YNK rijde li ser cîbicîkirina sîstema nemerkezî ku di karnameya hikûmetê de cîh digre

  2020-05-03 19:47      128 Car hatiye dîtin        Şîrove
YNK ligorî rêkeftina siyasî a nêvbera YNKê û PDKê, daxwaza cîbicîkirina sîstema nemerkezî dike

Polîtburoya Yekîtiya Niştimaniya Kurdistanê (YNK) ku duhî (02-05-2020), li Silêmanî, bi serpereştiya Hevserokê YNKê Lahur Şêx Cengî civiya bû, bi daxuyaniyek nivîskî naveroka gotûbêjên xwe ji bo raya giştî aşkere kir. 
Teksta daxuyaniyê:
Duhî (02-05-2020), Polîtburoya Yekîtiya Niştimaniya Kurdistanê (YNK), li Silêmanî, bi serpereştiya Hevserokê YNKê Lahur Şêx Cengî, civiya. 
Di civînê de ku Qubad Talebanî û tîma YNKê a di Hikûmeta Herêma Kurdistanê jî de beşdar bûn; bi hûrgilî, gotûbêj li ser rewşa siyasî, debar û jiyana hevwelatiyan û pirsa pêkanîna hikûmeta nû a İraqê û rewşa nelibar ya navçeyên kurdistanî yên qutkirî û metirsiya ji nû ve serhildana DAIŞê û karûbarên navxwe yên partiyî, hat kirin. 
Di derbarê hewlên şanda Hikûmeta Herêma Kurdistanê a li Bexdadê de polîtburoyê ligel ku hevl û bizavên wefdê yên ji bo çareseriya pirsgrêka miaş û şayisteya darayî ya Herêma Kurdistanê bi hêja zanî, herwiha bi grîngiyek mezin li ser sedem û encamên vê pirsê sekinî. Polîtburoyê, peydakirina miaşên fermanberan, parastina jiyan û debara hevwelatiyan di vê demê de bi erkê herî serekî yê Hikûmeta Herêma Kurdistanê zanî ku şewba koronayê rewşek dijwartir durust kiriye û bandora xwe li hemû kesî kiriye; nebûnî û hêjarî jî tesîra xwe li ser piraniya xelkê Kurdistanê kiriye ku mixabin rojbiroj xerabtir jî dibe. 
Di civînê de sîstema nemerkezî jî bi hûrgilî hat nirxandin; di civînê de rijdî li ser pêwîstiya cîbicîkirina wê,  wek xwe ligorî rêkeftina siyasî a nêvbera YNKê û PDKê, hat kirin ku di karnameya nû ya hikûmeta nû a Herêma Kurdistanê de cîh digre û niha, bûye daxwaziyekî girseyî û encumenên hilbijartî bi taybetî paş tecrubeya serkevtî ya îdareyên xwecîhî di birêvebirina wan krîzên koronayê ku li Dinya û Herêmê durust kiriye. 
Di derbarê peywendiyên siyasî yên YNK û aliyên din yên siyasî de tekezî li ser xurtkirin wan peywendiyan hat kirin bi nerîngeha yekdengî, yekrîzî û hevahengiyê ji bo pêkanîna xwastên Gelê Kurdistanê û parastina Yekîtiya Niştimaniya Kurdistanê (YNK) wek hevîna herdem a yekrîziya niştimanî û wek emanetekî Serok Mam Celal ku parastina wê di stuyê me yên YNKyiyan de ye. 
                                                                                                                                              Polîtburoya
                                                                                                                             Yekîtiya Niştimaniya Kurdistanê
Puknow
Metîn Mihemed

 

Babetên zêdetir

Nûçeyên herî nû

Gotar

Wêne

Keş û hewa

Herî zêde serdankirî