Serok Mam Celal demokrasî û federalî kir bi nasnameya İraqa nû

  2021-04-06 23:06      96 Car hatiye dîtin        Şîrove
“Mamê me yê mezin bi hîkmet û jîrî û bêwestanê gellek serkevtin û destkevt pêşkêş bi gele me kir”

Peyama hevserokê Yekîtiya Niştimaniya Kurdistanê (YNK) Lahur Şêx Cengî bi helkevta 16hemîn salroja hilbijartina Serok Mam Celal ji bo postê Serokkomariya İraqê:
Evroj 16 sal bi ser hilbijartina Serok Mam Celal wek Serokkomarê İraqa Federal re derbas dibe ku ev bûyer werçerxanekî giring bû di dîroka siyasî ya İraqê de ya paş dîktatoriyê. Ji bo Gelê Kurdistanê jî destkevteke giring bû ku ji bo cara yekê di dîroka de kurdekî siyasmedar, mamoste, xebatgêr, dîplomat û şariza bi hilbijartinekî azad, bibe Serokkomarê İraqê.
Mamê me yê mezin bi hîkmet û jîrî û bênavberiyê, gellek serkevtin û destkevt pêşkêş bi gelê xwe kir bi Kurd û Ereb ve; karî bibe nûner û parêzerê hemû pêkhateyan û bibe sîvana berheviyê ya hemû nerînên cûda. Parêzerê destûrê bû, herdem ligel yekrîzî û tebayî û îstîkarar û bihevrejiyanê bû, demokrasî û federalî kir bi nasnameya İraqa nû û her jiber vê jî nasnavê “Semam El Man” lê hatiye kirin. 
Di nêv xwê jî de ligel yekrîziya tev aliyan bû; destê hevkarî, aştî û tebayiyê ji bo hemuyan dirêj dikir. Herdem, kar ji bo bihêzbûna Kurd dikir li Bexdadê, dema Mam serokkomar bû Herêma Kurdistanê geşbûn û vejîna mezin bi xwe ve dît. 
Evroj ku em 16hemîn salroja vê bîranîna bibîr tînin, em di nêv Yekîtiya Niştimaniya Kurdistanê (YNK) de sozê dubare dikin ku xwendkarê rêbaza Mamê xwe yê mezin bin. Emê nerînên Mam yên neguher, bikin plan û program û pêngavên xwe yên karkirin ê. Niha jî ji hemû deman zêdetir pêwîstiya me siyaset û rêbaza Serok Mam Celal heye ji bo çareserkirina pirsgirêkan. Em piştevaniya hemû aliyan dikin ku dawî bi hevrikiya şexsî û berjewendiyên partiyî bînin û bihevre kar ji bo çespandina mafêm milletê me bikin û jiyanekî hêjatir û xweşguzeran ji bo wan pêk bînin. 
                                                                                            Hevserokê 
                                                                       Yekîtiya Niştimaniya Kurdistanê (YNK)
                                                                                       Lahur Şêx Cengî
Puknow
Metîn Mihemed

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî