qurbaniyan hûnandin û gora wan ji bo peywendiya nû girêdan e.
Korya li Başûrê Rojhilatê Asya, dawîn eniya dujminatiya Amerîkayê bû. Çîn, demeke dest ji têza sêcîhaniyê berdaye û siyaseta guncaw ya nevxweyî û derveyî, girtiye berxwe. Kuba, deh saleke gotarên dirêj yên Kostro yên li dijî Amerîkayê, peçandiye û nêvbera xwe li ligel Rojava baş kiriye. Niha, li Venzuellaya Amerikaya Latîn, pirsgirêk ligel Amerîkayê maye. Li Rojhilat jî Komara Îslamî ya Îranê, hêj nerîngeha cûda,  van rastiyan ji mere dibêje:
Nexşeya siyasî ya cîhanê, hindik maye paşmayîyên şerê sar ji holê rake. Nakokiya Îran, yê serdema şerê sar nîne, yê bawerî û berjewendiya siyasî – cografî yên cûda jî tevlihev bûye. 
Ez, wiha dihizirim, egera çareseriya siyasî zêdetir li pêşê ye, hetta li Rojhilatê jî. Venzuella, dê zûtir rêya çareseriyê hilbijêrin. 
Ya ku di siyaseta Amerîkaya serdemê serokatiya Tramp de derketiye, siyaseta sepandina zêdetir givaşên aborîyê ye û rêkeftina siyasî armance. Ne ji bo şer e!
Herçende rewşê ji hemû aliyan dinirxînim, serdema şerê mezin biser çûye. Diyare, şerên lokalî li vir û li wir Yemenê, Lubnanê, Lîbyayê... hwd, rû didin. Dibe jî li Kendavê yan li Başûrê Lubnanê û Sûriye li Îsraîlê, nîve şerekî din jî rû bide. 
Netewa Kurd, divê di van du salan de zêdetir ji du deh salên raborî, veciniqe. Çunkî, dema serdem digihêje portrekirina dawîn senaryoya siyasî ya hêzen mezin û hêzên navçeyî, çarenivîsa neteweyên bindest zêditir dikeve metirsiyê. Ewê ji dest derçû venagere, bila ewê maye ji dest derneçe. Bi hêviya, hêzên bi tecrûbe û serkirdeyên fedekar,  kûrtir li ser serdemê bihizirin.
puknow