Hewlên çareserkirina pirsgrêkan bi rêya leşkerî nedurust e

  2019-10-08 22:48      143 Car hatiye dîtin        Şîrove
Polîtburoya YNKê civiya

Polîtburoya Yekîtiya Niştimaniya Kurdistanê (YNK), rewşa dawî ya siyasî û ewlehiyê ya Herêma Kurdistan, Iraq û Rojavayê Kurdistanê, nirxand. 
Teksta encamên civînê:
Polîtburoya YNKê, îro (08-10-2019), li Silêmanî, bi serpereştiya Cîgirê Sekreterê Giştî Kosret Resûl Elî civiya. 
Di civînê de ku Cîgirê Duyem yê Sekreterê Giştî Dr. Berhem Ehmed Salih bi rêya vîdyokonferansê beşdarî civînê bû; pêşkevtinên dawîn û guherînên peywendîdar bi rewşa siyasî ya Kurdistan, Iraq u navçeyê bi hurgilî hat nirxandin. 
Di derbarê rewşa Iraq û xwepêşandanên aram ji bo çaksaziya bingehîn û rûbirûbna gendelî û başkirina rewşa jiyana xelkê û xizmetguzariyên giştî, bi mafên rewa zanî. 
Bikaranîna her cûrê tûndûtijiyekê ji aliyê her aliyekî ve nedurust û rêpênedayî, dibe hêvîna şêwandina aramî û asayîşa Iraq û ji rêderxistina xwepêşandanan û windakirina armancên rastîn yên xwepêşanderan. 
Polîtburoya YNKê sersaxiyê ji bo kesûkarên wan dixwaze ku di refên xwepêşanderan û hêzên navxwe de canên xwe jidest dane. Herwiha, hêviya zû başbûnê ji bo brîndaran dixwaz e. Rijdiyê dikin li ser wê ku hemû hêzên niştimanî yên Iraqê, hewlên xwe bixin ger ji bo kontrolkirina rewşê û çareserkirina pirsgrêkan bi rêya diyalog û awayê hemdem. 
Di derbarê peywendiyên nêvbera Herêma Kurdistan û hikûmeta navendî de Polîtburoyê teqezî li ser helwestê cîhgir yê YNKê kir ku zemînek guncaw rexsiye, da ku bi rêya gotûbêjên ciddî û berpirsyarane ligorî destûrê pirsan çareser bikin. 
Pêşkevtinên li Rojavayê Kurdistan û Bakûrê Sûriyê, mijarekî din ya civînê bû. Polîtburoyê teqez kir ku Gelê Kurdistan li Rojavayê Kurdistanê, milbimilê aliyên din yên Hêzên Sûriyeya Demokrat bi hevkariya hevpeymaniya nêvdewletî di şerê têkşikandina DAIŞ û nehiştina metirsî û gefên mezin li ser aramî û ewlehiya Rojhilata Navîn, hetta Cîhanê jî gellek berdêl da û jiriyek bêhempa tomar kir. 
Bûyer û pêşkevtinên du rojên raboriyê cihê xemginiyek mezin e, bijardeya leşkerî ji bo çareserkirina rêyek nedurust e û rewşê ber bi çargoşe yekem ve dibe. Berdewambûna aloziyan, dê karesata mîrovî ya mezin bi xwe re bîne û rewşê jî durust dike ji bo serhildana metirsiya rêkxistinên terorîstî, pêş hemûyan jî DAIŞ.
Polîtburoyê ragihand, Yekîtiya Niştimaniya Kurdistanê bi kanalên cihê hemû hewlên xwe dixe ger ji bo rêgirtin li mezinbûna alozî û şer ku Gelê Kurdistanê li Rojava û gelên din yên Bakûrê Sûriyê, rastî xwînrijtin û karesatên mirovî yên zêdetir dike. Herwiha, daxwaz ji civaka nêvdewletî dikin, rê li bilindbûna astê tevliheviyê bigre û berpirsyariya hemû aliyêkiye ku alîkariya Gelê Kurdistanê û Rojava bike. 
Di çarçoveya ronahiya guherîn û metirsiyan de Polîtburoyê, teqezî li ser siyaseta dîrokî û çespî ya YNKê kir ji bo yekrîziya Gelê Kurdistan û qayîmkirina peywendiyên nêvbera hêzên siyasî yên kurdistanî di vê rewşa aloz de. Herwiha, teqez kir ku hestiyariya rewşê, tebayî û hevahengî û yekhelwestiya hemû aliyekî dixwaze.
Polîtburo radigihîne, Yekîtiya Niştimaniya Kurdistanê wek hêzekî berpirsyar beramber bi pêkanîna erkên niştimanî û neteweyî û demokrasiyê û berpirsyar li beramber çarenivîsa Gelê Kurdistanê, bi hûrgilî û hişyariyê çavdêriya rewşê û guherin û pêşkevtinên nû dike; bi fedekariyê hewlên xwe dê bidomîne ji bo parastina berjewendiyên Gelê Kurdistanê, aştî û aramî û desbasbûn ji metirsiyan. 
                                                                                                                               Ragihandina Polîtburoya 
                                                                                                                      Yekîtiya Niştimaniya Kurdistanê 
                                                                                                                                        08-10-2019
Puknow
Metîn Mihemed

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî